مشكلة قيادات العسكر ثاندر انهم بيفكروا بطريقة الخمسينات بتاعتهم لسه
و ما اخدوش دروس و عبر من ليبيا و سوريا زى ما فلقنا طنطاوى بانهم صابرين صابرين صابرين
المصيبة انه مش عارف مين بالظبط اللى صابر عليهم
خاليهم يتسلوا على رأى مخلوعهم

الإعلامي معتز مطر في برنامجه محطة مصر: مصادرنا تقول بأن المشير سيسلم السلطة إلى رئيس المجلس الاستشارى منصور حسن




عينة من حرية و صدق و مصداقية الإعلام المصرى "الحر"

(01-30-2012, 11:34 AM)-ليلى- كتب:  لكن اثبت المصريين انهم اذكى من اى نظام و وعيهم فاق توقعات الثوار نفسهم

شعب واعى !

هما الكام صايع اللى واقفين أدام ماسبيرو دول بتسموهم شعب؟

أومال ليه جميع الأستفتاءات التى يتم أجراءها حاليا نتيجتها بتثبت أن أكثر من 80% ممن شاركوا فيها هم مع أستمرار المجلس العسكرى فى ادارة البلاد حتى نهاية يونيو ؟

اذا كنتم بتتكلمواعن الشعب فالشعب مع استمرار الجيش , واذا كان ده جهل وقلة وعى يبقى الشعب ده جاهل ومعندوش وعى , وأنتوا لستم أوصياء عليه .

ههههههههههههههههههههههههههههههههههههههههههههههههه

---

احلى حاجه فى النادى هى خاصية التجاهل
كدا الواحد ما يضيعش وقت فى تفاهات
نفس الشىء بيعمله عملاء العسكر فى التظاهرات
بيبعتوا شوية اطفال يشوهوا و يشوشروا على المتظاهرين علشان يُنسبوا لهم و يتقال اهم الثوار
او بتوع اللجان الاكترونية تخصصهم انهم يبوظوا كل المواضيع فى المنتديات او على الفايس بوك
عادى خلاص اخدنا عليهم و حلهم التجاهل التام
نرجع لموضوعنا الاهم



الظابط ده عمل اكونت علي تويتر يوم السبت 28 يناير وكتب كل التويتات دي وتم غلق الاكونت بعدها بيوم ..

والنهارده اتفتح تانى الكلام اغلبه منطقي .. اقروا وقولوا رأيكو ..



الملازم اول : محمد وديع
ظابط في الصاعقه
رقمه العسكرى
١٢٦٤٣٣
ملازم أول/ محمد وديع الوحده ٩٩٩ قتال سابقا ضباط ٨ ابريل حاليا والعمر واحد والرب واحد





يعنى ايه قسم ؟ يعنى ايه أقسم بالله العظيم أن أكون جنديا وفيا لجمهورية مصر العربيه ؟ طيب يعنى ايه نكتب بأجسامنا مصر
مبارك مبارك مصر ؟؟

يعنى ايه قبل قرار تنحى مبارك يتسرح ١٨٠٠ مسجون من السجن الحربى منهم اغتصاب وقتل على طريق مصر الاسماعيليه ؟؟


يعنى ايه اللوا صلاح الشربينى لصف ظابط هاديك شلوط تطلع عند ربنا يقولولك جاى منين تقولهم من عند اللوا صلاح يقولولك ارجع مش عايزين مشاكل


يعنى ايه اللواء الروينى يغلق مسجد المنطقه المركزيه ويمنع الصلاه فيه بعد ما صلي فيه المخلوع علشان يفضل محافظ عليه لحد ما ييجى يصلى تانى ؟؟


يعنى ايه الديكتاتور مختار المللا يتكلم عن الديقراطيه ؟؟

يعنى ايه الضايع سامى عنان يخطط لجيش مصر ؟؟

يعنى ايه ممدوح شاهين التايه يشرع لمصر ؟؟

يعنى ايه النقيب أحمد حمام والرائد أشرف عبد الحميد والملازم مينا أبطال موقعة العذريه ما حدش يعرف عنهم حاجه ؟

يعنى ايه قائد الفرقه التاسعه المشاه الميكانيكى يأمر صغار الضباط بالإفراج عن الحصنه والجمال واصحابهم علشان يروحوا ينفذه مذبحه فى التحرير ؟؟

يعنى ايه ابن المشير يروح مخابرات عامه ما تعجبهوش يروح رقابه اداريه يزهق يرجع العامه تانى عزبة بابى ؟؟

يعنى ايه ابن المشير يخترعوله منصب عند تخرجه من الشرطه المنسق العام بين وزارتى الدفاع والداخليه ؟؟

يعنى ايه جميع أولاد لواءات القوات المسلحه إما مخابرات عامه أو رقابه إداريه ؟؟

يعنى ايه فى العروض والاستعراضات نصرف ملايين على الفشخره الكدابه زى اللى بياخد هرمونات فى الجيم ومافيهوش نفخه ؟؟

يعنى ايه هشام ماهر فى لواء الوحدات يسرق بنزين للسيل علشان ينفذوا التدريب ؟

الصاعقه البحريه رفضت ضرب المتظاهرين امام المنطقه الشماليه والصاعقه البريه دغدغت زمايلها قبل الناس يوم ٨ ابريل مين وصلهم لكده ؟؟

ضباط لواء الوحدات الخاصه رجال الضفادع البشريه رفضوا ضرب المتظاهرين اما ال ٧٧٧ ؟؟

يعنى ايه الشرطه العسكريه اللى بتأمن المحاور وتحول الطرق ولها مهمه محترمه فى الحرب يحولها بادين لمباحث مكافحة الثوار ؟؟

يعنى ايه الصاعقه المصريه احد مصادر رعب اسرائيل ماسكين عصيان وطالعين يجروا ورا الناس فى الشوارع بقيادة اللواء سامى سعد زغلول

يعنى ايه ظابط مظلات الباريه بتاعه متوحد على مستوى العالم قافز حر قوات خاصه يفتخر بضرب البنات كإنه فتح عكه مين وصله ده ؟؟

يعنى ايه قائد السجن يقولى يا ابنى المشير لا دريان بيا ولا بيك يلا حسن الختام قمال دريان بمصر ازاى ؟؟

يعنى ايه اللوا الفخرانى يكلف بوابه ٩ ميليون الرقابه الاداريه تزعل يطلع معاش ويتعين محافظ الاسماعيليه ؟؟

يعنى ايه القبه السماويه فى الكليه الحربيه تتكلف ٤٥ ميليون جنيه فى عهد مختار المللا

يعنى ايه حمام فى الصحراء يتكلف ٢ ميليون جنيه يعملوا خبير المانى لإحتمال قدوم مبارك لعرض المنطقه الغربيه

يعنى ايه الروينى فى المنطقه المركزيه للضباط ثورة ايه وخره ايه احنا غلطنين اننا ما دسناش عليهم بالجزمه ؟؟

يعنى ايه مختار المللا فى معهد المدرعات للضباط هما فاكرين انهم عملوا ثوره لكن احنا هانوريهم حبة العيال

يعنى ايه اللواء الفنجرى وسيد البرنس يقولوا احنا حطينا روحنا على كفنا ضد مبارك ولولا اللى عاملناه بإنعقاد المجلس ما كانتش الثوره نجحت ؟؟

يعنى ايه محسن الفنجرى يقول لما نغير المحافظين والمحليات والجامعات والداخليه تبقى فين الدوله بقى ؟؟

يعنى ايه محسن الفنجرى يقول فى لقاء بالسجن الحربى الحركات الشبابيه دول هما اللى بوظوا الثوره ونصفهم عملاء وخونه ونصفهم مغيبين ؟

يعنى ايه كل الفلوس والذهب والموبايلات الاحراز فى السجن الحربى تتباع وتوزع مكافئات على الضباط والجنود ؟؟

يعنى ايه جميع محتويات مقر الحزب الوطنى تبقى بقانون غنائم الحرب فى مخازن الفرقه الثانيه المشاه الميكانيكى وهو كده ؟؟

يعنى ايه الجبن يبقى اهم صفات المقاتل !!!!

يعنى ايه المشير يقول على طلبة الكليه الحربيه بعد خناقة ١٥ مايو الطلبه دول انا كنت قادر احرقهم !!

إله الملاعب اما لو انت على دكة البدلاء وسيادته جه يلعب رمية تماس تقف انتباه من حديد لحد ما يلعب ويدخل الملعب تانى تقوم قاعد

ولو بتلعب معاه تباصيله كتير ولو الجون فاضى وهو جنبك لازم هو اللى يجيب الجون لو الكوره اتقطعت منه تجرى بسرعه وتحاول ترجعهاله

تعليمات الماتش ما تدخلش عليه ماترقصهوش سيبه يرقصك ما تشوطش وهو واقف حواليك ما تلمسهوش واللى ادانى التعليمات لواء مدير جهاز الرياضه

لعبت كوره مع المشير فى ٢٠٠٥ وكان ضدى وبيلعب مع المهد الفنى واحنا حربيه

يعنى ايه الرئيس المخلوع بتتبنيله فيلا فى السجن الحربى دلوقتى ومستشفى السجن بتتجهز لتصبح سبع نجوم تحسبا لأى احتمالات

يعنى ايه الروينى فى المتحف المصري لما ما يعجبوش حد يقول يا تسعات فسحوه ياخدوه وحوش ال ٩٩٩ ورا المتحف لحد ما يبانلو صاحب مسلسل الوسيه ده ؟

يعنى ايه اخد فرقة السيل يبقى عادى واخد القائد بتاعى اوصله وانا مروح ابقى اشطر ظابط فالوجود ؟؟

يعنى ايه المخابرات العامه يمسكها لواء وهيئة الرقابه الإداريه يمسكها لواء والمحافظين لواءات الدوله كانت الجيش مش حسنى مبارك

يعنى ايه لما تتكلم فى التطوير والتدريب يتقال لك اسكت ماتوديش نفسك فى داهيه ؟

يعنى ايه تلاتين سنه التوفيق وامتداد رمسيس وخلف العبور واذ فجأه قصور فى التجمع الخامس والرحاب ومدينتى والشروق ؟؟

يعنى ايه مرتب الملازم ٢٠٠٠ جنيه ومرتب اللواء ٥٠٠٠ جنيه والفرق بينهم ٣٠ سنه عمل سياسة تجويع وحرمان ؟؟

يعنى ايه حصاد هدايا زفاف ابن احد اللواءات ٢٥٠٠٠٠ جنيه ذهب

والله العظيم المشير ما عايز يضحك على الشعب والله العظيم المشير عايز يكسر إرادة الشعب

طيب يعنى ايه يصبح عرف مستديم فى احتفالات القوات المسلحه ذبح عجل تحت اقدام المشير نوعا من القرابين والاضحيه لسيادته ؟؟

يعنى ايه لما ارفض الكلام فى المخابرات يتقلى لدينا من الوسائل والاساليب اللى يخليك تعترف على نفسك انك جاسوس وانت مش جاسوس ؟؟

طيب يعنى ايه يتقالى من لواء مين علاء الاسوانى ده اللى اهم انجازاته عمارة يعقوبيان هو خلاص كده اصبح اديب ؟؟

يعنى ايه يعلمونى فى الخطه اراده فض الشغب والتظاهر اوعى تضرب طلقه فى الهوا لا يفتكرونا نازلين نهزر اضرب فى المليان ؟؟

يعنى ايه عصابه خلصت على الجيش وبتخلص على مصر دلوقتى ؟؟

يعنى ايه ابقى عارف قد ده ميت مره والناس تقول شرفاء الجيش فين وما انزلش يوم ٨ ابريل ؟؟؟؟؟

يعنى ايه ظابط واقف قدام مقر رئيس الجمهوريه بدبابه ومعاهوش طلقه فشنك ياخد امر ما يعدوش غير على

جثتك ؟؟

يعنى ايه ٦٥ يتدفنوا جنب السجن الحربى واهاليهم بيدوروا عليهم لحد دلوقتى ؟؟


يعنى الظابط اللى ساكت خاين واللى اتكلم تبع المجلس طيب نعملكم ايه علشان تفهمو ؟؟


يعنى ايه الوحده ٧٧٧ والوحده ٩٩٩ وحدات ارهاب دولى توضع فى مواجهه مع مواطنين مصريين


يعنى ايه قائد الفرقه الثانيه مشاه ميكانيكى يشرف على التعذيب داخل المتحف المصري


يعنى ايه لما اسكت ابقى خاين ولما اتكلم ابقى باعمل فتنه ؟


يعنى ايه الطيران الحربى يشارك فى تهريب اموال ؟؟


يعنى ايه حسن الروينى يأمر بتأمين ابناء مبارك من مصطفى محمود للتحرير ١ فبراير ؟؟
—

يعنى ايه اللواء صلاح الشربينى يسأل على ظابط ما يلقيهوش ولما ييجى كنت فين كنت باصلى يا فندم طب ١٥ يوم حجز وخلى ربنا ينفعك ؟؟

بمناسبة البلطجيه يعنى ايه الضباط تاخد اوامر ايام الثوره لو بتوع التحرير جابولكم بلطجيه خدوهم وافرجوا عنهم فورا
يعنى ايه اللواء طيار علاء نصارإختلاس ٢٥ ميليون جنيه يطلع معاش طبى ويعين على صاله ٣ بمطار القاهره ؟؟
يعنى ايه كل من هو لواء طيار حبيب مبارك او شفيق يعين فى مصر للطيران ويصل لأعلى المناصب ؟؟
يعنى ايه الفريق مجدى شعراوى الرقابه الاداريه قضيه ب ٤٥ ميليون دولار ومبارك يقول ماحدش يقرب له ؟؟
يعنى ايه مستشفى القوات الجويه الجديده بالتجمع الخامس تكليفتها اكتر من ٢ ميليار جنيه وتخدم رتبة لواء فيما اعلى والغلابه مش عارفين يتعالجو ؟؟

يعنى ايه ربح قائد المنطقه الغربيه الشهرى من حدائق وفنادق ومحلات ونوادى فقط ميليون جنيه شهريا

اللواء حمدى صبحى ابو سعده رشوه ميليون جنيه من مقاول فى تجهيز المنطقه المركزيه الزائف الذى افتتحه مبارك وعين بعد ذلك رئيس هيئة التفتيش ؟؟
دخل اللواء اسماعيل عتمان من ادارة الشئون المعنويه شهريا يتجاوز نصف ميليون جنيه مطربين وراقصات وعمره وخلافه يعنى ايه ؟؟
يعنى ايه فى عهد المللا فى الكليه الحربيه رائد يستحرم دهانات لمبنى صغير دورين ب ٩٠ ألف يشتكى ليكتشف انه كان ناسى صفر والمبلغ ٩٠٠ ألف ؟؟
يعنى ايه المشير لأحد اللواءات عندك فيلا ب ٨ ميليون جبت منين ال٨ ميليون يرد من خيرك يا فندم هههههههه والموضوع يعدى ؟؟
قائد المركز اللى فى الكيلو ٢٦ اللى فيه مشاكل اسمه العقيد خالد هيكل العقيد خالد هيكل رفض تنزيل صورة مبارك من مكتبه بعد التنحى وبضغط من الملازم اول/ ياسر بخاتى
انزل الصوره بعد ان ادى لها التحيه وقال انا اسف يا قائد وقال لجندى دخل سيادة الريس جوا فى الاوضه يا ابنى
يعنى ايه حتى هذه اللحظه بقاعدة الماظه الجويه طائره خاصه ملك لجمال مبارك تقدر ب ٤٠ ميليون دولار فلوس اي اللى بندور عليها ؟؟
يعنى ايه اللواء التهامى بعد منصب مدير المخابرات الحربيه يمسك الرقابه الإداريه ويقول فى عهد مبارك انا باسمع كلام المشير وبس ؟؟
يعنى ايه طنطاوى يقول أنا لن أكون المشير السابق هاكون المشير الراحل ؟؟
يعنى ايه المشير لضباط الدفعه ٩٨ خريجين ٢٠٠٤ انتم دفعه محترمه شكلى هاخد منكم رئيس أركان معايا ؟؟
يعنى ايه علشان اصبح من كبار القاده لازم اكون صاحب ثلاث مبادئ ( أحلام سيادتك أوامر - تفة سيادتك وسام على صدرى - شلوط سيادتك دفعه للأمام ) ؟؟
يعنى ايه المللا لطالب متفوق أنت هاتسلم على الريس ازاى بالخره اللى فى قورتك ده انت هاتستشيخلنا فيها يروح الحلميه تتشال بالليزر لو ينفع ؟؟
يعنى إيه فى القانون العسكرى الماده رقم ١٠٠ بتقول للضابط المصدق على الحكم جميع الصلاحيات تشديد تخفيض ايقاف الغاء يبقى القاضى لزمته ايه ؟؟
اللواء صلاح الشربينى مدير إدارة المدرعات حتى الأن تعدى بالضرب على صف ظابط حتى الموت فى ١١/٢٠١٠ ولم يحاسب حتى الأن....

يعنى ايه المشير لأهالينا ازاي ولادكم ينزلوا مع الرعاع فى التحرير أنا مش مصدق !!

اللواء حسن الروينى المجلس لا تشوبه شائبه وضباط ٨ ابريل الحاجه الوحيده اللى سوئت سمعت الجيش و خلت منظره سيئ
يعنى ايه ظابط قوات خاصه يقلوله ألبس ثعبان وانزل مقلوب بالحبل فى الصاله المغطاه وسط الراقصين ولا فرقة رضا ؟؟
يعنى ايه بعد ما ننزل من الطائره فى النيل انقذ ضابط صف بيغرق جهاز اشاره يقع يتقالى هو يغرق ويموت ويتحاكم وهو ميت والجهاز مايضعش ؟؟
يعنى ايه امريكا تدينا معدات على سبيل المعونه تحتاج قطع غيار اربع اضعاف ثمنها ؟
يعنى ايه الامريكان الكفره بيتدربوا علشان يموتونا واحنا قاعدين نهجس فى الهجايس ؟
ساره شمبونجو قالت على اتفاقية الخروج الأمن وعد بلفور أعطى من لا حق له من لا يستحق وإن شاء الله هايكون من لن يحكم إلى من لن ينول .
ماما خديجه مره قالتلى الثوره هاتنتصر لما نبطل نكدب وانا قلتلها لما نبطل نقول نديهم فرصه وناخد على قفانا

يعنى ايه بعد كل اللى بقوله ده تقعد تسألنى انت بتتويت ازاي وانت فى السجن وسايب اخواتك فى عز البرد عند ماسبيرو ؟؟
أنا دخلت الكليه الحربيه علشان اموت شهيد منتصر مش مهزوم واحترف قتال مش احترف شقلبظات!!

الله أكبر .. النصر للثوره .. الموت للخونه .. المجد للشهداء .. تحيا جمهورية مصر العربيه

(01-30-2012, 12:45 PM)-ليلى- كتب:  ههههههههههههههههههههههههههههههههههههههههههههههههه

بتضحكى ههههههههههه

أنا مش فاهم أنت لية مش واضعة فى أعتبارك الأحتمال الأسوأ ؟! وماذا لوحدث ؟ هل ستكونى وقتها مرتاحة الضمير ؟

---

(01-30-2012, 12:45 PM)-ليلى- كتب:  ههههههههههههههههههههههههههههههههههههههههههههههههه

---

احلى حاجه فى النادى هى خاصية التجاهل
كدا الواحد ما يضيعش وقت فى تفاهات
نفس الشىء بيعمله عملاء العسكر فى التظاهرات
بيبعتوا شوية اطفال يشوهوا و يشوشروا على المتظاهرين علشان يُنسبوا لهم و يتقال اهم الثوار
او بتوع اللجان الاكترونية تخصصهم انهم يبوظوا كل المواضيع فى المنتديات او على الفايس بوك
عادى خلاص اخدنا عليهم و حلهم التجاهل التام
نرجع لموضوعنا الاهم

لا ياشيخة !

طيب ما تخلى الكلام ده لحد تانى ,,, أومال لو مكناش نعرف بعض كويس كنتى قلتى أيه أكتر من كده؟

(01-30-2012, 12:45 PM)-ليلى- كتب:  او بتوع اللجان الاكترونية تخصصهم انهم يبوظوا كل المواضيع فى المنتديات او على الفايس بوك
عادى خلاص اخدنا عليهم و حلهم التجاهل التام

هل صحيح فعلا موضوع اللجان الأكترونية ده ؟ وفى ناس بالفعل عملاه سبوبة وبتسترزق من وراه؟معقولة وصلت المهانة لهذا الحد ؟يعنى نسخة حديثة من المعددة * تتناسب مع زمن النت؟



* المعددة : سيدة تستأجر فى الاحياء الشعبية للبكاء على الميت والصراخ عليه ,تعدد مأثره,أو تبتكر مأثر له.

ايوه صحيح للاسف
ناس لسه عايشة فى الوهم بان العسكر ناس طيبة و حبوبة و ان الثوار دول عملاء و اجندات و كنتاكى و يورو
و تساله شغلتك ايه على المدفع ايه يا عسكرى
يقول لك شغلتى بررررم
و صباح الخير على العالم المغيبة
بكره يصحوا على بلد فيها احرار مش عبيد بس اتمنى يقدروا يتنفسوا الهواء النضيف و ما يجيلهمش اختناق
سيبك منهم و احسن حل لهم التجاهل
كمل طريقك و الناس عندها عقل و بتقدر تمييز مين الصح و مين الغلط

(04-18-2011, 04:30 AM)بهجت كتب:  الزميلة –ليلى-
أعجب أن تكوني زوجة لك أطفال ، لأني أراك تنقلين – بلا تحفظ - أفكارآ و كتابات لبعض الصبية صغار السن و محدودي التفكير .
-
-
-

فقط أتسائل ما هي الفائدة التي ستعود على مصر من تدمير القوات المسلحة ، بعد أن انهارت المنظومة الأمنية ،و أوشكنا على الإفلاس ؟. أتسائل عن المبرر الذي يدفعك و يدفع غيرك إلى تلك الحرب الشرسة ضد القوات المسلحة ،و محاولة الوقيعة بين قيادات الجيش و أفراده ؟ .
لو قدر لمصر النجاة مما هي فيه الآن فلن يكون ذلك نتيجة الهتافات التى طالت بلا مبرر ،و لكن نتيجة جهود الرجال الناضجين الذين يتصدون للعمل العام بجدية ،و على رأسهم القوات المسلحة . لا يوجد إنسان محترم في مصر يدرك معنى الوطنية الحقيقية ، يوافق على النيل من القوات المسلحة و دورها .
ستكون هذه مداخلتي الأخيرة في هذا الموضوع .
و تقبلي خالص التمنيات

(01-30-2012, 02:10 PM)عاشق الكلمه كتب:   لا يوجد إنسان محترم في مصر يدرك معنى الوطنية الحقيقية ، يوافق على النيل من القوات المسلحة و دورها .

كلام فى محله لذا يرى الكثيرون أن مجلس الأربعة وأربعين مجلس غير محترم وليس وطنيا حقا,فمن يحول القوات المسلحة الى مصانع مكرونة وقوات لمكافحة الأعتصامات,ويقدم الوطن على طبق من ذهب لقوى سياسية بعينها ممهدا كل الطرق لها للاستيلاء على الوطن كاملا ,فأنه بلاشك لعب ولازال يلعب لعبة فى منتهى القذارة لاوطنية بها ولا أحترام.

اقتباس:كلام فى محله لذا يرى الكثيرون أن مجلس الأربعة وأربعين مجلس غير محترم وليس وطنيا حقا,فمن يحول القوات المسلحة الى مصانع مكرونة وقوات لمكافحة الأعتصامات,ويقدم الوطن على طبق من ذهب لقوى سياسية بعينها ممهدا كل الطرق لها للاستيلاء على الوطن كاملا ,فأنه بلاشك لعب ولازال يلعب لعبة فى منتهى القذارة لاوطنية بها ولا أحترام.

بل وأصدر الأوامر للجيش بقتل وسحل ودهس مواطنين مصريين ليورطه...ثم يكذب كذباً بواحاً وينفي ما رأته الأعين وسجلته كل وكالات الأنباء في العالم...
المجلس راحل لا محالة...لأنه أيل للسقوط ومتداعي...لأنه "شكراً لمبارك" يتشكل من مجموعة من الساقطين أخلاقياً وعديمي الكفاءة والكاريزما وكسالى الذهن.. سيرحل غير مأسوف عليه ولن يستطيع أياً من أعضاءه، الذين تلوث دماء الأبرياء أيديهم، الهروب من المحاكمة العادلة.. ويوم السقوط القريب سيختبيء أنصاره في بيوتهم، كما فعلوا عندما سقط مبارك، ثم يبدأون بالتدريج بالتطبيل للمنتصر، بل إن الأذكياء منهم بدأوا في تخفيف اللهجة فعلياً... ذكرني ذلك بحوار ليونايدس مع زيركسيس:
You have many slaves, Xerxes, but few warriors. It won't be long before they fear my spears more than your whips.

المشكلة إنه يدق إسفيناً بين الشعب وجيشه بعد أن حاول أن يدق إسفيناً بين الأقباط والمسلمين...وهو ثمن باهظ يزيد في كل يوم نترك هذه Junta متحكمة في مصائر البشر..

(01-30-2012, 02:30 PM)الحكيم الرائى كتب:  كلام فى محله لذا يرى الكثيرون أن مجلس الأربعة وأربعين مجلس غير محترم وليس وطنيا حقا,فمن يحول القوات المسلحة الى مصانع مكرونة وقوات لمكافحة الأعتصامات,ويقدم الوطن على طبق من ذهب لقوى سياسية بعينها ممهدا كل الطرق لها للاستيلاء على الوطن كاملا ,فأنه بلاشك لعب ولازال يلعب لعبة فى منتهى القذارة لاوطنية بها ولا أحترام.

يا أخى مكرونة أيه وزيت أيه بس ؟!
أنا مش فاهم ليه بتتدخلوا فى اللى متفهموش فيه؟ هو كلام وخلاص ؟