http://www.mawaly.com/file/play/26096.html

اغنية رائعه نري فيها آخر تطورات الأغنيه الشعبيه

وبوعدكم لما بعرف اعدادات الأوزاعه , بسهركم سهره شعبيه محصلتش

طبعا في البرنامج القديم كان مكن تحط رابط الأغنيه مباشر ولما تفتح الصفحه تشتغل علي طول , والبرنامج الجديد حرمنا من هذه الخاصيه .

طبعا في البرنامج القديم كان مكن تحط رابط الأغنيه مباشر ولما تفتح الصفحه تشتغل علي طول , والبرنامج الجديد حرمنا من هذه الخاصيه





i am happy about that



أحيانا استمع لأغنية من كمبيوتري وأدخل لأقرأ فأفاجأ بجعير ما ليس على ذوقي

fares

and after that you speak like this egypter

http://www.youtube.com/watch?v=SjfgFXlyXUA

---

http://de.sevenload.com/videos/CrKf2Cv-A...ek-Fe-Masr

the same film

في خريف 2002 كنت اعمل مع مقاول تمديدات كهربائيه وكان العمل هو حفر وتمديد كابلات كهرباء في مدينة العاشر من رمضان الصناعيه , والعمل كان مرهق وشيق ومجدي ولابأس به وخالي من الحريم كالعاده , كنت أصحوا في الخامسه فجرا واغتسل (واخد بالك يا ابراهيم ) واتناول 4 بيضات بلدي كنت اضعهم علي النار قبل دخولي الحمام واخرج فأجدهم مسلوقين وارتدي ملابسي واضع البيض في جيبي واتناوله واحده بعد الأخري وانا ماشي في الطريق وعندما اصل الي بيت المقاول أجد زوجته قد اعدت شاي بحليب او حلبه بحليب لزوجها وابن عمه ومن حضر مبكرا فأحصل علي كوب , وعند السادسه الا ربع يكون اجتمع العمال من10-15 عامل ونركب في صندوق سياره ربع نقل ونحن متدثرين بملابسنا وتخرج بنا السياره من القريه الي طريق الاسماعليه - الزقازيق الزراعي وبعد مدينة القصاصين تسلك السياره كثير من الدروب عبر وادي الملاك حتي لا تمر علي نقاط المرور لأن حمل بشر في صندوق سياره نقل يخالف قانون المرور ويعرض الركاب للخطر (من يكترث منا) ونصل الي موقع العمل في السابعه والنصف كل منا يحمل معول وجاروف وننهمك في العمل الذي عادة يكون بحفر مسارات الكابلات ويكون الحفر بعمق متر وعرض 60 سم ولن اقول من حسن حظك ولكن دائما الارض في هذه المنطقه ارض صعبه فهي تربه حمراء يكثر فيها الحصي والحجاره وبسبب المطر والضغط الناتج عن النشاط البشري (مرور سيارات وخلافه ) تكون التربه متماسكه والحفر اليوي فيها بالغ الصعوبه ولا نستطيع استخدام الجرافات لأن الحفر المطلوب ليس كبيرا كما انه يتم في مناطق صناعيه وشوارع ممهده وبها اشجار وهذا لا يناسب الألات الضخمه , الطريحه بتاعة كل نفر 20 متر والأجره 25 جنيه وقد نستمر في الحفر 3-4 ايام قبل ان ننهيه ثم تأتي رافعه وتعلق فيها بكرة الكابل الضخمه ونقوم بفرد الكابل ووضعه في الحفر , وينتهي يوم العمل في الساعه الخامسه مساء ونعود بنفس الطريق السابق لنصل قريتنا في الساعه السادسه وأكون في البيت قبل السادسه والنصف مساء . استمر الحال علي هذا المنوال اكثر من 4 شهور وانا مرتاح في العمل , حيث لا قيود ولا تحكمات ولا زي رسمي فقط عمل شاق يخلق منك رجلا قويا , وفي يوم اغبر حضر واحد ضال وطلب ان يعمل معنا وكان معي في نفس المدرسه الاعداديه ولا اعرف عنه اكثر من ذلك , وخلال العمل نشبت مشاجره بينه وبين احد العمال فتدخلت لصالحه فنشأت بيننا شبه صداقه , وفي يوم صارحني بموضوع خلاصته انه عايزني اشترك معاه في شراء بانجو , فخلال فترة عمله القصيره تعرف علي احد الأعراب من بلبيس وهيشتري منه كيلو بانجو بـ 300 جنيه وسيبيعه لتاجر تجزئه في القريه بـ 550 جنيه والـ 250 جنيه مكسب هنقسمهم بالنص , قلت له طيب وانا مالي وليه متعملش العمليه لوحدك وتاخد انت الـ 250 جنيه لنفسك , قال اول شيئ انا مش معايا 300 جنيه وتاني حاجه الطريق اللي بتسلكه السياره بالعمال هو أهم ما في الموضوع لأنها لا تمر علي نقاط تفتيش , قلت له طيب ما هو نفس الحكايه معاك , قالي لأ انا العمال هيشكوا في لو شافوا معايا الكيس وخاصة انهم عارفين اني بشرب بانجو وممكن ياخدوه مني بالعافيه ويا أما هيقسموه بينهم أو هيقولوا للمقاول وهو ممكن يسلمني للشرطه , لكن لما الكيس يبقي معاك انت محدش هيجروء يمد ايده عليه حتي لو عارفين ان فيه بانجو , قلت له هو الكيس ده شكله ايه , قالي البانجو هيبقي متكيس ومتأمن في كيس بلاستيك وملفوف في جاكت او ما شابه ومحطوط في شيكارة اسمنت (فاضيه) قلت له في الحاله دي انا هاخد 150 وانت 100 (مصدومين طبعا )

اولا البانجو يعتبر مشروب عادي في هذه النواحي من البلاد بتكلم عن الاسماعليه معرفش ايه الحاله في باقي المحافظات , وثانيا لو انا مشتركتش في الحوار ده الناس هتبطل تشرب .... ابدا , يبقي ليه مستفيدش طالما انهم كده او كده شاربين , وبصراحه كنت عاوز اشتري كمبيوتر وكان ثمنه وقتها يتعدي الـ 3000 جنيه وقلت لو الواحد عدي له كل يوم كيلو بانجو ممكن بعد اسبوعين يكون معاه حق الكمبيوتر أضافه لأن عمري وقتها كان 23 عام وكنت شديد التهور , المهم انا اقنعت نفسي بعدالة القضيه وتمت اول عمليه بنجاح , وحينما طالبته بأصل الفلوس وربحها قال هنظبط عمليه تانيه , وبعد كده قالي ايه رأيك ما بدل ما احنا رايحين جايين كل يوم بكيلو بانجو ليه منجبش 5 كيلو مره واحده ونخلص وعقوبة 1 كيلو زي عقوبة 5 كيلو , قلت له فكره , قالي بس عاوزين 1500 جنيه معناش منهم غير 550 غير اجرة العربيه قلت له ملكش دعوه بالفلوس انا داخل بجمعيه بـ 1000 جنيه وهقبضها الأسبوع ده , بس انت مالي ايدك من المشتري , قالي عيب , المهم آخر الأسبوع سلمته 1000 جنيه واتفقنا ان هو بس اللي هيروح يخلص وهياخد معاه ريشه السواق قلت له ميضرش , وبعد كده فص ملح وداب , وبعد 3 ايام ظهر وطلع لي بحكايه انهم اتمسكوا من دوريه وهو جري والسواق اتمسك , قلت له سواق ايه اللي اتمسك يا حبيبي ده ريشه كان قاعد علي القهوه النهارده الصبح وكان بيحمل الناس وبيوديها سوق الأحد , قالي منا ما أخدتش ريشه عشان مرضيش يطلع معايا , قلت له أومال خدت مين , قالي خدت سواق من الحلوس , طبعا هو قالي من الحلوس وانا الفار لعب في عبي , لأنها منطقه كلها لبش وبصراحه مفيهاش واحد نضيف تستأمنه حتي علي 10 جنيه , المهم قلت له انت هتشتغلني وتصيع علي وخنقته وزنقته في الحائط فاتلمت الناس علينا , خير يا فارس فيه أيه , والنبي يا جماعه كل واحد يخليه في حاله , قالوا قلنا ايه الحكايه واحنا هنحط عليه ونخلص الحكايه من غير مشاكل .
طيب أقول لهم ايه , اقول اني كنت مشاركه في 5 كيلو بانجو
وبعد لحظة تفكير خاطفه قلت ابدا دي حكاية متستاهلش , فلمحت علي شفتيه شبح ابتسامه ( إذن فهو يعرف اني لن استطيع البوح بما كان بيننا )
وانسحبت من المكان وانا اشعر بأني لابس خازوق كبير يملأ ني , كأنك جلست الي صديق وتناولت معه شراب وقبل ان تنهي كأسك فقدت الوعي لتصحو وقد قضي صديقك وطره فيك , ومن شدة الصدمه جلست مذهولا يلفك العار وعدوك يودعك بأبتسامه ساخره .
كنت مغتاظا غيظا شديدا لعدة اسباب انا لا اجني المال بسهوله , وهو رأي بعينه العمل الشاق الذي اعمله , فمفهوم انه ينصب علي شخص مرتاح انما شخص بيطفح الدم عشان ال10 جنيه , فدي نداله ومنيكه واستهانه بي , وايضا ما حدث اهانه لذكائي , فكيف استطاع صايع مثله خداعي
في نهاية اليوم , كنت قد توصلت الي خطة عمل لمواجهة هذا الموقف .
اولها الردع , وثانيها تعويض الخساره .
طبعا لا جدوي من الشكوي لأحد سوي التسييح , اريد ان اضربه علقه موت واسلخ فيها من جسده وزن ال1300 جنيه اللي نصب علي فيهم لكن فكرت ان لا جدوي من الضرب فسيتكررر ما حدث اليوم وستتجمع الناس لتسأل ايه الحكايه , فكيف السبيل الي الأنتقام وبعد تفكير قليل وجدت ان القتل سيكون انتقام جيد , ولكن ليس الآن فربما يعلم احد بهذا الأمر واجد عند اكتشاف الحادث , قصه مترابطه لدي الشرطه , ربما بعد عام أو عامين لا مشكله لدي في الوقت , فهو بهذه الخيانه قد وضع العد التنازلي لحياته وبلغة الشارع لعب في عداد عمره .

احد اسباب اعجابي بالسينما الأمريكيه هي أن الأشرار ينتصرون احيانا , وبعض العصابات تنجح مخطاطاتها وتهزم الشرطه وتفوز في النهايه , بعكس محمود المليجي وتوفيق الدقن اللي من كتر ما فشلوا واتقبض عليهم كنت بتعاطف معاهم ونفسي اشوف فيلم واحد , يتنصف فيه استيفان روستي , أو زكي رستم , وده اصابني بحالة شغف بالأشرار في السينما العربيه , وبقي نفسي اشوف شرير واحد منتصر وبقيت اقعد اخطط وانا بتابع احداث الفيلم للشرير اللي فيه لعل وعسي يفلح المره دي , لكن كان برضه بيقع في الآخر , وبعد ان فقدت الأمل في السينما انتقلت بهذا الشغف للمسلسلات لعل وعسي واشهر حادثه وقعت في هذا الموضوع كان مسلسل الضوء الشارد حيث كانت القريه بأكملها متعاطفه مع رفيع بيه (ممدوح عبدالعليم ) وانا الوحيد اللي متعاطف مع وهبي السوالمي ( يوسف شعبان ) وحتي الدراما خيبت أملي , وبعد اللي حصل معايا قررت ان الفرصه جت لمحمود المليجي انه يعمل عمليه نضيفه وخاصة اني اننا اللي هخطط لها , وبصراحه انا ساعات بستمتع بالأذيه , وعليه قررت ان اول شيئ لازم اعمله اني استعيد ثقة هذا الشخص وأوهمه ان الحكايه مش مستهله وتتعوض وحمدالله علي سلامته , وطبعا انا رحت داخل عليه بالوش الطري ده , وده بقه مش مصدق , وخدته عزمته علي سندوتشين كبده اسكندراني من عند شوطه , وعلبة سجاير كليوبترا بوكس وده قعد يسجد فيا وانا عملت روحي مصدقه , وأصر انه ياخدني علي ما دعاه شقيق السائق اللي كان معاه البضاعه في الحلوس والحلوس دي منطقه عشوائيه محصوره بين ابوعطوة وبركة ابوجاموس ( واترك للقارئ تخيل طبيعة هذه الأماكن من اسمائها ) برضه مكدبتش خبر ورحت معاه الحلوس من باب التعرف علي مناطق جغرافيه جديده في محافظتك , وافترقنا وليس بننا سوي كل ود ظاهريا , لكن الحقيقه كنت افكر كيف أقتله , طبعا انا قررت اني سأتركه علي الأقل عام وربما عامين فتصبح المسأله طي النسيان , وساعتها اخلص عليه , ووضعت كذا خطه لذلك الأولي استدراجه ليلا الي خارج القريه ثم ذبحه ووضعه علي شريط القطار فإذا مر القطار علي جثته هيفرمها وبكده يبقي القطر اللي قتله , او استدراجه وخنقه وربطه بسلسله حديد وربط حجر او لقمتين فرامل من بتوع السكه الحديد ورميه في ترعة الاسماعليه وساعتها هيختفي ولن تظهر جثته الا في دورة التكريك بعد 3 سنوات وستكون ضاعت معالمها وربما لا يتعرفوا عليه اصلا , أو خنقه وطعنه ثم إشعال النار في جثته , المهم تركت التفاصيل , فيما بعد , و بعد تحريات موسعه عرفت انا اتنصب علي ازاي؟ العمليه الأولي لم تكن بانجو ولا يحزنون بل كانت نباتات صحراويه وبسبب احكام اغلاق الكيس لم افتح الكيس لأري ما بداخله و حتي بعد وصولنا لأني لا أدخن أو اشرب بانجو وبذلك اعتقدت اني بهرب بانجو وهو في الحقيقه ليس سوي حشائش مما ترعاه الغنم
بعد الحادثه دي بمده قليله ,كان فاضل علي رمضان اسبوع توقفت عن العمل في حفر الكابلات واكتشفت اني استطيع العمل في قريتنا نفسها ولحسابي شخصيا , ففي يوم عرض علي احد اصدقائي ردم الدور الأرضي في منزل حديث البناء , وعدة الشغل عباره عن برويطه وخلصت ردم البيت في يومين بمعدل 5 مقطورات في اليوم , وبعد ذلك حصلت علي عمل آخر مع مبيض محاره , حيث كان يريد من يرفع له رمل في الدور الثاني والحساب مع صاحب البيت ورحت معاه ورفعت له نقلة لوري رمل حوالي 12 متر مكعب للدور الثاني في يومين والمتر بـ 5 جنيه يعني 60 جنيه + الأفطار والغدا وبعد كده رفعت الرمل اللي هيتفرش تحت البلاط وبعد كده رفعت البلاط الموزايكو وبعد كده رفعت رمل تاني لاستخدامه في التبليط , وكسرت الحيطان في الدور الأرضي لتمديدات الكهربا ورجعت كسرت الحيطان في الارضي والثاني لتمديدات السباكه وحفرت خزان للصرف الصحي وصبيت سقف خرسانه له وخلال الايام التي لا أقوم فيها بعمل لصاحب البيت كنت اعمل مع مبيض المحاره , أضرب له المونه واناوله الأسمنت , وبعد ما خلص مبيض المحاره رحت مكمل مع المبلط اللي بيركب المزايكو والسيراميك وطبعا كل يوم عمل كان شامل الأفطار والغدا حتي في رمضان
المهم الصحبه الجديده كانت بتشرب بانجو بصفه شبه يوميه , وفي أحدي ليالي رمضان وبعد ان انتهينا من لعب الكرة جلسوا الأصدقاء يدخنون البانجو وانا معهم وتسائلوا باستغراب لماذا لا يتوفر البانجو وبنفس اسعاره في رمضان طوال العام , وهنا قال احدهم احنا لازم نستغل الفرصه , ونخزن شويه عشان هيشح في العيد , فسألتهم هو كيلو البانجو بكام دلوقتي قالي ممكن بـ 350 تخلص فيه , قلت ولو اتباع قطاعي يعمل كام , قالي الكيلو ممكن يعمل 80 بكته ( وفي راية أخري ورقه) مرتاح والورقه بـ 10 جنيه يعني 800 جنيه , وانا قلت في سري بس الفرصه جت عشان اعوض خسارتي وقلت لهم انا عاوز 2 كيلو بانجو وفلوسهم جاهزه , فواحد قام عمل تليفون وقال بعد بكره , وفعلا خد مني الفلوس وجاب المصلحه وسهرنا عليها لغاية السحور كنا مبكتين المصلحه وفضل شوية للشباب يعملوا بيها دماغ , وقلت لهم موعدنا ليلة الوقفه وخدت البانجو وخبيته في بيت الجيران , والحكايه ان الجيران عندهم شبه منور لشباك الحمام ومفيش مدخل له إلا من سور بيتنا وفعلا مع نهاية الشهر الكريم كمنت في البيت ومعايا خمس ورقات وكل ما يخلصو اروح اجيب غيرهم , وبعد كده الغم نفسي واروح الأفراح وخلال اسبوع كنت موزع 2 كيلوا في السكرته ولا من شاف ولا من دري , لكن بعد كده بدأت ناس تقابلني وتسألني هو صحيح انت بتبيع بانجو ؟ كنت ببص له باستغراب واقول ليه يا عم فلان كده انت تعرف عني كده , يقولي منا برضه لما سمعت مكنتش مصدق وطبعا بقت تيجي أشكال ضاله تسأل علي في البيت , وقلت والله ما كان الموضوع يستاهل التسيح ولا التشريد ده كله وطبعا شعرت بالعرفان ان الموضوع خلص لحد كده , وعوضت جزء من خسارتي السابقه , والموضوع لا يتعلق بالمال بقدر ما يتعلق بأحساسك بالفشل وانك هفيه واتضحك عليك , ولم يبقي سوي الأنتقام .

أي حد هيستظرف أو هيقل أدبه هطلع دين أمه

هههههههههههه
معلهش يا فارس استحملنى أصلى مش عارف امسك روحى من الضحك فعلا مش لأن الكلام غريب عنى لا سمح الله .. لا أبدا بل لأن القصة دى تكاد تكون قصة معظم شباب مصر .. لا غرابة فى ذلك

بس تعرف إنت كان ممكن تطور نفسك فى طريق المقاولات ولى زميل فعلها فبدأ بالبرويته وانتهى بونش صغير لرفع الطوب والرمل وماشاكل المهم .. ربنا كرمه وطفش بره الدولة زى حلاتك وكفران وقرفان برضه زى حلاتك لأن مرتبه بالخارج مش هزيل .. دا هازل على رأى شنودة أبونا المفدى ..

على فكرة كتابتك بالطريقة المباشرة دى نوع من السرد التوثيقى لنماذج من الشباب وبرغم فجاجة الطرح وبرغم قسوته إلا أننى أصدق كل كلمة منه لأننى كما أسلفت عاصرت فصولا طويلة أشبه بما ترويه مع كثيرين .. دا بيسموه أحيانا ( الأدب الواقعى ) .. وهو أدب مؤلم ودامى وفج كما أن مباشر للغاية

أتابعك

قصة شيقة, متى سوف تكملها؟
هل البانجو هو الحشيش؟

شكلك خليفة نيوترال المقبل ..بلا احاه بلا بطيخ ..

تسجيل متابعة

لا ابدا يا بني آدم إضحك براحتك انا برضه لما بفتكر الأيام دي برضه بضحك وبرضه انا كمان طورت نفسي بس في اتجاه آخر لما تسمح الظروف ممكن احكي لكم عليه وبرضه جمعت مبلغ وحصلت علي فيزا للكويت وانا فاكر تحت القبه شيخ طلع تحت القبه نواف

بعد ان هدأت الأمور وعادت الحياه الي طبيعتها استأنفت العمل الجديد وهو وإن كان مرهق إلا أنه مجدي وبشكل كبير , ولا يقتصر علي مجال واحد بل يشمل عدة مجالات كرفع الطوب للأدوار العليا والرمل والبلاط وتكسير الحوائط لتمديدات الكهرباء والسباكه وحفر خزانات الصرف وخلافه , وأقل يوم كنت اعمل فيه بـ 30 جنيه أي 900 جنيه شهريا في حين أن راتب والدي وقتها كان 350 جنيه ( أحه يعني ) , ونبغت في العمل الجديد وحققت فيه ارقام قياسيه ومثال علي ذلك رفعت 12 متر مكعب رمل 6 للدور الثالث و6 للدور الرابع في يومين فقط مقابل 110 جنيه , وفي مره تم استدعائي علي عجل من قبل الجيران لحاجتهم لرفع 3000 طوبه فورا حتي لا يتعطل الصنايعيه اللي شغالين عندهم في الدور الثالث , ورفعت 3000 طوبه خلال 3 ساعات للدور الثالث وذلك باستخدام تقنية الحبل والبرميل , وهي تتلخص في وضع برميل بشكل رأسي وتكون قاعدته لأعلي وفتحته لأسفل بجوار نقلة الطوب وتقوم برص الطوب اثنين بالطول واثنين بالعرض واقل شي 30 طوبه وبحد اقصي 40 طوبه بحسب قدرتي علي الحمل ثم احزم الطوب باستخدام حبل سبق ومررته من اسفل الرصه وباستخدام شوال خيش مما تعبئ فيه الغلال اقوم بطويه نصفين بحيث يكون جانبه المخيط اشبه بالبرنس المغربي وأضعه علي رأسي واتركه ينسدل علي ظهري واعطي ظهري لرصة الطوب وباستخدام الحبل (يراعي أن يكون الحبل رفيع أسمك من حبل الغسيل قليلا ) اقوم بجذبها علي ظهري ويصبح الشوال هو الحامي لظهري من قسوة الطوب وفي نفس الوقت وزن الأربعين طوبه موزع بشكل جيد علي ظهري , وهذه الطريقه افضل واسرع واسهل بكثير مما لو حملت الطوب علي كتفي , وخلال 3 ساعات كنت انتهيت من 3000 طوبه وحصلت علي آجر 45 جنيه , والحقيقه هي فلوس كلام فاضي , لكن مقارنة بالرواتب في مصر وقتها اصدقائي الذين يعملون بالتدريس راتب احدهم 240 جنيه في الشهر وآخر طبيب اسنان 450 جنيه في الشهر وانا عملت بعد ان خلصت الجيش في مصنع ملابس بـ 200 جنيه في الشهر ومحامي كان يعمل معي في نفس المجال , كنت استطيع ان اعمل في أي مكتب او شركه ومتأنق ومهندم بـ 300 جنيه في الشهر ولا أدري ماذا سأفعل بهم .

المهم في يوم كنت أعمل في أحد المنازل وحضرت في الساعه الخامسه فجرا ورفعت مترين رمل للدور الثاني حتي حضر مبيض المحاره في الساعه السابعه والنصف وقمنا بتحضير 3 شكاير اسمنت وبدأنا في العمل حتي سمعنا جلبه في أسفل المنزل , والخلاصه ان المنزل يطل علي الشارع الرئيسي بالقريه ويفصله عن شريط السكه الحديد و مدخل المنزل من الجهه الخلفيه بينما الجهه الأماميه والمطله علي الشارع فالدور الأرضي فيها به 3 محلات مقهي ومحل عصير قصب ومحل اتصالات والأخير كان هو سبب الجلبه فقد تعرض للكسر والسرقه ليلة أمس , أما كيف حدث ذلك دون أن يشعر الجيران وخاصة ان بابه من النوع الصاج ومجرد فتحه بالطريقه العاديه يحدث جلبه كبيره في سكون الليل , فما بالك بكسره , والحقيقه ان اللص أو اللصوص قاموا بكسر القفل الحديد والباب أثناء مرور القطار الأكسبريس ليلا ومرور القطار يحدث ضجه تهون بجوارها أي ضجه أخري , وهذه ليست أول مره يستخدم فيها اللصوص هذه الطريقه في الأقتحام , فسبق ان تم السطو علي مكتب البريد بنفس الطريقه , المهم اتت لنا الأخبار من خلال ابن صاحب المنزل بأن المسروقات , جهاز كمبيوتر وعدد 5 تليفون نوكيا , ايام ما كان 3310 الابيض واسود بـ 1000 جنيه و3000 جنيه حصيلة فواتير تم تسديدها لصاحب المحل وهو كان سيسددها بدوره لشركات الأتصالات , وحضرت الشرطه وكالعاده القت القبض علي الأشقياء في البلده وبدأت في استجوابهم بالطرق المعتاده (سلومه الأقرع ميعرفش أخوه ) ومن ضمن من القت القبض عليهم , صديقي اياه اللي نصب علي في موضوع البانجو واثنين آخرين وفضل سلومه الأقرع يستجوب فيهم وكانت اصوات الضرب وليس الصراخ تصل الي وانا شغال في الدور الثاني , أما صراخهم فكان جايب لآخر الشارع واستمر الاستجواب ساعه وبعدها حصل سلومه الأقرع علي استراحه ثم استأنف مع كل واحد علي حده , وفي البدايه انا كنت شمتان فيه بصرحه ولن أقول أن قلبي رق وصعب علي ولكن , قلبي ارتوي وأكتفيت بما ناله اليوم من عقاب , وصرفت نظر عن قتله , فأنا من البدايه لم أكن اريد قتله ولكن كنت اريد ضربه علقه موت , وقررت قتله حينما تعذر علي ضربه , والآن وقد شهدته يطحن ضرب علي شيئ اتضح برائته منه فيما بعد , ارتاحت نفسي وتيقنت من سوء تصرفي سواء بالأشتراك معه في تجارة مخدرات أو في ممارستها بنفسي فيما بعد بحجة تعويض الخساره , والحقيقه ان خسارتي لم تكن ماديه , بل كانت سقطه اخلاقيه , واكبر سقطه اخلاقيه فعلتها بحياتي , ولن أطيل في تدبيج عبارات الندم , ولكن احساسك بالأستقامه بيرفع راسك حتي لو كنت فقير و يخليك تحط صباعك في عين التخين , طبعا انت ممكن تدخل في خناقه وتروح القسم , لكن تروح القسم وانت متخانق غير لما تروحه وانت حرامي او حشاش , وبكده طويت هذه الصفحه وانا شاكر ان الأمور وصلت لهذا الحد , وصارف النظر عن الأنتقام , وبقي أن استكمل ما حدث في باقي النهار , بعد ان فرغ سلومه الأقرع من الاستجواب بلا فائده , وحضر بعض اقارب هذا الشاب واخلي سبيله وغادرت الشرطه المكان , دون أن تتوصل الي شيئ , وبعد العصر سمعنا جلبه بالخارج وهرج وجاء الخبر اليقين , وقفت سياره تاكسي برتقالي (لون سيارت التاكسي المميز في الاسماعليه ) امام المقهي وفي الحال تسائل احد الجالسين هو مش التاكسي ده كان واقف هنا امبارح واشتار بيده ناحيته , فأضطرب السائق ومن معه وانطلق بالسياره , فصرخ بعض من كان موجودا علي المقهي امسك حرامي وبسرعه انطلق خلفه احد سائقي سيارات النقل الصغيره واثناء هروبه حاول واحد اسمه عبدالنبي انه يعمل فيها فان دام وقام بسد الطريق امام التاكسي , فصدمته السياره والقته علي جانب الطريق وقبل ان يخرج التاكسي من القريه كانت لحقته السياره النقل القويه وحاصرته ولحقتها سيارة أخري والقوا القبض عليهم , وهؤلاء الأغبياء ينطبق عليهم المثل الذي يقول , المجرم دائما يحوم حول مكان الجريمه .

(06-17-2009, 12:29 AM)the special one كتب:  شكلك خليفة نيوترال المقبل ..بلا احاه بلا بطيخ ..

تسجيل متابعة

أهم شئ فى الكتابة هى قدرة الكاتب على أرسال الصور عن طريق الكلمات لعقل القارئ , وفى هذا نجح فيها فارس تماما .على المستوى الشخصى اجد ان اقسى انواع الكتابة هى الكتابة من خلال التجربة , لان فى وقت حدوث ما يجعلك تتضحك فى المستقبل بتكون مرارة شديدة . ففارس مثلا فى الجزئية اللى بيصور فيها فى البداية كيف انه رجل صلب بيعمل بقوة من اجل حفنة من المال البسيط , وبيصور فيها المصاعب اللى كل يوم بيقابلها عشان يحصل مبلغ صغير .. ويجيى عيل يشتغله وينصب عليه فى مبلغ تعب عليه كبير جدا , فمن الطبيعى ان تتعاطف معاه وتقوله " لو عايز تقتله , انا اساعدك ؟ "

بدون أدنى شعور سبك " فارس " واحدة من اجمل الحبكات اللى قريتها - وممكن تتعمل فيلم و حبكة لرواية قد يذيع صيتها , فبدايتها تتماشى من نهايتها ومحتواه يصب فى الفكرة اللى بيدور حولها .. وهى اقوى انواع الكتابة بلا شك ! قد يعيش كاتب حياته كاملة من اجل ان يكتب حبكة من هذا النوع , على الرغم طبعا ان المستوى لا يقارن بين ادب عالمى وتفاصيله وانى برضه مش خبير فيه , وبين قصة فارس .

الا انها قصة ممتعة جدا ومدخلتين ممتازيين جدا , انظر كيف ينهى مدخلته الثانية - الاولى فى القصة , باللى هيستظرف هطلع دين امه , بنفس روح المجرم اللى بيخطط لقتل من استهان بيه .

برفو فارس

فعلا يا سبيشل بلا احاه بلا بطيخ
مع انى لسة مافتحتش بقى , بس مش مشكلة