كلنا خالد سعيد‏ فضيحة للحكومة المصرية: عشرات الشباب المصريين في لندن واقفين عند بيت السفير المصري اللي عامل حفلة للاحتفال بعيد الثورة دلوقتي وعازم شخصيات كبيرة دبلوماسيين وسفراء .. الشباب بيوزعوا صور لخالد سعيد والتعريف بقضيته لكل اللي داخلين البيت .. صور خالد ملت بيت السفير المصري في إنجلترا .. ولسه يا حكومة صور خالد والله العظيم هتطلع لكم في الكوابيس إن شاء الله



تلاقى السفير هيتشل دلوقتى

(07-15-2010, 04:50 PM)-ليلى- كتب:  كلنا خالد سعيد‏ فضيحة للحكومة المصرية: عشرات الشباب المصريين في لندن واقفين عند بيت السفير المصري اللي عامل حفلة للاحتفال بعيد الثورة دلوقتي وعازم شخصيات كبيرة دبلوماسيين وسفراء .. الشباب بيوزعوا صور لخالد سعيد والتعريف بقضيته لكل اللي داخلين البيت .. صور خالد ملت بيت السفير المصري في إنجلترا .. ولسه يا حكومة صور خالد والله العظيم هتطلع لكم في الكوابيس إن شاء الله

ما علمته مؤخرا أن الحزب الوطنى يستغل فقر المواطن المصرى ويدعو الشباب الى الحصول على قروض حسنه عباره عن مبلغ 6 الاف جنيه للشاب و3 الاف جنيه للفتاه يتم تسديها بالتقسيط عباره عن 200 جنيه شهريا فى مقابل الانضمام للحزب الوطنى والتوقيع على استماره الموافقه على انتخاب جمال مبارك رئيسا للجمهوريه لتعبأه صناديق الانتخابات بتلك الاستمارات فى يوم الانتخابات ,,, فماذا أنتم فاعلون ؟

فى حال صحه تلك المعلومات فان الحزب الوطنى يحتاج فى المتوسط الى حوالى 45 مليار جنيه للحصول على أصوات 10 مليون ناخب , فمن أين سيأتى الحزب بتلك المليارات ؟

أنا بقول بما أن كده كده جمال مبارك سينجح وسيصبح هو الرئيس القادم يبقى الواحد لازم يستغل الموقف ويحصل على مبلغ السته الاف جنيه قبل ضياع الفرصه ويبقى لا طال بلح الشام ولا عنب اليمن

مفيش فايده

لا أعتقد بحدوث تغيير عزيزى عاشق الكلمة ، فحتى لو مسك البرادعى أو غيره ، لن يفرقوا كثيرًا عن جمال أو زويل أو او .. كلها مصالح شخصية ، والسياسية كما هى لن تتغير.

---

وياريت لو زودو المبلغ شوية يبقى عشرة مثلًا ولا خمستاشر ماشى ههههه ، أهوه الواحد يستغل الدولة ويحقق أحلامه ويجيب لاب توب أبل ، أو سونى فايو بقسط شهرى 200 جنيه يا بلاش ، وجمال حبيب الملايين هههههه

مبروك عليكم

>>>>>>>>>>>>>>>>>>>>>>>

---

اقسمي بالله العظيم ان كل حرف في هذه المقالة حقيقي ولا يوجد اي حرف كذب

الكلام دا كان ايا انتخابات الاعادة لأيمن نور بمجلش الشعب في حي باب الشعرية
وانا زي اي واحد ماليش طبعا في الانتخابات والكلام الفارغ دا لاني مابقتنعش بيه ولا بالمرشحبن نفسهم
ولا كنت حتى اعرف مين ايمن نور دا
المهم
كنت عند واحد صاحبي وانا راجع بالليل حوالي الساعة الثنية بعد منتصف الليل
لقيت ميكروباص ماشي شاورت ليه وجريت عليه قلتله رمسيس قالي اركب
وكان الميكروباص ماليان فاضطريت اقف طبعا لان مافيش مواصلات وانا مش من المنطقة دي فماصدقت لقيت حاجه توديني رمسيس
جيت ادي السواق الاجرة مارضيش ياخدها
قلتله ايه يا عم انت عامل عرض ليلي ولا ايه
وضحكت
ماحدش نطق ولا حتى علق على كلامي
واحد بس من اللي قاعدين قدام قالي اسكت يا حبيبي
قلت هو في ايه يا جماعة
رد نفس الشخص وقالي: دلوقت حالا هاتعرف
وسمعت ناس بتتكلم بصوت واطي وتقول القسم والحكومة وكلام من دا
الموضوع كله لم يستغرق اكثر من خمس دقايق ولقيت نفسي قدام قسم باب الشعرية
نزلوا وفتحوا باب الميكروباص وقالوا لينا انزلوا
طبعا انا فهمت بس سألت هو في ايه والكل كان ساكت وكأنهم مجرمين
بس شكلهم مش اجرام خالص .. ناس شكلها عادي جدا
في ايه يا جماعة انا مروح ... قلت الكلمة دي بصوت عالي شوية عشان افهم حد من اللي في القسم
لقيت فرد من افراد الشرطة اللي ماعرفش رتبته ايه لانه كان لابس ملكي بيقول عارفين يا خويا
خش معاهم
طبعا دخلت ومشينا جوه وكانت اول مرة في حياتي ادخل قسم شرطة وطبعا دي بالنسبة لاي مصري وصمة عار انه يدخل قسم شرطة حتى لو رايح يعمل محضر
المهم
دخلنا اوده كبيرة اوي وفيها مكتب صغير ولقينا ناس تانية قاعدة
ناس زينا كدا وقالولنا اقعدو جنبهم
قعدنا وطبعا بدأنا نسأل الناس اللي لقيناها
هو في ايه قالوا مش عارفين
شوية وكانت النقلة التانية جت ناس برضه عادية

الغريب بقى بدأ يحصل
وكان في ناس بدأت تترجم الموضوع شوية
لقيت داخل علينا الاودة دي شوية اشكال يا جماعة
اقسم بالله زي اللي بيييجوا في افلام السيما
المجرم بقى اللي تلاقيه زي الحيطة كدا طول بعرض وواخد بشلة في وشه
واللي تلاقيه سكران ومسطول بس برضه جته
وكان عددهم حوالي 15واحد
قلت للي جنبي دول باين عليهم مجرمين بجد
قالي دول المسجلين خطر
طب واحنا مالنا ومالهم
قالي ماعرفش
ودول بقى ماقدعوش جنبنا طبعا دول كان ليهم معاملة خاصة وواضح انهم واخدين على القسم وعارفين كل اللي فيه
لان واحد منهم اول ما دخل قعد على المكتب اللي قاعد علية امين الشرطة وراح تافف على الارض بقرف وقاله هات سيجارة
الامين طبعا اداله على طول وقدعوا يهزروا مع بعض
وكل واحد منهم كان قاعد بيكلم حد من بتوع الشرطة

الموضوع بالنسبة ليا بدأ بتأزم لاني مش عارف اربط الاحداث والاشخاص مع بعض

شوية ودخل ناس بقى شكلها حلو جدا يعني شيك ولبسهم مظبط وكدا
قلت للجانبي ايه دول قالي دول اللي عليهم مراقبة

المهم فضلنا كدا لحد ما الاودة دي اتملت وكنا بقينا حوالي ميت بني ادم من جميع الاشكال والاطياف
مجرمين على مسجلين على مواطنين عاديين على اللي عليهم مراقبة يعني بظرميت

الساعة بقت 8الصبح
دخل علينا برضة واحد ماعرفش رتبته ايه لانه لابس ملكي
وقال بالحرف الواحد
"انتوا النهارده مش هانخليكم لا تمسحوا الحمامات ولا تكنسوا القسم ولا اي حاجه انتوا جايين في خدمة وطنية"
؟؟؟؟؟؟؟؟ّ!!!!!!!!!!!!!!!!!!!!!
حد فاهم حاجه

انا هافهمكم الخدمة ايه

البيه قال برضه بالحرف
"النهاردة يا جماعة انتخابات الاعادة بتاعة ايمن نور واللي مايعرفوش مين ايمن نور انا هاقولكم... ايمن نور دا واحد من الاخوان المسلمين وسقط في الانتخابات الاولى يعني زاي ماتقولوا كدا جاب ملحق
ودلوقت هو بيعمل انتخابات اعادة وانتوا عارفين الاخوان
ممكن يخربوا الدنيا"

رديت عليه قلتله بأدب
واحنا دورنا ايه يا باشا
وطبعا رسمت الحماس على وشي عشان ابين ليه مدى جهلي

قال:
انتوا زاييكوا زايينا بالظبط
عارفين يعني ايه
يعني انتوا شرطة
هاتعملوا زي مابنعمل بالظبط
لو ضربنا هاتضربوا لو مسكنا هاتمسكوا
واي حد نشاوركلم عليه طلعوا دين امة
حتى لو مات في داهية ولا يهمكوا

طبعا هنا في ناس معانا عارفة دورها كويس لانها مش اول مرة تطلع وبص جنبة على المسجلين وضحك
لقيت كام واحد من المسجلين بصوا ليه بقرف ودارو وشهم الناحية التانية والله وكأنهم مش راضين عن اللي هايحصل واللي هما عارفينه طبعا اكتر مننا

المهم
قال العربيات جاية كمان نص ساعة هاتركبواها وفي العربيات هانكمل الشرح للي عندة حاجة عايز يفهما

انا بقى ولله الحمد عرفت اخلع منهم بطريقة بسيطة جدا
وانا خلعت مش عشان ايمن نور ولا الاخوان
انا خلعت خايف ادخل في الموضوع اضرب حد او حد يضربني في كلا الحالتين مصيبه وهما مش هايعرفوني بعد كدا

قلتله يا باشا للاسف انا مش هاقدر اشارك معاكم
قالي ليه
قلتله اصلي لابس شبشب

كنت لابس شبشب شيك كدا من بتوع الخروج

قالي مش مشكلة هانجيبلك جزمة

طبعا عقدهالي
قلتله يا باشا انا لابس شبشب عشان مش عارف البس جزمة لاني متعور في رجلي
ومش معقول هافض شغب وانا مصاب

والحمد لله ان ربنا الهمني بالاجابة دي في لحطتها وهو كمان اقتنع بيالمبرر بتاعي فقالي اركن على جنب

وجت العربيات الصبح وخدوا كل الناس دي معاهم لانتخابات الاعداة بتاعة ايمن نور بتاع الاخوان
وانا ماعرفش حصل ايه في اليوم الاسود دا

كلنا خالد سعيد اضربونا بالعصاية .. اضربونا بالخشب
اضربوني لأني سلبي .. اضربوني أنا السبب
كل ظالم له نهاية .. عضمه لجهنم حطب
موعدنا ٢٣ يوليو للثورة على هذا الظلم




هنلبس إسود لحد ما حقنا ناخده

كلنا خالد سعيد ثورة الصمت .. لأننا شباب أحرار منرضاش باهانة كرامة أي واحد مننا
لأن الشرطة لازم ترجع تاني في خدمة الشعب
لأن البلد دي بلدنا
عشان كده هنحضر الوقفة الصامتة الساعة ٦ ونص يوم ٢٣ يوليو
http://bit.ly/cz4oVs



كلنا خالد سعيد Plz Like Like Like: دي الطريقة اللي الشرطة بتقبض بيها على الناس .. لو كان اللي بيتقبض عليهم دول مجرمين مكنتوش هتشوفوا الحي كله بيصرخ وبيرمي عليهم أي حاجة من البلكونات .. شوفوا ازاي الأمن بيجروا ويشتموا كل الناس بأقذر الشتايم بالأم .. وكلهم نزلوا في شخص مش بيقاومهم أصلا بالخشب على ضهره ... كفاية إهانة يا داخلية وشكرا لل...ي صور الفيديو ومخافش يبعته لينا .. معادش فيه خوف خلاص



كلنا خالد سعيد Taher Tito هدف الوقفه الحقيقى هوا اثبات للحكومه اننا قادرون على فعل اى شىء نحن نجتمع عليه واننا شباب ناضج وعاقل وليس شباب ساخر مستهتر او شباب الفيس بوك الى هما خرونجات زى ما بيقلو لزم نعرفهم مين هما الشباب دول وممكن يعمل ايه وهيقفو ضددهم ازاى وهيعترضهم ازاى وهيتحد كل شىء نحن لا نصمت بعد الان على اى تعدى او تجاوز فى حقنا فى كل القضايا وليس قضيا التعذيب فقط ..سوف نقف ونتكلم نثبت اننا قادرون ... وليس غافلون كما يفكرون




الوقفة الصامتة الرابعة يوم ٢٣ يوليو - ثورة الصمت



انتم الحماه ام الجزارين
انتم الامان ام الكوابيس
انتزعت منكم الرحمه واندثر بكم الكره
نحن صامتين ولكن ان استمر الظلم هتهرفوا احنا مين
يد ل يد هنمحى اسمكم من الوجود

كلنا خالد سعيد‬ ‫محمد علاء عضو ألتراس وايت نايت:

ثورتنا هي حياتنا .. ثورتنا هي حريتنا

نازلين طالبين بحقوقنا .. احنا خلاص فوقنا
...
قوتنا هي صمتنا ... والحق هيرجع لنا

مش خايفين ليموتونا .. دول هيخربو بيت ابونا

يا حكومة مش هتغيرونا ... ولا علي الكورنيش هتمشونا

في كل مكان هتلاقونا .. نقولها باعلي صوت ارحمونا

ده خالد كان اخونا ... ويوم 23 يوليو مش هتمنعونا

نص الماده 54 بتقولك سبونا ... والله يرحمك يا اخونا

---

---

Khaled for Vendetta ثورة الصمت [HQ]
by كلنا خالد سعيد (videos)
4:53
مقاطع من فيلم فانيدتا الشهير واللي بيحكي قصة راجل غامض بيحرر شعبه من ظلم الحكومة .. الفيلم بيحكي أوضاع شبه اللي مصر فيها من ظلم وقهر وتعذيب وانتهاك لحقوق الانسان

لازم الفيديو ده ينتشر في كل الفيس بوك واليوتيوب ولازم مصر كلها تنزل وقفة ٢٣ يوليو .. عشان نقول للظلم لأ

للمشاركة في الوقفة الصامتة
http://bit.ly/cz4oVs


http://www.facebook.com/video/video.php?...7096035576

---

غلاف الايكونميست الجديد يقول
شكرا ومع السلامة
بشكل نهائي او بسسب المرض
التغير قادم على مصر وعلى السعودية عاجلا


http://www.economist.com/node/16591002

(07-17-2010, 03:16 AM)vodka كتب:  

كلنا خالد سعيد أخو المرحوم محمد الدهشوري بيحكي إزاي تم سحله وتعذيبه في قسم الشرطة في الفيوم في ٢٠٠٧ .. ورفضت المباحث حتى عمل محضر بالواقعة .. واتسرق تقرير المستشفى العام .. وفي النهاية مات محمد الدهشوري متأثرا بالتعذيب ولما أهله رفضوا استلام الجثة .. النيابة قررت عمل لجنة طب شرعي رأسها الدكتور السباعي وانتهت بإن محمد الدهشوري لم يتم تعذيبه




القضاء الإدارى يرفض منع الضابط إسلام نبيه من العمل



قضت محكمة القضاء الإدارى بمجلس الدولة عدم قبول الدعوى المقامة من عدد من المحامين وعلى رأسهم أحمد سيف الإسلام مدير مركز هشام مبارك للقانونى، ضد اللواء حبيب العادلى وزير الداخلية، لوقف تنفيذ وإلغاء قراره بإعادة كل من الضابط إسلام نبيه وأمين الشرطة رضا فتحى، اللذين تمت محاكمتهما وحبسهما فى قضية تعذيب عماد الكبير، إلى الخدمة مرة أخرى، حيث سيتم إلحاق إسلام بمديرية أمن أسيوط، وذلك لانتفاء المصلحة.

ذكر المحامون فى دعواهم أن الضابط اتهم فى قضية تعذيب مما يستوجب معه إيقافه عن العمل، لكونها من الجرائم المخلة بالشرف، واللاأخلاقية التى تتعارض مع دور الشرطة، حيث قدم صورة مشوهة له ولبقية زملائه، ونقله إلى مديرية أمن أخرى، للعمل من جديد قد يؤدى إلى حدوث مأساة أخرى مثلما حدث مع ضحيته عماد الكبير، إلا أن المحكمة رفضت الدعوى وقضت بعدم قبولها.

http://www.youm7.com/News.asp?NewsID=181978&SecID=97&IssueID=62

---

كلنا خالد سعيد صدقوني لو اتحدنا .. لو نسينا خلافتنا .. لو بجد وبإخلاص حبينا بعض وخفنا على بعض .. لو تجاوزنا الحواجز اللي عملوها لينا .. وبقينا ايد واحدة .. بلدنا هتتحط في مكانها الطبيعي .. مصر مليانة عقول فذة وقدرات شابة .. جيلنا مليان مواهب .. بس للأسف اللي ماسكين البلد قرروا ان مصلحتهم الشخصية أهم من مصلحة البلد .. بس البلد دي بلدنا وهنغيرها إن شاء الله ... احلم معايا