كلنا خالد سعيد
لسه كنت باكلم ضابط دلوقتي ومش قادر أمسك دموعي لأنه حكالي إزاي حبيب العادلي نزل أمر لكل ضباط الداخلية بضرب المتظاهرين بالرصاص الحي بشكل عشوائي لإجبار الناس على التفريق وإنه هو وبعض زمايله هربوا من الخدمة من ساعة ما جالهم الأوامر .. يا ريت كلنا نطالب الظابط "عمرو" إنه يبقى راجل ويلبس بدلته ويقول الكلام ده عشان الناس كلها تعرف الحقيقة وكلنا هنحميه هو وكل زمايله























































'''''''''''''''''''''''''''''''''''''''''''
كلنا خالد سعيد
واحنا بنلتقط الأنفاس لازم نفرح بالانجاز اللي حققناه كلنا .. بجد بجد بجد بجد .. كنا فين وبقينا فين .. بس احنا مكملين لحد ما نحقق هدفنا .. لأن دم الناس الشهداء اللي ماتت مكانش رخيص
























****************************************
كلنا خالد سعيد
إلى كل من يتفاوض الآن .. التفاوض كان المفروض يحصل يوم 25 بالليل .. يوم 25 بالليل تم التفاوض معانا بالرصاص المطاطي والقنابل المسيلة للدموع وعصيان الأمن المركزي وخراطيم سيارات الإسعاف .. نحن الآن الطرف الأقوى ولا نريد أن نتفاوض .. نحن نريد تحقيق مطالبنا الواضحة والصريحة بتنحي الرئيس مبارك وإنهاء عصر الحزب الوطني الديموقر...اطي والسيطرة الأمنية على الحياة في مصر .. وكل شخص مننا مستعد يموت في سبيل تحقيق المطالب دي
































كلنا خالد سعيد
حوار نائب الرئيس عمر سليمان لكريستيان أمانبور في قناة إي بي سي الأمريكية .. للأسف الشديد أنا مستغرب جدا .. نفس أسلوب فزاعة الإخوان المسلمين بيقول للأمريكان إن اللي نزل يوم 25 هما الإخوان وإن الشعب مضحوك عليه .. وإن مصر مش مستعدة للديموقراطية .. وإن مفيش حاجة هتتعمل أكتر من اللي قدمته الحكومة .. وردي هو: مصر فوق الجميع... .. وطول ما حضراتكم شايفين إننا شعب محتاج بزازة يبقى برضه لسه مفهمتوش الدرس



























كلنا خالد سعيد
أكتر موقف أثر في النهاردة إني فوجئت بوالدة خالد سعيد الله يرحمه في المظاهرة بتدور علي شان تقولي: خالد ابني مماتش لأن كلكم خالد وفضلت تبكي بشكل هستيري وهي حاضناني .. بجد والله احنا شعب عظيم وبجد والله احنا شعب يستاهل أحسن بكتير من اللي كان بيحصل فيه من عشرات السنين .. ابنك حقه هيرجع يا طنط ليلى والله هيرجع

















كلنا خالد سعيد
إوعى يضحكوا علينا بشوية إصلاحات .. دم الناس مش ببلاش يا حكومة .. مصر كلها بكت لما حفيد الريس مات .. والريس منزلتش من عينه دمعة واحدة لما أكتر من 300 مصري من ولاده اتقتلوا بايد رجال الشرطة بتوعه .. دم إخواتنا مش هدر يا سيادة الرئيس .. دم إخواتنا أقسم بالله العظيم ما هيروح هدر .. ولو فاهم إن مصر دلوقتي ينضحك عليها بـ 15% علاوة يبقى حضرتك مفهمتش يعني إيه شباب مصر



































******************************
كلنا خالد سعيد
أقسم بالله العظيم أنني قررت أني هاحارب من أجل دماء الشهداء ومش هاقف عن المطالبة بحقوق المصريين في التغيير الكامل لنظام الحكم لحد ما يحصل التغيير أو أبقى مدفون شهيد جنب واحد من إخواتي الـ 300 اللي ماتوا في الأيام اللي فاتت