(04-22-2011, 06:47 PM)عاشق الكلمه كتب:  

(04-22-2011, 06:36 PM)الحكيم الرائى كتب:  تعرف ياعاشق لما واحد غلبان مابيقدرش يدفع قسط عليه فى ميعاده بيتشد من قفاه وبيترمى زى الكلب فى السجن,لو واحد نشل محفظة فى اتوبيس بياكل علقة يطفح فيها الدم من الناس وبيروح القسم يسحلوه ويعدها ممكن يندب فيها سنة او سنتين عشان محفظة يمكن كان فيها عشرة جنيه,القانون يطبق على الجميع ,ولو ثبت بالدليل أن مبارك متورط فى فساد مالى ينبغى أن ينال عقابه,حتى يكون رادعا لكل من يأتى بعده,وأن كنت أرى أن جريمته الكبرى افساد الدولة سياسة وأقتصاد وأجتماع وهذه هى الجريمة الحقيقية بنظرى.

قد لا نختلف كثيرا حول وجوب معاقبه كل مجرم أو فاسد أو حرامى بالطريقه التى يراها القضاء مناسبه , لكنى بالتأكيد أختلف معك فى مسؤوليته المباشره عن افساد الحياه السياسيه والاقتصاديه والاجتماعيه , مبارك لم يفسد شيئا لكنه تم افساده هو شخصيا , مبارك ضحيه أخلاقياتنا وسوكياتنا نحن , احنا اللى بحب النفاق والتملق , احنا اللى حراميه ونريده حرامى علشان نسرق من تحت باطه , احنا اللى بلطجيه ومش بتوع شغل وعاوزين نقبض واحنا فى بيوتنا , مبارك ليس مسؤلا عن سلوكيات وأخلاق رذيله اكتسبناها عبر ألاف السنين , مفيش حاجه اسمها نحاكمه على فساد الدوله سياسيا واقتصاديا واجتماعيا والا حاكموا أنفسكم قبل أن تحاكموه .