(05-13-2011, 01:16 PM)Narina كتب:  

اقتباس:نقاش حول الاخلاق - الاخلاق غير مرتبطة بالدين

مزبوط كنعاني.. هادا بالنسبة للأديان بشكل عام
بس الديانات الإبراهيمية بالتحديد مو بس الأخلاق مو مرتبطة فيها .. الأخلاق متبرية منها براءة شو اسمه من هداك

(05-05-2011, 01:11 PM)فلسطيني كنعاني كتب:  تحياتي للجميع .....

قررت كتابة هذا الموضوع بعد قراءتي لعدة مشاركات من زملاء يكررون الزعم الكاذب بأن الملحد إنسان عديم الأخلاق ، أو انه إذا كان على خلق حسن فهو يخالف إلحاده !!!

و المؤمن اللي ماشي على دينه مزبوط مو سكر خفيف هوي اللي مستحيل يكون خلوق و لا 1% لأنه الإشي اللي بساويه الواحد لمصلحته و ما بييجي من جوات الواحد نفسه بلا منه أحسن .. فهدولي بالنسبة إلي بعطيهم صفر مكعبل

بالنسبة للادينين:
اللاديني الربوبي بحكم ضميره بس برضه كتير مرات الأشياء اللي بساويها أو بتجنبها بتكون محكومة بخوفه من قوة أكبر منه .. هدولي بعطيهم 7 من عشرة

اللاديني الأغنوستيك أو غير الربوبي 100%(ما بحب كلمة ملحد لأنه معناها الأصلي في تمييز ضد اللادينيين غير الربوبيين متل ما بحب أستعمل ستريت لما بدي أحكي عن الناس الغيريين) .. المهم.. هدولي الناس بعطيهم 9.5 من عشرة لأنه غالباً غالباً بحكموا ضميرهم أولاً و أخيراً (عم بحكي طبعاً عن الفهمانين مو اللي بسموا حالهم لادينيين غير ربوبيين بالإسم بس مشان يعطوا حالهم فيزا يساووا السبعة و زمتها)

قال يعني كأنه الناس تاركة كل إشي و عم تستنى نارينا شو عم توزع علامات

+