(05-22-2011, 07:05 PM)observer كتب:  هناك الكثير من المسلمين يتفقون مع الحويني في المضمون و يعترفون بأن الشكل الذي ينادي به مضحك لأنه مستحيل!! هذه الفئة تجدها اكثر ماتجدها في اوروبا و امريكا، و هي لا تعمل و تعيش على المساعدات الاجتماعية في هذه الدول،و ان عملت لا تتوانى عن سرقة رب العمل و الدولة، و لا تألو جهدا في ملاحقة الفتيات الاوروبيات، ليس بغرض الحب و الزواج لا سمح الله، بل لنيل وطراً منهن، و هذا كله يندرج تحت القاعدة الفقهية التي تقول، مالهم و نسائهم حلٌ لنا!!! هذا ما سمعه بأذنيه و شاهده بأم عينيه كاتب هذه المداخلة!!!
هناك فئة أخرى تعيش في بلدها عالة على دافع الضريبة الاوروبي و الامريكي، كحال احد الموظفين الذين ينتمون لحركة حماس، و وظيفته يتم تمويلها من ال UNDP و هي مؤسسة تعنى بمساعدة الشعب الفلسطيني عن طريق تمويل مشاريع وخلق فرص عمل لهم، الا ان ذلك الموظف يُصر بأن ما يُدفع هو جزية يدفعها الغرب مجبرا للمسلمين، هذا ايضا مما سمعه و شاهده كاتب هذه السطور!!!

أبزيرفر هادا إشي بنظرهم أكتر من عادي .. كل إشي إلهم مبرر و حلو و حلال و يا سلام سلم
شفت حقارات أكتر من هيك بكتير.. شفت بنات إخونجية لما يشوفوا بنت مع شب بالجامعة ما بحلوا عن سماواتهم و بنزلوا فيهم برش لأنه "هادا حرام" بس نفس البنات لما يقعدوا يتصهونوا بالكريدورات مع "شبابهم" و غيرهم اللي مو محجبة تستحي من صهونتهم هادا بسير كتير حلال

في ناس يا أبزيرفر لما كان هوي اللي مفروض يصرف عالبيت بمرحلة معينه كان يتكعبل على حاله متل الستات اللي شخصيتهم ضعيفة و يقول الشغل حرام.. مو إنه هوي كسلان و بدو مرته و أهلها يصرفوا عليه.. لأ الشغل هوي الحرام.. الغاني كانت حرام بس لما كبروا البنات وصاروا بدهم يتعرفوا على شباب كل إشي صار حلال

وزركرت قصة مع "مهندس" قبل فترة

اقتباس:بتعرف مرة مهندس عنا بالجامعة بقلنا بمحاضرة: "إزا إجا مدرب أجنبي بالمستقبل بدو يعطيك دورة خد منه قد ما بتقدر و لا تقول أجنبي" و حكى مثل: "قول للكلب شيخ "تشلبان" لحتى تاخد حاجتك منه".. لا تتخيل أديه استحقرته على هالحكي

و هادا مو لحاله.. كتير منهم من اللي بيطلع يتعلم بره بروح و هوي بباله "صحيح هدولي كفار... بس لازم نغنم منهم قد ما بنقدر..أصلاً مهيي حضارتنا البطيخية إلها الفضل على الغرب باللي وصلوله هلأ"

هوي بس اللي عنده ريحة ضمير أصلاً و منيح من غير دين و بيتبع الدين كغلطة اللي ممكن تتأمل منه خير لكن هدولي اللي ماخدينها عراضة و مركز و من غيره صفر عالشمال لا تحلم تقنعهم او إنهم شوية ها يتنازلوا و يعيدوا تفكير و أغلبهم هيك .. نادر نادر اللي بحكم ضميره بهيك قصص و الأندر اللي بحكمه منه من زاته

المشكلة بتعرف شو؟ المشكلة القبول الإجتماعي اللي إلهم! جد هيك ندل بلاقي كتير ناس تزقفله بمجتمعاتنا! يعني اإلوضع كتير بيشبه بنت بتكون لا تعبانة على حالها و لا بتعرف الخمسة من الطمسة و بتيجي بتتفلسف و بدها الكل يسمعلها و بعد ما يسمعلها يزقفلها خاوة لأنه هيي مقتنعة إنه ال "نص" نص الكم اللي بتىمن فيه بيحكي هيك
مرة كان رئيس جامعتنا عامل محاضرة بعنوان "العدم بوصفه ظاهرة كونية" .. و في عنا وحدة إخونجية طبيعتها بتلعلع كتير بالجامعة و كتير بتحب قصص البروزة .. المهم قبل المحاضرة نحنا كنا بالمصلى أنا و مجموعة بنات (كنت وقتيها شيخة) و لا هيي بتقول هادا الدكتور شيوعي ملحد و كمان شوية بدها تبلش محاضرته و من هالحكي .. هلأ أنا و بنت نزلنا نشوف شو بدو يحكي و حضرنا المحاضرة (للأمانة أنا لهلا مو فاهميتها ) بس المهم إجتلك هديك بعد الهنا بسنة وكانت مبلشة فترة الأسئلة .. من أول ما قعدت لسا بسم الله الرحمن الرحيم لا بتعرف شو حكى الدكتور لا بتعرف عن شو بتسولف المحاضرة قعدت تحاول "تطس" فيه بآيات الخلق قال يعني من باب التحدي ببساطة قلها الدكتور :"هادا بضل فهمك إنتي" .. "مين عنده سؤال تاني؟" .. "آه تفضل".. المهم أختنا بالله بوزت بالأول و بعدين طلعت إنه الدكتور ما قدر يتناقش معها! و كل اللي بيعرفها بما فيهم نحنا اللي كنا شيوخ وقتيها انتقدنا إنه كيف بتيجي و الناس راجعة من الحج و بكل عين قوية بدك الواحد يتناقش معك! أي نحنا اللي قاعدين من اول المحاضرة لما ما فهمنا إشي ما استرجينا نسأل!

بعد ما قمت الحجاب بفترة في في شلة بطلت تحكي معي هادي الشلة 1-بتدخل على المصلى اللي فيه موكيت باللي برجليهم 2- الميك أب ماكل نص وجههم 3- قفياتهم معصورة بالجينز 4- بالوضع "الطبيعي" بيحكوا وصوتهم بلعلع لعلعة .. عن جد الوضع كان كتير بيشبه هالصورة



فالخلاصة يا أبزيرفر إزا الطابق الفوقاني مو ملحلح خلقة اللاو حبيبي ما في أمل .. جد ما في أمل
عندي قناعة إنه اللي بقبل هيك شغلات على حاله وببررها واحد من تنين يا إما نايم بالعسل و و ماخد جرعات من الأفيون لشبع يا إما ضميره مأكس عليه من الأصل

أنا داريييييييييييييييييييييييييييييي .. عم نحط بالخرج كتير بس مو عارفة شو بدو يوسع هالخرج ليوسع!

---

(05-22-2011, 08:21 PM)observer كتب:  المشكلة يا فودكا، ان هناك، و لا سيما بعض المثقفين، من يعتقد بحق الدول الاسلامية في امتلاك اسلحة دمار شامل كالاسلحة النووية كامتلاك امريكا و فرنسا لها!!! و من هؤلاء ايضا، من يرى في الاحزاب الفاشية الاسلامية كالاخوان المُسمين و حركات السلف الطالح، احزاب و حركات طبيعة، لا تختلف مثلا عن حزب العمال البريطاني او جمعية اطباء بلا حدود، لا تدعو للقلق و لا ضير من التعامل معهم سياسيا!!!

اللاو حبيبي ينور عليك
و اللاوي ما بيجلطني غير هدول و مو جايبلنا الدور ومميع المواضيع غيرهم!