مشان الله يا رحمة ارحمنا

قصة بندر هاي كم مرة بنقول اختراع مخابراتي سوري، ونشر عند جماعتكم بموقع فيلكا إسرائيل.
العمى كذبوا الكذبة وصدقوها.

شو يعني ما بلشت ثورتنا مثل بقية الثورات.

لا سيدي بلشت كبقية الثورات وبرأيي أقوى وأحلى من بقية الثورات حين نعرف صلابة مخابرات سوريا التي يتندر بأمرها القاصي والداني.

أتعرف كيف بدأت؟ بدأت بامرأة من عائلة أبازيد بحوران تخبر صديقتها عالتلفون مبروك ثورة مصر وعقبالنا. فاعتقلوها، فثار أطفال العائلة وكتبوا عالجدران "الشعب يريد اسقاط النظام"
ووقتها قلت ستشتعل ولم يكن هناك اشتعال إلا بحوران.
هكذا اشتعلت واعتقل الأطفال وعذبوا، وصار اللي صار.

طلعونا سلفية وطلعونا متآمرين.
لك كل الناس ممكن تتآمر بسوريا إلا حوران .. المشكلة أنكم بلبنان ما بتعرفوا الواقع السوري على ما يبدو
نحنا مش بلد طوائف وميليشيات وكل مين إيدو إلو .. الأمن فعلاً مروع الناس هون، ولولا أنو الناس فقعت معها ما كان صارت ثورة
والله الموساد والسي آي إي كلهم ما بيقدروا يخلوا شخص يطلع وحاطط روحو عكفو ببلد المخابرات الذي لا يشابهه إلا كوريا الشمالية.
أنا بكتب التعليق وبظل طول الليل منتظر حدا ييجي يعتقلني .. للآن ما صارت بس بأي لحظة ممكن تصير
وصارت للكثيرين حوالينا .. مبارح اعتقلوا ناس من أقرب المقربين إلي.

عجيب أمركم