(08-12-2011, 09:32 AM)أبو خليل كتب:  يمكننا بكل سهولة أيضا ان نقيم نفس الوضع من وجهة نظر طائفية مشابهة و ما حدا احسن من حدا...:

سنة فلسطين رحبوا بموقف شيخ مملكة النفط السنية الداعم لثورة سنة سوريا على العلويين فيها و على الشيعة حواليها
و ما حدا احسن من حدا, و كما تراني يا جميل أراك

إذا هيك فحق السنة الأغلبية يحكموا البلد اللي بمثلوا ثلاث أرباعها .. متل البحرين .

بس تشوفنا عم ندافع عن مجازر البحرين و نتهم المعارضة البحرينية بالعمالة لإيران و الخارج و المؤامرات الكونية اتفضل احكي عن ازدواجية المعايير عنا و الطائفية . بس حضرتكم بتدافعوا عن ثورة البحرين و بتدافعوا عن نظام القمع السوري بنفس الوقت - اتركنا من الحجج هلئ . لو بدنا ندافع عن نظام البحرين لطالعنا حجج و هواجس أد الدنيا .

(08-12-2011, 09:32 AM)أبو خليل كتب:  ايوه بالزبط الوضع كدة مع فارق ان قضايا الحرية و الديموقراطية هي جوهرية ايضا و نعترف بحقكم في الحصول عليها ...
قبل اندلاع الاحداث في سوريا كان بشار بحسب استطلاعات الرأي الغربية هنا مثلا هو الزعيم العربي الأكثر شعبية في الشارع.

مرحبا استطلاع ..أنا بعرف جاب بالانتخابات 96.99% شو رأيك .؟

(08-12-2011, 09:32 AM)أبو خليل كتب:  و حتى الآن, و من واقع احتكاكي بالسوريين المقيمين في لبنان (و هؤلاء لا ضغوط عليهم من النظام) اجد ان اكثر من نصفهم لا يرغبون بالاطاحة ببشار.

لك المخابرات السورية بلبنان متل بسوريا .. تقلي لا ضغوط عليهم .. طيب شبلي العيسمي وينو.؟
بالعكس تمام الخوف بلبنان كبير لأنها بلد مخترق من كتير مخابرات و منهم السورية و بالتالي كتير ناس ببيحسبوا هالحساب. أنت مفكر لبنان بعيدة عنا و ما منعرف شو فيها .؟

أما قصة أكثرهم من نصفهم .. يعني إذا حضرتك صرت ديمقراطي و مؤمن بالحرية فجأة و و ما عنا خبر فالنصف التاني بحقلوا يطيح ببشار طالما مقموع فيه بنظامو و حتى الأكثر من نصف الأول ما بحقلن يفرضوا نظامن بالقوة عالبقية بئا اطلعلي منها شغلة النصف + واحد معكم و أقل من هيك اللي معنا .. لك من عقلك بتصدق هالحكي , يعني نظام عندو أغلبية شعبية ليش عم يقمع و ما يتجه لانتخابات و يلعن أفطاس معارضينو ديمقراطياً و يتصدى لمؤامرات الكونية ضدو .!

(08-12-2011, 09:32 AM)أبو خليل كتب:  تقديري ان الحل سيكون في النهاية باجراء حوار صريح يفضي الى انتخابات نزيهة و شفافة بمراقبة دولية حيادية... و كذلك اصلاحات جذرية للنظام وقف اتفاق و اجندة يضعها المتحاورون.

طبعاً لو فكرنا مثالياً فهاد الحل الأمثل طبعاً.. بس واقعياً واضح انو النظام مو بوارد تقديم هيك شي ..و الحوار مفروض يكون على قاعدة تمثيل المعارضة بالشارع .. يعني شو ممكن يعطي النظام لمعارضة بتمثل 0.1 % و هو عندو الـ 99.9% البقيانة . النظام مستحيل يعطي أي تنازل حقيقي أو جذري للمعارضة هو بيعرف نتيجة هالشي مسبقاً .. أنت مفكر لو توفر حرية كاملة صعب عالمعارضة تحشد مليونية بقلب دمشق .! النظام مستحيل يحط حالو تحت هيك احتمال حتى .. بعدين نتيجة الانتخابات معروفة بالنسبة الو و هاد بفسر نهج القمع لعقود .

أضعف الإيمان يوقف القمع بالوقت الراهن و يطالع المعتقلين اللي اعتقلن بحكم الأمر الواقع (قال لغى قانون الطوارئ) و يسمح بحرية المظاهرات و بعدين يتفضل يحاور و يعمل الانتخابات .