الجمهورية الهندية السورية
نشره syrianrise في 19 آب, 2011 - 01:41 الصبح - 3 تعليقات
Share23
http://the-syrian.com/archives/31444

في بلد يكثر فيه الهندوس الذين غالبيتهم من
سائقي سيارات الأجرة …. و انت قرفان عمرك و عم تفكر بمليون قصة و بالبلد و بيلي
عم بيصيرهنيك و الشباب يلي متل الورد عم تضحي بروحها و تتحدى النظام الوحشي
المتمثل بمجموعة الحيوانات الحاكمة ….. يخترق هذا الزحام شوفير التكسي ليسألني
باللغة الانكليزية و لكن بصيغة هندية مع لكنة اللغة التاملية (المستخدمة في
الديانة الهندوسية) : أنتو المسلمين شو الحيوان المقدس عنكم … نحنا عنا البقرة
تمثل المفتاح للخير ,,,

صفنت شي 10 ثواني و ما بعرف ليش خطر ببالي
الأسد و قلتلو والله للأسف ما عنا هيك شي بس إذا بدك عنا بالبلد حيوان هو مفتاح
الموت اسمو بشار الأسد….

الشفير هون خمس بأرضو و ما فهم عليي بقا سألني
سؤال تاني : ا نتو كم إله عنكم …..

و آخرة هالمشوار معو ؟؟؟ جاوبتو : ما عنا غير واحد ليش انتو كم واحد
عندكم.

الشفير : نحنا عنا كتييير … سألتو: ليش يعني

الشفير: كل واحد الو شغلة في واحد للمطر و شي
للهوا و شي للحماية …. و طبعا السيارة من جوا مليانة تماثيل و مجسمات صغيرة تعبر
عن كل من هؤلاء شي بني آدم راسو فيل و شي سعدان و شي مدري شود ينو المهم من بين
هدول لفت انتباهي تمثال لزلمة مكرّش و متكي على صندوق دهب قلتلو : مين هاد ….
هون الشفير قلي هاد مو تبعنا قلتلو شلون يعني مو آلهة ليش … قلي : مبلى بس
الهندوس ما عندهم آلهة بتجيب مصاري بقا مستعيرينها من البوذية (تبع الصينيين) و
بيصير نحنا نستعير من آلهتهم و هنن كمان عندهن نقص بيستعيرو من آلهتنا …. خير ان
شاء الله

صفنت بعجقة هالآلهات و راح فكري شرد عالبلد
….. العمى معقول نحنا هنود !!!! نحنا منعلق صور و تماثيل متلهن … هنن عندهن
الثالوث الإلهي المقدس يلي بيضم أهم ثلاث آلهات و عالو شوفو معي كل آلهة من
هالتلاتة و شو شغلة كل واحد :

1. شـــيفا : هاد هو آلهة التدمير …. يعني
بعينو بشار الأسد مافي غيرو بالجمهورية الهندية السورية

2. براهما : شغلتو الخلق و الإنشاء …..
يعني حافظ الله يلعن روحو يلي أنشأهيك نظام أخو شحاطة

3. فينشو : شغلتو الحماية …. يعني ماهر ما
غيرو يلي عم يحمي هالنظام.

طولو بالكم مليتو ؟؟؟ لسه في كمالة آلهات و
هدول تحت درجة بس كمان من الأساسيات :

1. لكشمي : هاد تبع الغنى و الثراء …. مين
هو يا ترى …. بعينو مخلوف.

2. أجنى: له سبع ألسن …. معروفين من طالب
ابراهيم و جر ….

3. اندرا : إله الحرب يعمل مع فنشو …. الجيش
الأسدي

4. فايو : إله عنيف جدا و الكل يخافه لسرعته
و بطشه و غالبا ما يعمل مع اندرا ……….. هدول بقا الشبيحة بذاتهن

هلأ منجي لكيفة التقسيم المجتمعي عند الهندوس
؛ شيب يجنن يا شباب كأنو عم نحكي على وضعنا ….

الناس طبقات و كل طبقة تحتفظ بمكانتها , و على
الطبقات الأدنى أن تعطي الطبقات الأعلى لتبقى في مكانها …. الطبقات الدنيا يجب
ان تبقى دنيا وفي حال امتلكت من المال و القوة الكثير فعلى الطبقة العليا أن
تستحوذ على أملاكها لأنها قد تقوم بثورة و تغير من طبقتها و هذا ما لا يجوز في
النظام الطبقي الهندوسي …. طبعاً بالنسبة لطاعة كل طبقة للتي تعلوها فهو أمر
واجب و لا يمكن تجاوزه.

و لسه في كمان مشان تكمل الصورة …. شفير
التكسي ملزق عالبلور صورة فيها عمو شيفا (بشار) و مكتوب عليها : (لا تخف إني
معك) و الأحلى انو رافع ايدو كمان متل
تبعنا …

ما حسيت غير هالشوفير عم يقلي وصلنا ….
صفنت و قلتلو بدي اسألك قبل ما أنزل : أنا بعرف تقريبا معظم الآلهة الهندية ….
الشوفير مذهولاً : عن جد …… ما عندكم آلهة للحرية ممكن تغلب الآلهة الكبيرة و
تغير شكل الديانة …… هون صفن و قلي : ما عنا حدا يطلع فوق الآلهة لأنها مقدسة
و لا يمكن المساس فيها ………. باختصار طلع الشوفير منحبكجي هندي .

أبو الملك