أنا شايفة إنه ستيف هارفي كان شايف الموضوع بطريقة أحسن و أوعى من اللي كتب هالمقال
بظن الرجل بحب المرأة اللي فيها من النوعين و أنا برأيي (المرأة الحبوبة القوية) هيي المرأة الجذابة فعلاً يعني لا الخنشورة و لا الهبلة (و الخنشورة هيي هبلة كمان على فكرة.. بتغطي على إنها إنسكيور بشوية طقوس فاضية) .. أصلاً اللي سماها بالمقال الحبوبة هي في الواقع الهبلة و اللي سماها قوية هي الخنشورة الباردة .. و لو كان الوضع متل ما بيحكي صاحب المقال ما كان شفنا ستات (مفروض مو ناقصهم إشي بحياتهم) بياكلوا الدخان أكل و بلقلقوا بالساعات بصالونات الصويفية

الرجال متله متل الوحدة بالآخر بني آدم بحب يحس إنه مرغوب فيه و حدا بهتم فيه متل ما هيي بالزبط بتحب تحس .. أنا ما بحب إنه الواحد بضل يصور العلاقات كأنها حرب بين الرجال و الستات و إنه حدا لازم (ينجر) ورا التاني .. الأمور أبسط من هيك بكتير .. برضه العلاقة اللي بدها تكون متل الطماية هيك ما بعرف شو الحلو فيها؟! يعني بلا منها أحسن .. بس اللي بلاقي متعة بهالإشي برضه صحتين على قلبه

بي إس: غالباً اللي بلاحقوا الخنشورات همي تايبين من الذكور (مو رجال برأيي) .. يا أما الخيخات المعاطيب يا أما النمسين
شايفة كتير .. و بعمري ما شفت زلمة قد حاله تعلق بهبلة أو خنشورة .. دايماً بتعلق بالأنثى الصح .. اللي فيها من التنين

و بي إس تانية: نحنا لشو ما وصلنا حاجاتنا الأساسية كبشر وحدة و كتير بسيطة و بنشبعها على كل اللفلات إزا تعاملنا معها ببساطة برضه.. غير هيك الواحد دايماً رح يحس حاله في إشي ناقصه و مو رضيان من جوة .. يعني تعقيد الأمور بزيد الهبلة هبل و الخنشورة خنشرة مو أكتر و لا بخلي حدا يقرب من حدا زيادة و لا يميزط من حدا أكتر و ما بتكسبها إلا الحبوبة اللي قد حالها

بي إس تالتة: اللي كتب هالمقال و اللاو العليم من تايب الذكور (مو الرجال) اللي بحبوا يريحوا راسهم و كل إشي ييجيهم عالجاهز المجهز ( كمان )... هادا التايب لا بيعرف شو يعني حبيبة و لا زوجة و لا لو صار عنده عيلة رح يعرف كيف يقدرها و إزا عزز و لاده - هادا إزا عزز من أصله- بعززهم (من ناحية حاجات مادية بس) لأنهم امتداد لحاله بس مو أكتر ..
اللي بأكد هالإشي :

اقتباس: ماذا يبحث الرجل ولايجده في زوجته ويجده عند بنات الهوى

هالجملة لحالها بتخلي أيا أنثى صح تعرف شو جاي بعديها بالمقال حتى بدون ما تكمل
يعني هوي بشوف الخنشورة bitch "مثيرة" مو أكتر .. ليش؟ لأنه هوي عنده إشي ناقص بخليه يحس إنه مقبول عند هالنوع البليد بس .. و غالباً على فكرة بيطلع لهالخناشير اللي بلاقيهم "مثيرات" ك pussies مو أكتر و دايماً بكون نفسه بالحبوبة اللي قد حالها بس بحس إنه صعب يوصللها و لو صارت حبيبته أو مرته بتضل عنده كإشي أعلى من هال bitches تبعونه .. مستحيل حتى لو واحد زعرنجي نمرة واحد يطلع للتنتين بنفس النظرة أبداً .. يعني تبعة الفرشة للفرشة و تبعت الحياة كلها للحياة كلها
و لما يحكي عن هالbitches تبعونه دايماً بتلاقيه بيستعمل كلمات دونية حتى لما يوصف قديش هيي "مثيرة" .. ليش؟ لأنه حتى النمس بحس و بيعرف الفرق .. أصلاً الناس الباردين بشكل عام ما وصلوا لهالمرحلة إلا لأنه كانوا حساسين كتير و انجرحوا بشكل كتير مؤذي بمرحلة معينة
بس شو مساكين الحبوبات اللي قد حالهم اللي بيورطوا مع هيك نمسين

بي إس رابعة : مع إني انمغصت من الجملة العظيمة اللي فوق بس كملته للآخر

بي إس خامسة: اللاو حبيبي يبعد الخيخات و النمسين و الهبلات و الخنشورات عن الحبوبات اللي قد حالهم يااااااااااااااا رب