هالة أحيان بتحكي حكي منيح وبتخربيه بلحظة أخرى، للأسف الأدلجة تنسف السياسة.

النظام السوري سياسي بجدارة هو أيضاً، حكاها اليوم محمد العبدلله في الاتجاه المعاكس، ألم يقم النظام السوري بالموافقة على غزو العراق والمشاركة في التحالف الأمريكي عند غزو الكويت؟

مشان الله يا هالة بلاها هاي التحليلات حول غليون، نحن في الداخل الذين شكلنا المجلس الوطني ولا نحب غليون، وبتعرفي ليش؟ لأنه مش صارم كفاية مع النظام ولأن لدينا مليون قصة ضده، منها محاولاته لتهميش هيثم المالح ومحمد العبدلله ورضوان زيادة الذين لهم النصيب الأكبر من شعبية في الداخل، ولذلك أصرينا ليكون موجود فقط لثلاثة أشهر.
يا عمي أنتو ما بتعرفوا كثير أمور، وبتحللوا وبتخبصوا، وهذا يقهرني، أي عدم معرفتكم بالوقائع، كم سأكرر أن هذا المجلس أكثر من نصف أعضائه وتشكيلته داخلية؟ ولو شرحت كم أن برهان غليون بالأساس لدينا منتقد بشكل كبير، ولكن يهمنا المجلس ككيان لا كأشخاص.
بس كمان غليون لدينا بالداخل معه مشاكل لكن ما لها علاقة المصاري، كونوا شوي عقلانيين ومنطقيين عالقليلة، غليون معه مصاري ورئيس مركز دراسات بفرنسا وأستاذ جامعي، مو شحاد .. عيب هالتفكير من قبلكم
قزمتوا ثورتنا ولعنتوا أنفاسها، واعتقدناكم معنا فكنتم علينا.
طيب تعوا جاهدوا معنا بدل ما تنتقدونا بكل لحظة .. نحن يا جماعة بحالة ثورة وحالة عذاب يومي.
وما بنشوفكم يا قوميين ويا شيوعيين ويا يساريين إلا ضدنا وضد ثورتنا بكل رموزها.
طيب تعوا وقفوا معنا ولن نحتاج لا لغربي ولا لتركي.
فرجونا عضلاتكم لشوف. وإلا فاصمتوا
لأنو نحنا مش مضطرين نموت ونتعذب لكي تفتخروا بنا.

تحياتي

---

هالة خبرك لا علاقة له بخبر فارس اللواء
رفض عقد القمة لا علاقة له برفض الاجتماع الوزاري غداً بالرباط .. ولم يرفض أحد بالخليج عقد الاجتماع بكرة. فارس عمبينقل لوسيلتي إعلام سوريتين تابعتين للنظام