هلأ يا رحمة، لو رديت عليك بمنطقك هاد، وقلتلك ما جحش إلا إنت، مو العالم بتفكرني مثلك؟

بس أنا ما رح أرد عليك بالمثل، والدين يللي بترميه ورا ظهرك أو تحت رجليك وما قدر يعلمك أن الدين المعاملة، وما قدر يضب لسانك يللي بفوت على جهنم، هاد الدين بعنيلي كثير، وما بقبل الناس تسب على الإسلام ولا على منهج آل محمد يللي متبعه من ورا لساني يللي ما بمون عليه، وزيادة ما بقبل أوقف دقيقتين زيادة حساب يوم القيامة على مصيبة من مصائب اللسان.

الضوابط الدينية يللي بتعرفها بتقول أنك تستهين بالذات الإلهية وتقلي أحل عن الله تبعك؟ الضوابط الدينية بتقلك أنه صافي يا لبن أن جماعة الأسد لا يتركوا مسبة لله تعالى إلا ويقولوها، الضوابط الدينية يللي بتعرفها وبدك تلزمني فيها ما علمتك إنه واحد كبير ومحترميته العالم شروى أفضالك، ولابس عمامة وناتع جبة، ودارس بشي حوزة مع الأسف، عيب أنه يخاطب محاوره بكلمة جحش؟ يا خسارة تعليم الحوزات فيك إن خرّجت مثل هيك. الله يرحمه أبوك على كل.

نيجي لموضوع العدوان البطيخي والناتو وصرعة المقاومة والممانعة يللي ماسكينها من طيزها...

يا رحمة، المقاومة ما بتكون بتخليع أظافر الأولاد في درعا، هاي بس تفهمها بتيجي بنحاكيك بيللي بعدها، بس إنت ثبت عندك بالتواتر انه في ولد للإمام الحسن العسكري عليه السلام رغم عدم وجود التواتر لا مذهبيا ولا عقليا، وما ثبت لديك أظافر أطفال درعا يللي ثابتة مثل الشمس في رابعة النهار.

بنيجي لاتهامك إنه أنا سفياني،
السفياني يا إنسان هو الذي يبارك بحبور عمليات تقتيل الأبرياء، ويفرك يديه جذلا بتوريث حكم من حافظ لبشار، لا حافظ هو مالكه الشرعي ولا بشار هو وريثه الشرعي، السفياني هو أنت ومن لف لفك ومن رأى رأيك، حتى لو زعمت تشيعك لآل محمد. هذا تشيع مثل ما قال الإمام جعفر عليه السلام "ما وجدت أكثرهم إلا واصفة"

بعدين يا إنسان من وين جبت أني أدعي تمثيل إرادة الله والشعب؟ هو الحق صار حزيرة ولغز إما شي واضح ملموس محسوس؟
ولمن يكون الحق واضح ومحسوس وملموس، ومن الحق أن يعود كرسي الحكم في سوريا لأصحابه الشرعيين ويتوقف اغتصاب السلطة المستمر في سوريا، وتمارس الأمة هناك حقها الطبيعي في الوصول إلى الحكم واستئجار الحاكم الذي تريد، ومن ثم باقي المسائر فروع عنها، حين يطالب بها فرد واحد فهو الأكثرية يا إنسان، لأن الحق معه، ولأن الحق لا يحتكره جنابك ولا يملك حق تفسيره، لأن الحق ليس بأمر غامض يحتاج إلى تفسير..

رحمة، لا تمارس الكلام معي وإنت معصب نصيحة، لأن نتيجة ذلك ثقل ميزان حسناتي وثقل ميزان سيئاتك، وأنا لا أحب أن أثقل حسناتي على حسابك...

(وَمِنَ النَّاسِ مَن يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَى مَا فِي قَلْبِهِ وَهُوَ أَلَدُّ الْخِصَامِ*204* وَإِذَا تَوَلَّى سَعَى فِي الأَرْضِ لِيُفْسِدَ فِيهَا وَيُهْلِكَ الْحَرْثَ وَالنَّسْلَ وَاللَّهُ لاَ يُحِبُّ الْفَسَادَ*205* وَإِذَا قِيلَ لَهُ اتَّقِ اللَّهَ أَخَذَتْهُ الْعِزَّةُ بِالإِثْمِ فَحَسْبُهُ جَهَنَّمُ وَلَبِئْسَ الْمِهَادُ*206*) البقرة