(12-26-2011, 08:13 AM)الطرطوسي كتب:  

(12-26-2011, 06:22 AM)نوار الربيع كتب:  ما أكذبك . انا كنت مر فيها كمان بأيام الدراسة و لما يكون معنا زميلات تلاقي عناصر الحراسة كلهن تصير عيونهم عشرة عشرة لدرجة صرنا نتحاشى المرور بهي المنطقة من قلة المارة و كترة العساكر .. القضاء العسكري و الجمارك و الأمن الجنائي و المخابرات يخريتن اناشالله .

يا سبحان الله
دوار الجمارك أصبح منطقة قليل المارة فيها.
السرافيس التي تمر من هذه المنطقة فقط تكفي لصنع مظاهرة. الدوار الجنوبي مزة جبل مزة 86 مزة فيلات مزة إلخ.
إذا كانت زميلاتك يدرسن في أي من الكليات التالية الهندسة المدنية الهندسة المعمارية المعهد الهندسي الاقتصاد الحقوق الشريعة التجارة كلية الفنون الجميلة كلية التربية كلية العلوم فمن أي طريق سيذهبن إلى المدينة الجامعية كل يوم خلال سنوات دراستهن؟ ألن يمررن من مكان التفجير بالضبط كل يوم مرتين على الأقل؟
الكازية التي بعد مكان الانفجار هي موقف مشهور يصرخ سائق السرفيس "كازية حدا نازل".
أما الأمن الجنائي فهو في دوار باب مصلى في منطقة أخرى من دمشق
أما المكان الثاني امام أمن الدولة ما بين دوار كفرسوسة و بين المجتهد فهو الآخر ممر رئيسي في قلب المدينة و أنا شخصيا مررت مئات المرات منه و أنا لا أبالغ و لا أستخدم المجاز. مئات نعم أكثر من ثلاثمائة مرة و في أوقات الذروة فالمرور في المنطقة عذاب حقيقي لشدة الزحام.

سامحني يا زميل و لكن الآن أشك تماما أنك زرت دمشق أو درست فيها. ربما زرتها مرتين أو ثلاث

شوف عزيزي .. أنا قصدت وقت بتاخدها مشي بين الآداب من جهة و بين الحقوق و التربية و الاقتصاد يعني المنطقة كلها عسكر و حراسة و مجرد المشي فيها بتحس حالك مشبوه و لو ما كنت عامل شي .. مزبوط في سرافيس و سيارات بس ما حدا بيسترجي يصف أو يوقف.. بعدين فرع الأمن الجنائي اللي حكيت عنو موجود بالمنطقة على امتداد وزارة التعليم العالي بعد الكازية بظن بيعرفو ابن سوريا .. غير تبع الأمن الجنائي بباب مصلى .. و هو تقريباً على مدخل المنطقة إذا جاية من ساحة الأمويين .

هلئ أنت مفروض تعرفو أكتر مني ماشالله علامة بالشؤون الأمنية و المخابراتية ..و مدخل الفرع ممنوع الدخول أو الوقوف جنبو و في مكان خلفي للمراجعين بصير تماماً عند الإشارة بالنسبة للي جاية من ساحة الأمويين (منيح ما غيرتو اسمها) .

هو فرع أمن الجنائي بسموه الجنائية .. و ماكنت أعرف شو الفرق بينو و بين فرع الأمن الجنائي اللي بباب مصلى .. فحبذا لو توضحلنا الفرق بيناتهن .

طبعاً مو قصدي مكان الانفجارين تحديداً .. عم أحكي عن المنطقة بشكل عام لأني بعرفها منيح و بعرف مداخلها و مخارجها .. يعني هيك منطقة من سابع المستحيلات تدخلها هالسيارات المفخخة خاصة بيوم الجمعة و وقت زيارة المراقبين ..لك الحواجز بتكون من يوم الخميس بين الضواحي و المدينة .

أنت نفسك مقتنع بهالشي .؟

هلئ إذا حدا مقتنع بأنو الزعبي انتحر فعلاً و غازي كنعان شرحو و المتطرفين هاجموا مبنى مهجور بالمزة و هاجموا السفارة الأمريكية و انو المظاهرات هنن أصحاب حقوق مطلبية مشروعة (كهربا مي تعليم مواصلات) و أجت فئة اندست بنيهم و صارت تحرضهم عالنظام , و أنو في جماعات مسلحة من القاعدة عم تقتل المتظاهرين لتحطها برقبة الأمن ... أكيد حيقتنع أنو التفجيرات من عمل القاعدة .