(01-29-2012, 07:33 AM)عاشق الكلمه كتب:  ....................................
اللى حصل حصل وأنتهينا , وعلى الجميع أن يعلموا أن الأخوان المسلمين هم أصحاب الشرعية الأن , وأنهم لن يسمحوا لأحد بأنتزاعها منهم , فالشرعية معهم والقوة أيضا معهم , وقضى الأمر الذى فيه تستفيان .

و الله كويس جدا إنك معانا على الشريط لأنك كنت غالبا الطرف المقابل في موضوعات الإسلاميين ،و بالتالي فشهادتك غير مجروحة ، لأنك تعلم مقدار الجهد و الوقت و الشغل اللي عملته ضد الإسلام السياسي ،و ضد الإخوان تحديدا .
يعني ما كان أيسر أن أقول أن المجلس باع لهم القضية كما فعل البعض الذين يشكون ان المجلس هوه اللي جابهم و هم بدون شعبية ولا حاجة !.
يعني واحد حاسس إن مجهود 20 سنة يضيع قدام عينيه ،و اعدائه اللي بيكرههم و شايف إنهم أعداء التاريخ و الحضارة سوف يحكمون البلد . أكثر من كده معاهم اللي قتلوا فرج فوده و استهدفوا حياته للخطر مرتين . لن يلومه احد لو قعد يشتم ميتين البلد و يخرب بيت البهايم اللي جابوهم و ...و ... . حتى الناس اللي ربنا مفتحش ضدهم بكلمة نقلوا شتايم المجلس عليهم .
طيب و بعدين .. فيه حاجة مهمة جدا في حياتنا اسمها مصر ، و هي اللي جابتهم و أمنتهم على نفسها ،و بقت مصلحة مصر معاهم .. هنعمل ايه كرجاله بجد مش صناعة فريدوم هاوس .
باختصار انا مع مصر و مصالحها حتى لو عبدت الشيطان .. مصر اولا و ثانيا و ثالثا و ... أخيرا .
فلسفة محدش هنا هيتفلسف زي اخوك ولا عشره . و لكن لما تطالبنا مصر هنقول حاضر و هنضرب تعظيم سلام . و لن نهرب بأحلامنا إلى الوهم !.
شرعية احدة مالهاش ثاني إلا عند كذابين الزفة .. معاهم الشرعية و نحترم قرار الشعب كما يليق بمن قاتل اكثر من نص عمره من اجل مصر و المصريين .

---

(01-29-2012, 04:55 PM)jafar_ali60 كتب:  تحية يا عزيزي

قبل ايام كانت هناك حلقة من الاتجاه المعاكس وكان ضيفها زميلنا وصديقنا نبيل شرف الدين "مالك الحزين" واخر ، وكلنا يعرف الحرب الضروس التي كان يخوضها نبيل ضد الجماعات الاسلامية ، ونعرف بهجت وجعفر علي ومنذ دخولهم الانترنت وهم ضد الاصولية الاسلامية ، لماذا الان يؤيدون وصول الاخوان عبر الانتخابات للسلطة؟
يقول نبيل شرف الدين في بداية حواره بلسان المتنبي

ومن نكد الدنيا على الحر ان يرى ـــــــــ عدواً له ما من صداقته بد

سأوجز ما استطعت

.....................
هي حالة ثورية بأثر رجعي
لا زلنا نتذكر ونتكلم عن احداث عشناها بكل تفاصيلها المملة ، الثورة المصرية لم تكن ثورة يوما ما ، فقط الان يريدون الباسها اللباس الثوري
.......................

تحياتي

و الله طلع نبيل شرف الدين راجل من ضهر راجل كما هو متوقع من مصري أصيل .
يعني العلوقية و الله متنفعش أبدا .
يا سيدي بصراحة تامة لا تهمني الديمقراطية ولا اي مبدأ آخر إلا بمقدار خدمته لمصر و مصالح مصر .. كده على بلاطة زي ما يقولوا .
مصلحة مصر الان هي في الشرعية و العمل ، اما ما يفعله هؤلاء الناس بتوع التحرير الان فهو فوضى و خروج عن الشعب و شرعيته .. أي خيانة وطنية .لأنهم يدفعون البلد لحرب اهلية .
ستجد كل الرجالة بجد معانا في هذا الموقف .. اما اللي حبة حبة فهؤلاء لا يرجى منهم أي خير معاك ولا ضدك .
و كل تمنيتي .
ياللا نفوتكم شوية لمشوار في مطر القاهرة السخيف .