ياجماعة الخير ، رغم اني هاجرت لالمانيا من سبع شهور ومعرفش ايه اللي حصل بالبلد لكن دي مش آخر انتخابات و كويس ان مرسي لبس في المصيبة الاقتصادية دي ولو نجح في حلها يبقى أهلا باردوغان التاني ولو منجحش يبقى يخرج بالانتخابات ومصير الاخوان الذبول

لكن فعلا ومن غير كلام فيه فرق بين الشعوب ، انا نفسي بتكسف من تصرفاتي وعاداتي مقارنة بالشعب الالماني وبحاول اتغير لكن صعب ، الانسان اسير فكره و بيئته و عادات مجتمعه

الواحد بيضحك لما يسمع كلام الاخوة السوريين عن الثورة وكأن الشعب السوري من طينة مختلفة عن شعوب المنطقة وهينهض ببلده ويطورها بعد الحرب ، مش بقول ان الانظمة الحاكمة كويسة لكن شوية عقل مش هيضروا ، لو بتثوروا علشان الديمقراطية فمش هي اللي هتحقق مطالبكم لانها فكر وثقافة ومجتمع متحضر وفاهم وده مع احترامي مش متوافر في الشعوب العربية وانا اولهم وده الواحد حسه اما سافر بره

لو بتثوروا علشان الاقتصاد فمهما كان فيه فساد وفيه بطالة فالحالة هتبقي اسوأ لان الامن هيبقي منعدم والسلاح بيكتر والحروب بتورد كوارث

وبالتوفيق لمرسي رغم اني مش متفائل واللي خايف على حرياته يهاجر ويسيب البلد ولو حالها اتعدل يرجع

سلام