اقتباس:شاهد عيان يروي حكايا شبيحة عائلة الأسد

أمره بنزع ملابسه ولعق حذائه ومن ثم لعق أرض المحل
http://www.alarabiya.net/articles/2013/0...59759.html



ثمة مَنْ سمّى شبيحة سوريا "الرعب بطعم الموت"، وإن كان مصطلح الشبيحة في عامي الثورة السورية أصبح من أكثر المصطلحات انتشاراً وتأثيراً ورعباً، فإنه ارتبط في أذهان العالم أجمعه بالموالين للرئيس الأسد الذين قاموا بعمليات اغتيال واغتصاب ونهب.

والحقيقة أن "الشبيحة" ظاهرة سورية بامتياز، موجودة منذ تسلّم الأسد الأب السلطة إلى هذا اليوم، وإن اختلفت الأساليب فإن الإذلال والقهر والقتل بقي واحداً.

ويخطئ مَنْ يظن أن السوريين يعرفون بدقة مَنْ هم أولئك الشبيحة بالتحديد، وأكثر من ذلك، فقد دأب شاب سوري من مدينة اللاذقية على نشر حكايا لأفعال الشبيحة في مدينته.



يخطئ مَنْ يظن أن السوريين يعرفون بدقة مَنْ هم أولئك الشبيحة

زياد الصوفي يكرر مراراً وتكراراً أن ما يقوله هو الحقيقة بعينها، وإن كان من سبب لتكراره ذلك، فهو الصدمة التي شعر بها الكثير من السوريين ممن ينتمون لمدن غير اللاذقية من هول تصرفات الشبيحة منذ تشكلهم إلى اليوم.

"العربية.نت" تنشر بعض تلك الحكايا، بالتعاون مع الصوفي كشاهد عيان.

كتب الصوفي بتاريخ 5-1-2013، أي قبل أيام، حادثة تشبيحية حدثت خلال الثورة وتحديداً قبل حوالي شهرين، وقبل أن ندخل في تفاصيل تلك الحادثة سألنا الصوفي عن إمكانية أن تكون الذاكرة وحدها قادرة على تذكّر كل تلك التفاصيل، وكان ردّه كما توقعنا: "ربما دفعني الإحساس بالقهر إلى أن أدوّن كل تلك الحوادث علّني أستعملها يوماً ما.. والحمد لله، جاء هذا اليوم أخيراً، وأرغب في أن أفضحهم وأن يعرف العالم كله ممارسات عائلة الأسد"، وإن كان هو أصرّ على تحديد عائلة الأسد فإن السبب يتلخص، في رأيه وبناء على معرفته وتجربته، في أن "الشبيحة هم عائلة الأسد والمستفيدين منها، ويعد فواز الأسد- ابن أخ حافظ الأسد - هو ملك اللاذقية أو رئيس الشبيحة ومخترعها".

الحكاية كما رواها زياد: "عُمر الحكاية شهران، ومن الضروري أن أقول إنه - وكما تعرفون جميعكم - حاول النظام ومنذ بداية الثورة إظهار المسيحيين بشكل عام ومسيحيي اللاذقية بشكل خاص، على أنهم واقفين معه ضد الثورة.

وفي الأشهر الأخيرة لجأت شبيحة بيت الأسد في اللاذقية للضغط على المسيحيين عندما بدأوا ينتبهون إلى أنهم - أي المسيحيين - يقفون مع الثورة بنسبة كبيرة منهم.. وبات الخطف أهم أسلوب من أساليبهم للضغط مادياً ونفسياً على المسيحيين والأمثلة كثيرة.

ومنذ شهرين في منطقة المشروع الأول (والذي يعد من المناطق الراقية في اللاذقية)، قام أحد سكان المنطقة (ج. ج) بإنشاء محل تجاري لبيع السيديات وأفلام الـdvd.

ليصبح سليمان الأسد ابن هلال ابن أخ حافظ الأسد واحداً من زبائن المحل اليوميين، ويختلف عن الزبائن بأنه لا يدفع ثمن ما يأخذ.

ولم يحاول (ج. ج) أن يطلب ثمن ما يأخذ سليمان، ولكنه قضى على نفسه عندما تجرّأ وطلب من سليمان أن لا يدع مرافقته (الخمسة المدججين بالسلاح) يدخلون المحل لأنهم يزعجون الزبائن ويتحرشون بالفتيات".

الحادثة لم تنتهِ وإنما بدأت للتو، إذ إن ما حصل مع الشاب المسكين أصعب من أن يتخيل فكيف بمَنْ رآه؟!

"كانت ليلة خميس، والمحل مليان عالم، والحارة معباية شباب وصبايا، وليجن جنون سليمان من وقاحة (ج. ج)، وليرفع مسدسه فوراً طالباً من (ج. ج) لعق حذائه للاعتذار"، وهو ما حصل فعلاً.

ولكن سليمان لم يكتفِ، فأصدر له أمراً وهو يكاد يغشى عليه من الضحك أن ينزع ثيابه ويلعق أرض المحل بأكمله.

"منظر جورج وهوه عم يمسح المحل بلسانو وبالزلط مللو لسليمان أفندي، فقرر ينهي هالموضوع ويترك المحل".

عند خروج سليمان وصعوده لسيارته مع ضحكاته وضحكات مرافقيه المجلجلة، أدار وجهه فلمح شاباً (س) يقف كما غيره يراقب ما يحدث في ابن شارعه، فناداه "وطلب منو يمد راسو جوا شباك السيارة عاساس بدو يحاكيه شي.. باللحظة اللي مد راسو جوا السيارة، سكر الشباك على رقبتو وحشرلو راسو جوا.. ونزل من السيارة حاملاً عصى وبدأ بضرب الشاب ذو الرأس المحشور بالسيارة".

انتهت حكاية نستطيع أن ننشرها لأنها على الأقل لا تحمّلنا قضية جنائية، وإن كنا سننشر حكايا أخرى، فإننا لن نستطع أن نتحدث عن الحوادث التي انتهت بعملية قتل واغتصاب؛ خوفاً من محاكمات عادة ما يربح المال فيها، وشبيحة آل الأسد هم أكثر مَنْ يملك المال وأذكى مَنْ يخفي الأدلة.

اقتباس:قصة حقيقية عن تشبيح عائلة الاسد
http://all4syria.info/Archive/65667



القصة:
أجاني كتير أيميلات عم تسألني: كل القصص اللي عم تحكيها يا زياد من أيام حافظ الأسد، باشارة من المرسلين أنو يا ترى التشبيح وقف بأيام بشار؟؟
التشبيح ما وقف و لا بعمرو رح يوقف مادام هالعيلة النسة موجودة..
حكاية اليوم صارت من شهرين تماما كبرهان لحكيي..
لسبب من الأسباب، و ما رح أدخل بالتفسير، رح أتركلكون الكون التدوير عن الدوافع.. من بداية الثورة حاول النظ…ام يظهر أخواننا المسيحيين باللادقية على أساس أنو هنن مع النظام..
لحتى ما كون منافق، قدر ينجح بالبداية بجذب طبقة معينة من المسيحيين لصفو، الشي اللي أعطى انطباع أنو كل المسيحيين مع النظام..
و هاد انطباع غلط بالمطلق..
بالاشهر الأخيرة، لجأت هالعيلة للضغط على أخوانا المسيحيين لما اكتشفو أنو هنن بالأغلبية ضدهون..
الخطف كان و مازال أهم أسلوب من أساليب شبيحة النظام باللادقية للضغط ماديا و نفسيا على المسيحيين و الأمثلة كتيرة، بيوم تاني منحكي فيها..
حكاية اليوم صارت باللادقية، المشروع الأول من شي شهرين تماما..
المشروع الأول يعتبر من المناطق الراقية بالمدينة، و سكانو خليط من كل الطوائف..
جورج جبور ( أبو زياد )، شب من هالحارة، سحب كم متر من بيت أهلو و عملهون محل لتأجير و بيع الأفلام لحتى يقدر يعيش..
شخص محبوب من محيطو، و قدر بوقت قصير يربي زباين بهالوقت الصعب باللادقية..
سليمان الأسد ابن هلال، اتسلط على هالمحل.. و صار كل يوم يجي ياخود الأفلام و سيديات الموسيقا بدون ما يدفع حقها..
أبو زياد، قال يقلبو معلشي خليه يجي و ياخود هالافلام ببلاش بس يكف بلاه عني و عن هالمحل…
بس سليمان ما اكتفى بهالموضوع …
كل ما دخل عالمحل مع خمسة مسلحين من مرافقتو، يتغالظ عكل الموجودين، و يتزعرن عالبنات الموجودين جوا..
شهر كامل على هالحالة..
جورج بيقرر يحكي مع سليمان بهالموضوع، قلو بكل أدب: يا استاذ سليمان يا ريت لما بتجي لعندي، ما يدخلو الشباب مرافقتك عالمحل، عم يطفشولي الزباين..
كانت ليلة خميس، و المحل مليان عالم، و الحارة معباية شباب و صبايا و أشبال الأسد اللي ما بيعرفو يعملو شي إلا يزاورو الرايح و الجاية..
بيجن جنونو لسليمان أنو كيف أبو جريج بيطلب منو هالطلب..
بنص المحل و قدام كل العالم،بيسحب مسدسو و بيقرطو كف لأبو زياد بيعلو عل.. و بيجبرو ينزل يلحس رجلو..
هالمسكين ما قدر يعمل شي إلا ينبطح عالأرض و بلش يلحسلو بوطو العسكري لابن الأسد..
ضحكة سليمان غطت عكلشي، و ما اكتفى هون قلو: شلاح ولك حيوان بالزلط و لحاس المحل كلو بلسانك..
منظر جورج و هوة عم يمسح المحل بلسانو و هوة بالزلط مللو لسليمان أفندي، فقرر ينهي هالموضوع و يترك المحل..
طلع بسيارتو و ضحكات مرافقتو مغطاية وجوهون القبيحة..
من حيونتو هالولد سليمان ما اكتفى بكلشي عملو جوا المحل، لما طلع بالسيارة نادالو لشب من بيت الساعي كان عم يتفرج على هالذل اللي لحق بجارو جورج، و طلب منو يمد راسو جوا شباك السيارة عاساس بدو يحاكيه شي..
باللحظة اللي مد راسو الساعي جوا السيارة، سكر الشباك على رقبتو و حشرلو راسو جوا..
بينزل من السيارة لحتى يكفي درس الأخلاق العالية اللي بديها مع جورج..
بيشيل عصاية من تحت المقعد و بيصير بيضربو عطيزو و على ضهرو لابن الساعي قدام كل البشر الموجودين و قدام جورج اللي كان بعدو عم يلبس تيابو…

الحكمة:
اللي بيعتقد أنو البلد نضفت من هالقرف..
سليمان ابن هلال، خير خلف لخير سلف..