مشكلة الليكر أنو ثقيل الدم كتير .... مرة اشتريت ليكر ووقتها ما كنت اعرف أنو هاد اسمو ليكر وكان بوقتها بطعم التوت أو يمكن العنب وطبعا هو من النوع التجاري الرخيص ووقتها كانت قعدة بالمسبح أنا واثنين اصدقائي وهنن كان عم يتعاطو فودكا هندية تجارية ايضا .... المهم أنا من أول كاسة بلش الفار يلعب بمخي وبالتانية كنت خالص آخر رواق والدنيا كلها ما بشتريها بفرنكين .... أما اصدقائي فقضوها تقيء من الفودكا السيئة يلي تعاطوها وقت أنا كنت اخدلي غفوة وعلى الدنيا السلام .
حلاوة المشروب أن بخلي تصير معك شغلات بعمرها ما ممكن تصير معك وأنت صاحي الله يخليلنا ياه .... طبعا المشروب لازم بالعادة يكون في معو أركيلة أو مزة على قولة اخوتنا المصريين والمزة المقصود بها البنت .... أما الأركيلة فهي صاحبتي الصادقة الصدوق مع كل مرة اشرب بها المشروب مع أنني لم اقرب الاركيلة منذ سبعة شهور أما المزة فهي كانت مرة وحيدة من دون عمل فاحشة طبعا كي لا يذهب فكركم لبعيد ههههه... فلقد كانت جلسة في الكباريه دخلنا فيها إلى عالم الفاسقين وجربنا تلك الأجواء وتفرجنا على اشياء غريبة عجيبة تحدث في هذه الكباريهات في بلدي .