يا زلمة دخيل ربك اترككك من هالنبرة! يعني الكل هون دراويش وعلى البركة وانت الوحيد اللي فاهم؟
روح على تركيا يومين وشوف السوريين معبيين الشوارع.. كل عاصمة بأوروبا فيها مظاهرة أو وقفة احتجاجية على الأقل مرة بالاسبوع.. أخبار المنضمين من أوروبا لداعش معبيي الجرايد.. كل يوم عندك كذا لاجئ بوصلوا أوروبا وما عارفين شو بدهم يعملوا فيهم.. المؤسسات اللي بناها الاحتلال الأمريكي في العراق وكلفت كوم مصاري راحت هباءاً منثورا (أكراد العراق أكبر مثال).. كل واحد بدخل مسجد بأوروبا صار قنبلة موقوتة، وهو ما يتطلب مراقبة "وتفتيح عيون".. كل هذا وأكثر هو العبئ المباشر الذي ينال الغرب من "ميمعة" الثورة السورية والعراقية وزادتهم داعش من الشعر بيتاً فبدأت تهدد بعمليات بعقر دارهم، آخرها كان الدواعش الأستراليين من الأسبوع الماضي.

هناك دوافع اقتصادية وهناك دوافع أمنية وهناك دوافع اجتماعية وهناك دوافع انسانية، يعني باختصار الطاسة ضايعة وكل نظرية "بتمشي حالها" على الوضع الحالي.
وعلى فكرة، أسعار النفط والكهرباء والغاز في أوروبا انخفضت في الشهر الأخير، وهي ربما من بركات "الثورة" الأوكرانية وما تبعها من "رشوة" روسية للاتحاد الأوروبي ليصمتوا إلى حين يذوب الثلج.