اقتباس: ATmaCA كتب/كتبت
[quote] المفتش كولومبو كتب/كتبت
زى ما انت عايز طالما حضرتك تمتلك من العلم ما يسمح بإختراق الشاشات و العقول أيضا :rolleyes:
يابنى هنا ساحة فكر حر مش ساحة حاسب

العزيز كلومبو لاحظت فى كلامك بعض "الزعل" . فعذراً ياعزيزى لو كنت سببت لك اى زعل ولك العذر حتى ترضى .

بخصوص نظام التشغيل وندوز . . فيبدو ان حضرتك تجيد اللغة الانجليزية .. يمكنك ياعزيزى ان تسال اى خبير برمجة فى اى منتدى انجليزى ( امريكى او نجليزى ) واسال عن نظام التشغيل ويندوز وقول له ان عندى ويندوز وعاوز احميه من الولوج اليه 100 % وانظر الى رد فعله .. وقد لايرد عليك اصلاً نظراً لسخافة السؤال .. فهذا شىء معروف ان الويندوز ضعيف جداً .

بخصوص قولك " هنا ساحة فكر حر مش ساحة حاسب " فكان هناك سؤال للزميل فادى يسال فيه عن امكانية تعقب كاتب المواضيع فى المنتديات وحديثى كان فى اساس الموضوع . وانا اعرف ان هنا ساحة فكر مش ساحة حاسب ( يعنى مش جديدة ) . ولكن الزميل طرح سؤال وانا اُجيب عليه .

مع اطيب التحيات

يابنى انا مش زعلان و لاحاجة.. بس الحكاية و مافيها انا مش بحب الشخصية التى تتفاخر على العالم بأن معها مفاتيح المعرفة انها أوتيت من العلم ما لم يعرفه غيرها. لازم شوية تواضع لأنه هناك بالتأكيد من يعرف أكثر منك و منى.

لما انت بتكتب فى مجرد منتدى بهذه الطريقة و تنتقد غيرك "بدون حتى تفكير فى وجهة نظر الغير" بهذه الطريقة فكيف تتصرف فى العالم الحقيقى مع زملائك الذين يختلفون معك فى وجهة النظر؟ ولا برده هم أغبياء و مش بيفهموا و بهايم!!! شوية التواضع جيد جدا و يخلى عملائك يحترمونك لانه صدقنى بعد سنوات كثيرة من العمل أؤكد لك انه لا يوجد عميل يحترم من يهاجم زملائة و يتهمهم بالغباء او انهم مش بيفهموا.

بالنسبة للويندوز..انا معك ان الويندوز نقاط ضعيف فيه اكثر من غيره (لآن ميكروسوف اهتمت جدا بتطوير أساليب الإدارة اكثر من التأمين و أظنك لا تنكر أن الوندوز من اسهل نظم التشغيل من حيث الإدارة و سهولة الإستخدام من المستخدم) لكنه ليس بالضعف الذى تشير إليه.

خلى بالك ان كل نظم التشغيل تعتمد بشكل او بآخر على العامل البشرى فى التشغيل. يعنى ممكن أروح أشترى Linux Enterprise و ادفع فلوس اد كده و فى الآخر ارتكب خطأ بسيط (زى مثلا كلمة السر لا تكون معدة بدرجة كافية) و إذ بالنظام كله ينضرب. العامل البشرى اهم شئ فى دنيا تأمين البيانات و أستطيع ان أؤكد لك ان خلف كل عملية هاك ترتكب خطأ بشرى من الضحية صاحب الجهاز. يعنى هناك إحتياطات لازم تتخذ و كما قلت انت لا يوجد نظام حماية 100% فكل ما نعمل من اجله هو تقليل الفرصة إلى 99.999% مثلا

و شكرا

(f)