ما استطعت ان افهمه هو ان ابونا أبراهيم يريدنا ان نكون ناس متأنسنين (من جنس الانسان يعني) ومتحضرين ولا نمانع علي ان يظهر الملك او الرئيس في التليفزيون او يتجول مع الملكه وهي بالبكيني علي شواطئ اوروبا, ويري اننا لو فعلنا عكس هذا نكون أجلاف متخلفين .... وده اللي فهمته من كلامك وارجو التصحيح لو فهمت غلط .

وطبعا انا معاه في كل كلمه هو بيقولها , اي شخص يصادر حريه الملك في انه يركب يخت مع حرمه لابسه بكيني يبقي مجنون .......

بس الصراحه مش هي دي القضيه اللي احنا محروقين بسببها يا أبونا .. وجعلتك تدخل شمال ومتضايق من الشعوب الاجلاف اصحاب الفكر والعادات والتقاليد الخاطئه .

طلعت منك المره دي أوت .

احنا مش اصحاب عادات وتقاليد ولا بتنجان , ومعظمنا هنا من رواد المنتدي ملاحده و علمانيين وبائعي القضيه وانت تعلم جيدا انك لا تتحدث مع مومياوات من جيل جدي وجدتك و واثق تماما اني لا امانع ان يظهر رئيسي في هذا الثوب انشالله يولع في نفس امه , لانه هو شخصيا مش هيفرق معايا كثير.

اللي انا متضايق منه هو ليه بينبسط بالشكل ده وبيتنغنغ اوي ؟
يعني ليه عايش بالطول والعرض ؟
علي حساب مين العز ده كله ؟
من الاخر ... عمل هو ايه تحديدا ليحصل علي مالديه ؟

اكيد في طرق تانيه للكسب في هذا الكون واحنا الشعوب الغلابه المهمشه الاجلاف مش عارفينها ؟

واكيد الملك عبد الله وغيره من الحضاريين الاوروبيين عارفينها وبالتالي استخدموها و منسجمين في الانبساط , ياريت يا اخ ابراهيم بما انك صاحب خبره طويله وتحولت من جلف الي متحضر ان تحكي لنا الطريق السريع (الشورت كت) يعني اللي يتخذه الاجلاف البسطاء للحياه في سعاده وأنبساط وفي الوقت ذاته يتمكنون من السمو بأنفسهم و يحققوا المعادله الصعبه ويتحولوا في النهايه الي بني ادمين ليسوا أجلاف .

تحياتي من صديق يبحث بصدق عن حل "مشكله الاجلاف" .