وحشتيني

الكلمات:

عيونك شايفها
وحاسس إن انا عارفها
سيبيني براحتي أوصفها
مكسوفة ليه؟
كأنك معايا
بقالك عمر ويايا
بنفس الصورة جوايا
من قد إيه؟
سنين شايفك في أحلامي
بنادي عليكي ضميني
ليالي كنت مش عايش
ومستنيكي تحييني
وحشتيني ... وحشتيني
سنين بعدك على عيني
ليالي كنت مش عايش
ومستنيكي تحييني.

يا أجمل هدية
بعتهالي القدر ليّا
يا قمري ف عز لياليا
أوصفلك إيه؟
والله والدنيا
بقت ف عينيا حاجة تانية
هواكي قابلته وف ثانية
جريت عليه
سنين شايفك في أحلامي
بنادي عليكي ضميني
ليالي كنت مش عايش
ومستنيكي تحييني
وحشتيني ... وحشتيني
سنين بعدك على عيني
ليالي كنت مش عايش
ومستنيكي تحييني.

بحبك هـ أقولها
يا ريت ... ، أجمل ما كان منها
تعالي ف حضني ونقولها
إحنا التنين
وحشتيني ... وحشتيني
سنين بعدك على عيني
ليالي كنت مش عايش
ومستنيكي تحييني.
النص: موضوع قديم، تضمن تعبيراً جديداً: ( وحاسس إن انا عارفها سيبيني براحتي أوصفها ). كما تضمن عبارة ركيكة جداً: ( بعتهالي القدر ليّا ) فطالما أنه "بعتها لي" فما ضرورة كلمة: "ليّا" ؟
الكلمات: 50%

اللحن: أيضاً جملة لحنية جديدة، رومانسية جميلة، إنسيابية متصاعدة تواتراً من بدايتها الهادئة وحتى الذروة في "وحشتيني" وهو أسلوب جميل وصعب في التلحين. تتخامد عند "تحييني". اللحن جمل لا تعتمد التكرار كثيراً، ذات طابع عاطفي رومانسي إلا أنه يحتمل التطريب الخفيف.

اللحن: 80%

الأداء: كالسابق. إلا أن عمر لم يكثر من الترجيف ملتزماً باللحن. وكعادته، إحساس مرهف بالكلمة والمعنى واللحن، مع تقصير في الإخراج الكامل لهذا الإحساس. أعمل إيه؟ هذه هي مقدرته.
الأداء: 50%

التوزيع: رائع.
هارموني متقن معتاد في مثل هذه الألحان غربية الطابع. وكالعادة البطولة للغيتار، وهو كهربائي هذه المرة، تساعده الوتريات وبيدالات السنتيثايزر قبل الذروة اللحنية.

التوزيع 100%

التنفيذ: 100%

التقييم النهائي:

أغنية جميلة بالفعل، تستحق السماع والاستمتاع.