الكوكب زيزي البدراوي , تعيش حالة سيئة بسبب فشل دورها في فيلم البنات والصيف,

من امام عبدالحليم حيث وقفت , الي شقتها حيث تجلس منتظرة سيناريو يأتي اليها مع امل جديد يعود بها الى الركب الاول من النجوم

حاولنا الاتصال بها اكثر من مرة , لكنها لا ترد ولا تجيب ....

بعض المقربين منها والمتخوفين على مصيرها , اعتبروا "كوكب رمسيس" ضحية حسابات في شركة نجيب رمسيس , حيث كان الدور قد طرح في البدء على الكوكب لبني عبدالعزيز , لكن زوجها ومدير اعمالها رفضوا ...وأعتبروا ان ذلك يعد رهان خاسر لمصلحة لبني . فكانت التضحية بمقدم زيزي للوقوف امام حليم , بما ان رمسيس هو المحتكر الاول للكوكب زيزي البدراوي حاليا

وعندما بدأ العرض نجحا الجميع واثبتت سعاد حسني موهبتها , واثبت حليم انه حلم من احلام الربيع , لكن سقطت زيزي ..التى جعلتها القصة ترفض حب حليم رغم انها البطلة الاولى للفيلم

ثم بدأت مارشات الحرب من قبل الفتيات وخرجت طالبات الجامعة من كل حدب وصوب ..وهن في ضيق من الكوكب زيزي (مين دي الى متحبش حليم ....)

لابنتي الشابة زيزي اقول لك بنصيحة أب قبل ان يكون ناقد , دورك رائع واعجب غالبية النقاد, لكن هناك هوة بيننا وبين المتفرج , والمصلحة والجماهرية يثبتها ويصونها المتفرج

دققي وبتأني في اختيار أدوارك المقبلة ....والصبر مفتاح الفرج
سيد عبداللطيف – الكواكب 1960
===================================



دائما هي مثيرة للجدل ..تعرف اين تختفي ومتى تظهر ..وتعرف دائما كيف تثبت انها فنانة بمعنى الكلمة .تعرف كيف تثبت نفسها من خلال فنها المتأهج امام نجوم القاهرة الجدد منهم وجيل الوسط التي تمثل احدى ركائزة

تكلمت الصحف بالفترة الاخيرة الفنية منها والسياسية عن حادث الطلاق الذي كانت ستقع به مع زوجها , ولكنها اختفت عن الانظار وفجاة ظهرت ببيروت

كان لنا ذلك اللقاء الفريد معها .

الموعد- اين كانت زهرة البنفسج
زبيدة- كنت في لندن بعمل تيست كاميرا مع مخرج امريكي
الموعد-هل ستترك زبيدة الشرق للغرب
زبيدة- لسة معرفش
الموعد-حاسين انك مضايقة بسبب ما تناقلته الصحف عن خلافاتك الزوجية واشاعة طلاقك التي روج البعض لها؟
زبيدة- حياتي الشخصية هي ملكي انا لوحدي , مش ملك حد تاني , لكن لما افتح الجرايد والمجلات وملهمش شغلانة غيري, ساعتها قوليلي اعمل ايه
الموعد-عايزين نعرف الموضوع
زبيدة- ابدا مكنش في حاجة لدة كله , انا كنت هنا من شهر ببيروت ورحت مطعم بالجبل مع صحابي , وفجاة لقيت شاب جه يتقرب مني , وكان ذوق وشيك وبدات بنا فترة حب قصيرة , ودعاني على العشاء كذا مرة وكان دايما يجيب صحفيين من غير معرف , ويصورني ...وفجاة لقيت كل الصحف نشرت الصور
الموعد- وهو عمل ده كله ليه ؟
زبيدة- شكله عايز شهرة
الموعد – ندمانة
زبيدة- طبعا , ده لعب على المشاعر
الموعد- هل سيتم طلاق بينك وبين زوجك؟
زبيدة- زوجي رجل متفتح مش رجعي خالص,
الموعد- لكن سمعنا انك عايزة تعملي مكتب محاماة بالقاهرة
زبيدة- لسة بفكر........
الموعد- ده هروب من السينما
زبيدة- لا من الثمن الي بدفعه بحياتي بسبب نجومية السينما
الموعد-بعض النجوم الجدد لا يسعهم سوى التهكم على جيل الوسط الذي تعتبرى احد اركانه
زبيدة – فين العقل ... الفن وصال وتواصل اجيال , جيلي انا و سعاد حسني ونادية لطفى ومريم وناهد شريف وزهرة العلا وكتير كنا بنشوف ماجدة وفاتن وبرلنتي وليلي مراد و هدى وغيرهم .... حاجة كبيرة وثروة , وعمرنا ما تطاولنا عليهم ...بل بالعكس
كنا نقول احنا فين وهما فين , لكن حاليا معرفش في ايه
الموعد- نبيلة عبيد , صرحت ان أسوا فيلم شافته طول عمرها هو فيلم " الرجل الآخر" !!
زبيدة-مين نبيلة دي , وهي عملت ايه , غير الظهور كفتاة غلاف من غير ملابس على شوية مجلات , فين افلامها؟؟؟
الموعد- لكن هي حاليا نجمة جماهيرية
زبيدة- لانها بتمثل مع ناس كويسين اوي
الموعد- سمعنا ان كان في خلاف بينك وبين ماجدة الخطيب , بسبب صورة اعتبرتي ماجدة سرقتها , وقلتي ان ماجدة حرامية
زبيدة-اولا انا اتصورت كنجمة غلاف لمجلة مصرية و بعدها بكام اسبوع ظهرت ماجدة في نفس اللوكيشن الي كنت فيه وبنفس لون المايوة... بس لمجلة لبنانية , دي مش سرقة ؟
الموعد- يمكن الي اخد المنظر هو نفسه الي صورك
زبيدة- ابدا انا الى اخدلى الصورة رينيه وهي مدام نعمات
الموعد- مرفيت امين رفضت التعليق على رايها فيك , وقالت انا مش عايزة ازعل حد
زبيدة- ما شاء الله على تمثيلها هي بجد حاجة تفرح !!!!!!!!!
الموعد- سمعنا انك تصالحت مع النجمة الشابة نجلاء فتحي ؟
زبيدة- من قال كدا ؟
الموعد-هي ........
زبيدة- يمكن مش لاقية اخبار عنها , فقالت يلا اهو خبر والسلام
الموعد – طب ليه رفضتي الظهور بحفلة "العجمي" الي كانت معموله ليها؟ وسبتي المكان
زبيدة –اولا انا رحت الدعوة على انها دعوة عامة , لكن فؤجئت انها مخصصة لنجلا , وتكريم ..على ايه معرفش , هي عملت ايه!
الموعد- هترجعي مصر امتى؟؟
زبيدة- احتمال بعد يومين

الموعد 1973