اقتباس:ذكرتنى بالذى مضى يا هيما , كان أبوى دائما يقول هذا المثال .. لأن الشوارع هى اللى ربته .

بالضبط. والدي كان يقول نفس الشيء. وبمناسبة تربية الشوارع كان عندنا أستاذ في الجامعة يدرسنا لاتيني من الإسكندرية بلدياتك. كان يحلف بأنه أخذ الدكتوراة وعمل الرسالة وهو قاعد يلعب طاولة ع القهوة مع أصحابه. والنقطة هنا أن عبقريته مثلا مش شيء ليه يد فيها ولكنها حاجة اتولد بيها زيها زي موهبة الشعر زي موهبة الكتابة إلخ. إما هي موهبة أو هجص بطيخ. كل واحد ياخد نصيبه. الدكتور ده كنت معجب بيه أكتر من أي إنسان في الجامعة عندنا. لقيته مرة بيتكلم معنا وفجأة بص لبنت بتسأله في المدرج وتذكر حالة البطالة وانفجر. قال لها: ده شعب ابن كلب! عجبني جدا. كان مثلي الأعلى. اسمه الدكتور إبراهيم السايح. كنت سافرت للأظاريطة وحرصت على مقابلته لأني كان عندي طموح أحضر الدكتوراة في اللاتيني وهو قال لي مش جايبة تعبها.

اقتباس:لا تعرف ياأبراهيم , كيف أحسد نفسى على صداقتك أنت , وكل أعضاء نادى الفكر .. حقيقى دخولى هنا , هو الشئ اللى متأكد أنه صح عملته فى حياتى .  

فاكر لما قلتلك , أنك الوحيد اللى بيسعدنى أجده أون لاين على الماسنجر - وأتحدث معاه , وأجد أن للحديث صداى مش مجرد تتضيع وقت .

وأنا أحبك وأحترمك جدا يا بهاء زي أخويا من لحمي ودمي بالضبط. إنت أنسان معدنك نضيف وقلبك طاهر وعايز تساعد الناس خدوم يعني؛ وأنا ألاحظ الحاجات دي وده أكتر ما يهمني في أي بني آدم على وجه الأرض.

اقتباس:بالمناسبة موضوع ( صورة جديدة مسيئة ) مدخلات ممتازة , أنت وبهجت وفانجيلس .  

حقيقى قريت الموضوع كله , وتركت فيلم جميل لرائعة ( ميج رين ) من أجل قرائته .  

ربنا يزيدكم , بجد موضوع هائل .

ألف شكر على تشجعيك يا بهاء. أنا مبسوط أن فيه حوار متكافيء وفيه مساحة من التقارب بيني وبينهم وفيه تفاعل في الكلام interaction ما كنتش أحلم بيه قبل كدة. أشكرك جدا على تشجيعك وأتمنى أنك تتبسط بالفيلم وتروق وطز في الدنيا واللي جابوا الدنيا. مساءك فل يا أمير.