اقتباس:  وضاح رؤى   كتب/كتبت  
 

اقتباس:الأسطورة هي القالب والجوهر بداخل القالب. الأسطورة هي الطبق وما تريد أن تقوله هو الأرز في داخل الطبق. المقدس والدنيوي يتشابكان ويتداخلان فما هو دنيوي هو مقدس والعكس

أهلا يإبراهيم ، دخلنا بقى في دواير رودلف بلتمان وبول تلتش اللي ملهاش معنى اصلاً ، والارز والساكي و مفيش مانع من السوشي .:D

نهارك جميل ياجميل
:97:

ولا بولتمان ولا حاجة (f) الموضوع بسيط جداً. (f)

مش كل واحد يستخدم طريقة معينة في التعبير؟ كل واحد ليه فورما معينة؟ في زمانهم كانت الأسطورة هي الفورما دي. الأسطورة ما هياش الخرافة. الخرافة fable تعتمد على الشعوذة وتسمية الوهم حقيقة.. إن جاز التعبير. الأسطورة myth حاجة تانية. بولتمان ما عجبوش الإنجيل وقال احنا عايزين المسيح مشفي مصفي من غير أساطير وياللو بينا يا جماعة نعمل له شوية demythologization. كل ما في الأمر أنه رفض ما يخرج عن حدود الطبيعة. لكن يا وضاح فيه أشياء ستبقى خارجة عن حدود الطبيعة ولا تفسير لها في الزمن الحاضر والعلم كل ما يقدر أن يقوم به هو مجرد قراءة وتحليل الظاهرة في ضوء معطياته التجريبية. العلم لا يعطي شيء جديد ولكن يعطينا مجرد "طريقة" و"منهج" للقراءة" فقط. غير كدة العلم ليس على كل شيء قدير ولا يملك الإجابة على كل شيء. خذ عندك أسطورة الخلق سواء في سفر التكوين أو عند البابليين. الأسطورة هنا مجرد فورما للتعبير عشان تقول لنا إن كل الناس دي كان عندهم تصور معين لـ إزاي ربنا خلق الكون.. لكن الجميل أنهم من شرقهم لمغاربهم اتفقوا على أن ربنا هو اللي خلق الكون وكل واحد قدم طريقة معينة.. الطريقة دي أو القالب ده يا وضاح بنسميه الأسطورة.. قالب أدبي/تاريخي/ فني تعبيري.

وعلى فكرة أنا من المعجبين بـ تليش وخاصة كتابه "الشجاعة أن نكون" Courage To Be.

نهارك فل يا جميل.(f)