يا وضاح:

هي بنفسها قالت في الاقتباس اللي فوق وبعبارات واضحة "لست مسيحية". دي واضحة جدا. كونها بدأت الجملة فزي ما قلت لك دي ترجمة ركيكة وتحصل مع المهاجرين ساعات أن الواحد يقول عبارة معينة ويترجمها فتطلع بشكل ركيك. هي قالت لا أدافع عن رأيي كمسيحية.. زي ما أنت تقول مثلا: لا أدافع عن رأيي في البوذية كبوذي وإنما....إلخ. طريقة تعبير إنكليزي معروفة جدا.

من جهة كلامي لك أنها من أصل مسلم فهي قطعاً مسلمة ولا مصلحة لي حتى أكذب عليك. هي مسلمة من الطائفة العلوية والآن هي لادينية. لا دينية والسلام. الناس يا وضاح ساعات يكون عندها كم غضب كبير وعايزة تفش خلقها أو تفش غلها في أي واحد يقابلها وفي حالتها هي فشت غلها في الإسلام. حالة غضب وكبت نفسي وانفجرت في الإسلام. مش غريبة. شفت أنا ناس كتير بالطريقة دي. وأميركان للأسف كمان.. بس لما يكون أميركي وكل همه الكلام في الإسلام بسبب وبدون سبب باكون عارف أنهم من النوع اللي يستحمر لأنه عايز يفش غله ويهاجم وكأنه زي ما بيقولوا في علم النفس misdirected anger أو حالة من حالات التعويض السيكولوجي.

إيه الإبداع اللي عملته يا وضاح؟ واحدة ست تطلع تشلق وتردح للمسلمين؟ هو ده الإبداع؟ وتقول فولتير؟ قلت لك فولتير في قعدة عصاري عمل له موسوعة.. الناس دي ما كانتش بتلعب.