لمن عاش طفولته/ها خلال سنوات التسعينيات والثمانينيات في الأردن (وربما في بلدان أخرى أيضا) فسوف يتذكّر التالي:

* كنت تحضر المناهل ولا تُضيّع حلقة، وأكيد تعرف معنى "أقوى من الشدّة، أهدأ من السكون"

* تذكر أغاني جونجر، غراندايزر، الرجل الحديدي، ليدي ليدي، سالي، عدنان ولينا والهدّاف :D

* كنت تحضر:
كابتن ماجد، ساندي بل (حتى لو كنت ولد :devil: )، جودي أبوت، بيل وسيباستيان، الحوت الأبيض، ليدي أوسكار (بس بلاش ليدي أبو الشباب :23: )، لبيبة (التي لم يعرف أحد إلى الآن فيما لو كان هناك شعر على يديها أم أن شعرها هو يديها :10: )، سنبل، طمطم، جزيرة الكنز، ميمونة، الرحالة الصغير، فلونة، سندباد، توم سوير، الرغيف العجيب :D

* حضرت "إفتح يا سمسم" وانصدمت لاحقا عندما كبرت بأنه النسخة المُعرّبة من Sesame Street

* بتعرف النكهتين المعروفتين لشكولاتة moody (أصفر وزهري :D )

* إشتريت التالي من "الدّكانة":
شراب دمعة، شراب زاكي، توتو (اللي هو تويتي :D )، راس العبد، علكة مخدّات، روكو، شوكولاتة "تايجر"، شيبس رينجو، أسكيمو، شوكولاتة عمّار، علكة منطاد، حلواني شيبس، بسكوت ماري، كتاكيت، مستر شيبس (تذكّر أنها تلفظ بالB مش P :23: )، بوظة بترا (الغالية وبطبقتين، وفي آخر البسكوتة في شوكولاتة :uvu: ) :baby:

* إذا سمعت لحن الزلمة اللي ببيع شعر البنات راح تتذكّره فورا :lol2: (الله يسعدلي ياه هو والصفّيرة اللي كانت تقلب الحارة كل صباح :lol: )

* كنت تلعب "غُمّاية" أو "طُمّاية" أم مهما كنت تسمّيها، وكُل مرة كنت تروح لما تقدر تهرب ترجع على النقطة المُتّفق عليها وتصيح "كُمّستيييير" :lol: وللآن ما بتعرف شو معنى هالكلمة :10:

* بتعرف "الحزام الأزرق" ولا زلت تحتفظ على الأقل بخمس أشرطة فيديو قديمة (VHS أو Betamax) منها أشرطة لمباريات مصارعة WWF

* إذا كنت صبي فأنت كنت غرقان بحب "عروب صبح" اللي كانت تقدّم برنامج "وقت المرح" :yes: وإذا كنتي فتاة فأنت دائما كنتِ غرقانة بحب حارس المرمى اللي لابس طاقيّة في مسلسل الهدّاف :10:

* كنت تغني Happy Nation و All that she wants وكنت مفكّر حالك آخر فيعان :cool2:

* كان عندك جوز بواط كبار ماركة ريبوك، ولازم يكون فيهم "نُفّيخة" :lol2:

* عطا علي وجبري كانوا أفيع مطعمين في البلد

* كنت تاكل "حلقات البصل" في مطهم "Funny Bunny"

* كان عندك كيبورد "صخر AX170" وشغال لعب عليها ليل ونهار، كانت كلمة "مسافة" مكتوبة بجانب space :D

* كان عندك "أتاري" وللآن في joy steck مركونة عندك في البيت في مكان ما :23:

* أكيد بتعرف "أبو يوسف" وحافظ على الأقل أغنية واحدة عنه

* بتعرف أنه عطا علي عنده 46 نكهة بوظة، يعني غلب باسكن روبنز :lol:

* كنت تموت عشان تحضر أعراس في جبري، أو تاكل كنافة من جبري، أو حتى تاكل طبيخ من جبري :yes:

* حافظ الموسيقى اللي بتطلع في فقرة "فارس الحلقة" ببرنامج يسعد صباحك كل يوم جمعة على التلفزيون الأردني :23:

* تذكر مكتبات الأردن كلها لما تقلب الدنيا في موسم "العودة إلى المدارس"

* تتذكر لما كانت العيلة كلها تفتح ورشة في البيت عشان تجليد كتب المدرسة بتجليد شفّاف؟؟ :lol: :lol:

* كنت تستغرق ساعات عشان تختار الطوابع المناسبة لكل كتاب

* ما كنت ترضى تاخد الكتب على المدرسة قبل ما يتجلّدوا، وكان بعضهم في فراغات هواء، وأكيد متذكّر شو كنت تعمل فيها :D

* بحياتك ما كنت تسمي القناة التلفزيونة الوحيدة في الأردن "الأردنية" بل كنت تسميها "قناة عمان"، وكنت تحضر الأفلام الأجنبية على "عمّان الثانية"

* "يحيا الذكاااااااااااااء" :23:

* بتعرف 3 نحلات: زينة، نحّول، وسوار العسل :uvu:

* "أه يا سييييييييييييييييييييدي، رومو يللا هات" :lol:

* بِستك بِستك بِستك ناااااااااو، شوكولاته جيرسي ماكله الجااااااااااااو" :D

* كانت تيجيك كوابيس عن أبو شاكوش

* كنت تلبس "بوط أميجو اللي بضوي وبطفي" وتمشي في الشارع كأنك ملك

* شفت قرد في حديقة الطيور، ويمكن عضّك كمان :lol:

* بتعرف موسيقى "The final countdown" على إنها موسيقى دعاية دهانات ناشونال :23:

* إستهلكت ساندويشات زيت وزعتر أثناء طفولتك ما يكفي لإطعام خمسين عائلة لمدة عشر سنوات :lol:

* ديزني لاند بالنسبة إلك كانت مُجمّع بنك الإسكان :10:

* ثاني مرتبة لديزني لاند بالنسبة إلك كان "لونا بارك" في جبل الحسين

* ثالث ديزني لاند كانت "مُجمّع دعسان الترفيهي" في الجاردنز :lol2:

* كنت تهرب من حصصك في المدرسة عشان تشتري سندويشات فلافل من عند المطعم اللي جنب مدرستك (أبو الهوى :uvu: )

* كان عندك (ويمكن بعدك بتحتفظ فيهم) أشرطة "خرابيش" 13، 14، 15، 16

* كنت تحضر القرآن كل يوم الصبح، مش لأنك طفل ورع بس لأنه أفلام كرتون بتبلش مُباشرة بعده :lol: :lol: :lol:

* كنت تحضر "سميد" قبل المدرسة ودايما تسأل حالك "يا ترى شو طعم عجل السيارة؟" :lol2:

:asmurf:

يا لهوييييييييييييييييي على الأيام :baby:

:redrose: