طب ما ينكر؟ ها تعمل له إيه؟ هاتروح تجيب له البرهان الساطع وتطلع له موسى من الـ تـُربة؟ لا أنا شفت موسى ولا أنت شفته كمان ولكني مؤمن بموسى لأنه حوالين منه سحابة من الشهود مقدارها هذا والسحابة دي تشهد له بأكتر من طريقة في أكتر من مناسبة ولما الرب يقول: على كرسي موسى جلس الكتبة والفريسيين وغيره وغيره. هل أنا وأنت مؤمنين بموسى لأن واحد جاب لنا البيان التاريخي؟ وأنت فكرك لو موسى نفسه عايش كانوا هايصدقوه؟ إذا قالوا على المسيح شخصيا إنه مختل فما بالك بموسى وغيره؟ والمسيح قال إيه لما الناس تماحكت في موضوع الدليل والبرهان على الإيمان؟ عايزين واحد يطلع من الأموات ويقول لهم إن فيه وفيه إلخ ورد المسيح ببساطة وبابتسامة لطيفة: عندهم موسى والأنبياء. طب واللي مش مصدق في موسى؟ براحته. ذنبه على جنبه. ما عندناش أكتر من كدة. مافيش غير موسى والأنبياء. اللي مش عايز مش عايز. موسى والأنبياء هم في حد ذاتهم برهان كافي لمن يريد الهداية ويصل للنور إلى حد هذا القدر.. طبعاً ده كله قبل استعلان ابن الله. نهارك سعيد.