اولا اسجل احترامي الشديد للاخ بهجت اللي بيشاهد برنامج العاشره مساءً ، من جهتي بتابع اي برنامج يظهر جديد عشان اشوف ايه اللي ممكن نستفيده سلبا او ايجابا من جو العبقريه الذي نعيشه في مصر
تابعت العاشره مساء اكثر من مره افضل ما رايته فيه المذيعه الحلوه خاصة لما تغمض عنيها بتكون اموره مثل الطفل ، وهيه مفتحه برضوه زي الطفل بتحاول يا ولداها تتكلم العربيه وهي لا تحسن تهجئة كلمات كثيرة ، بتحاول ان تكون مثقفه لكن هتعمل ايه المعدين الـ 12 مش مدينها فرصه ، برأيي شرف المحاوله ممتازه مع الشكل الجميل مع الشياكه بيخلوها مذيعه فوق الرائعه
معلش يا بهجت هستطرد شويه
امبارح يعني امبارح شاهدت برنامج اسمه ضد التيار برضوه المذيعه حلوه ومصريه زي حالاتي لكن على جهلها توزن بتاعة العاشره مساء 10 ارطال علم كانت بتحاور د.زياد نجيم والراجل جننها ، كان نفسي تقرا شويه لو بتقرا شويه كانت عرفت تحاور نجيم كتير وتمسك الكلام اللي تناقض فيه ........ ما علينا ... جدبٌ أنَّى توجهت وخراب وبلتع ويباب وكل شيء ...
.....................
ما عرفته عن قرب من الشيخ الغزالي ومن المحطيين بيه انه لم يكن من شيوخ الدولارات خالص وكان حقاني ولانه حقاني السادات ### طرده من البلد - اول شخص قرات له كتبه وسمعته بعد ان تخرجت في الجامعه وتعلمت القراءه كان محمد الغزالي ولان الوسط اللي بنعيشه سلفي كان طوق النجاه لي وسبحان الله ان يكون الطوق اللي بعده عبد الرحمن بدوي تغيرت معي الحياة تماما 100 درجه ........ ما علينا عشان مطولش عليك ........... الغزالي فعلا سمعتها منه من خلال شريط صوتي انه قال بردة فرج فودة ولا احترم الان هذا الرأي اطلاقا ايضا لا ارى المغفور له فرج فودة بهذه القيمة الفكريه الذي يحاول اخوتي اللي يظنوا انهم علمانين ان يصوروه بها ورغم ضعف حسين احمد امين الا انه اقوى منه علميا هناك مراسلات بينهما اوردها ح .ا . امين في كتابه رساله من تحت الماء ارجو ان تطالعها وارجو ان تشاهد الجمعيه التي دافع عنها فودة هي في مصر الجديده شوف روادها وفكرهم ودماغهم ماشيه ازاي ، وكمان جمعية الحوار اللي في روكسي اللي بيشرف عليها م . النبراوي ...
يا بهجت مصر اليوم لا فيها مشايخ ولا دكاتره ولا حتى بني ادميين
مصر فيها الملك مبارك والعبيد الطائعين
مصر الان فيها الجهل ساد في البتاع والناس صايبها ذهول
مصر اليوم يا بهجت الكل فيه متبع للبتاع والبتاع فيها هو الاله والنبي والرسول
كله بيدور ع البتاع وبيجري ورا البتاع وهو غير مدرك اصلا للبتاع .......... اقولك ايه كفايه كده لحسن الناس هتسبلي بالدين
.... ويجعله عامر