كومبيوتر جى (f)

كيفك قال عم بيقولو صار عندك ولاد :10:

بخصوص الضيق والمتضايقون , انا كنت اليوم فى مشوار فى نص البلد فى القاهرة وضايقنى زحمة السير بالسيارة , يعنى لو ماشى على رجلك افضل من قيادة السيارة فى القاهرة , لا وبعدين الناس اللى سايقة يعنى استغفر الله العظيم حاجة تخنق خصوصا الميكروباصات بتاعت مكرم عبيد ورمسيس والحتت ديه حاجة تجيب شلل , الواحد منهم يا عم كومبيوتر تلاقيه طاير زى ما يكون راكب "بى ام" مثلا او مرسيدس , لا والعربيات دى تلاقيها تيجى عند المطبات وتنط .. ازاى؟ مش عارف .. مع ان المساعدين يا عم كومبيوتر يمكن مش موجودين اساسًا فى العربية بس بتلاقيها بتنط فوق المطب احسن من العربيات البى ام دابليو , حاجة تضايق والله ياعم كومبيوتر , واحنا نيجى عند المطب لازم نهدى على الآخر !!
لا وبعدين فى المناطق الشعبية زى عين شمس مثلا صعب تلاقى واحد بينظم المرور , من يومين كده كان فى طريق فى عين شمس مقفول قفلة شطرنج!! , وساعة بقا يابرنس عشان نخرج من المتاهة :lol: , لأ والمصيبة ان الطريق من اربع جهات مقفول زى الشطرنج وكمان فيه "مزلقان" بيعدى عليه قطر .. يعنى مصيبة لو كنت شفتها كنت عرفت معنى المضايقة . من ساعة ما شفت المنظر وانا حرمت انزل عين شمس تانى .
لما تنزل مصر ابقى قولى عشان اخدك جولة وتشوف بنفسك يعنى ايه ناس متضايقة ومخنوقة ومع ذلك بيقولو الحمد لله رب العالمين !!
لما تلاقى زحمة يبقى انت اكيد فى مصر ,
لا والجماعة اصحابنا هنا عمالين يتكلموا عن الفتن الطائفية وزكريا بقلظ وحاجات زى كده , يا جماعة هيا الناس فى مصر عارفه تروح- بالشد - بيتها اساسا لما هتعمل فتن طائفية .. الناس بتعانى ياجماعة ومفيش فى دماغها لا بقلظ ولا كلبظ !!