عموما اللي يصدق إن في حاجة إسمها ربنا أساسا يقدر يصدق أي حاجة ..
يعني هوه أساسا كائن غير طبيعي ..

في حاجة إسمها كائن حي لا يموت ابدا .. طب منين حي و منين مش بيموت ؟
ما هو لو حي يبقى لازم يموت .. و لو مش حي يبقى واجعين دماغنا ف ايه ؟

و مش بينام أبدا و لا ياكل و لا يشرب .. يا سلام.
أمال بيعيش إزاي يعني ؟
يعني مش بيستهلك طاقة ؟
مش بيحتاج غذاء من أي نوع ؟
يبقى عايش إزاي بقا ؟

ده الواحد يسمع عن هندي قعد منغير أكل و لا شرب كام يوم يستغرب و يقايس يصدق و لا لأ ..
تيجي تقولوا واحد لا بياكل و لا بيشرب نهائي.
يبقى مجرد فكرة مش كائن حي موجود فعلا.
ده بديهي يعني.

ثم إن ايه أصله و فصله ؟
جه منين و إتولد إمتى و قاعد فين ؟
ايه مالوش أب و أم .. اتولد شيطاني كده ؟ :lol22:
عايش بقاله قد ايه ؟
مفيش حاجة إسمها منذ الأزل .. لازم يكون بقاله وقت معين.

طب بلاش ديه .. قاعد فين ؟
يقدر العلماء يشوفوه ب"هابل" المنظار الفضائي ؟
هل يحتاج العلماء منظارا أحدث او أقوى ليروا الله ؟
ثم إنه مادام قاعد بعيد كده .. ايه اهميته يعني ؟
ما إحنا عندنا المحيطات مليانة بلاوي زرقا و منعرفش عنها حاجة.

و بعيد مايموتش أبدا ؟
ليه هوه حجمة قد ايه ؟
منيع خالص ...
طيب ما ذبابة الفاكهه بتعيش يوم واحد و النسور بتعيش ييجي تمانين سنة ..
يمكن هوه بيعيش أكتر م الإنسان لكن مش خالد يعني ..
هوه فامبير مثلا ..

و بعدين ايه قدراته ؟
إزاي يعني أي كائن كان يوجد حاجة من العدم .. أزاي ؟
أبسط حاجة في حاجة إسمها فيزياء و قانون إسمه بقاء المادة :
بتقولك إن المادة لا تفنى و لا تستحدث من عدم بل تتحول من صورة إلي أخرى.
يعني العلوم بتنكر وجود الله وش كده منغير أي لغو و كلام فاضي ..
يبقى ناقص ايه ؟
و القانون ده بيتاخد في الثانوية العامة في الدول العربية.
يبقى ناقص ايه ؟

بيقولك بيخلق من عدم .. يعني هجس, مفيش حاجة إسمها كده.
ماتجيش منغير فيزيا و لا غيره.
ايه حاوي ؟
ساحر مثلا ؟
طلع الكون ده كله من كمه :97_old:

و بعدين انا مش عاجبني إن واحد حتى لو كان الله ده يطرقع بصوابعه يطلع بني آدم.
ايه الغلاسة ديه .
ده الطبيعة ظلت آلاف السنين عقبال ما الحياة نشأت في ظروف إستثنائية ..
و آلاف السنين عقبال ما الثدييات بدأت تظهر و آلاف السنين عقبال ما جه كائن حي متطور بالذكاء بتاعنا.
كائن حي متعوب فيه .. طفرة مفيش زيها
و نبص ع الكواكب اللي حوالينا نلاقيها لا تصلح للحياة أصلا.
يعني إحنا ماحصناش و صعب قوي لو الحكاية بتاعتنا تتكرر تاني ..
شوفوا بقا واحد على كام مليون ..
عز و كرامة و فخر.
صدفة ولا ملايين العالم تساويها ..
صدفة لازم نحافظ عليها و نمسك فيها بإيدينا و سناننا.

مش واحد سمج فرحان بنفسه قوي يعمل أي حاجة منغير تعب ..
و بعد كده ييجي يتمنظر علينا بقدراته و يقولنا نعمل ايه و مانعملش ايه ..
و هو دلوع ماما أساسا .. كل طلباته مجابة.
حواليه الملايكة .. اللي يفليه و اللي يدعك له ظهره و اللي يغني له و لا كانه هارون الرشيد.
ايه يعني فرحان بنفسه على ايه ؟

طب والله لو في حاجة إسمها كده أصلا انا ما اتاطي راسي للأرستقراطي الناعم ده.
ده إحنا الواحد مننا بيسف التراب عقبال مايجيب مليم ..
قاعدين ناكل في بعض عشان لقمة عيش و ده قاعد يتفرج بمنتهى السماجة و يضحك و يتشفى.
طب مادام فالح كده مايطرقع بصوابعه يحل لنا مشاكلنا و لا هي عنطزة و فنجرة بق ع الفاضي.

و لا يكون هوه اللي بيبعت الزلازل و البراكين و التسونامي عشان ينغص علينا عيشتنا و بعدين نشكره.
المستبد المريض نفسيا ..
ده لو موجود فعلا و إحنا نوع مافيش زيه في كورة نص قطرها ملايين السنين الضوئية ..
يبقى إحنا لازم نتحد و نكبر و نعمل حاجة نربي بيها الكلب ده.

مش نهلل له ع الفاضية و المليانة ..
و سبحانه و تعالى .. و جل شأنه
و هو و لا يسوى نكلة.
و يخلي الناس تمسك في بعض كده باديان ملخبطة و بتهاجم بعض ..
و هوه تلاقيه قاعد يضحك فوق و لا همه ..
ماهو لا بيجوع و لا بيعطش و لا بينام و لا بيتألم و لا أي حاجة خالص.
جبلة ماعندوش إحساس ..
و جاي يتمنظر علينا و كأنها حاجة حلوة إن الواحد يبقى ماعندوش إحساس.
هوه لو كويس فعلا و بيحب الناس كان يحل مشاكلنا زي أي سوبر هيرو بيحترم نفسه.

ده في فيلم سبايدر مان كان بيقولك إن القدرات الكبيرة معناها مسئولية كبيرة ..
يعني هوه شايف إنه عشان بينط و بيطلع خيوط عنكبروت من ايده يبقى لازم يساعد الناس على قد قراته.
أمال الحيوان ده اللي يقدر يعمل كل حاجة .. و متحكم حتى في الموت و الحيا مش بيساعدنا ليه ؟
يعني نعظمه و نمجده اونطة ؟
و فلنشكر صانع الخيرات .. و هو كله اذى أصلا.

و جايين بتدافعوا عنه و تشتموا في بعض (مسيحيين و مسلمين) عشان خاطره و هوه بيلعب بيكو أساسا.
و على فكره هوه هجاس و مايقدرش يعمل نص اللي مكتوب في الكتب المقدسة إنه يقدر يعمله ..
الله هجاس كبير ..
و الله بيخوفنا بس بحكاية الطوفان عشان يورينا إنه يقدر يفني البشرية ..
هوه مايقدرش يعمل حاجة خالص ..
و بيتفرج ع الطبيعة زيه زينا ..
و يمكن يكون مات من زمان زي ما نيتشه بيقول.

طبعا .. كل ده لو كانت قوانين الفيزياء غلط و ده مستحيل.
القوانين الفيزياء من البداهه و المباشرة بحيث انه لو شككنا فيها فلن يوجد ما نصدقه و نأتمنه.


(f) لربنا أينما كان.