اقتباس:-تناول الطعام باليد اليسرى مكروة لان الشيطان ياكل مع الانسان

:what:
بيعجبني فيك ياأستاذ ويصا إن حججك قوية ومفحمة ولاتترك مجال للجدل بعدها

يعني أنا مثلا طول عمري أستغرب ليه الأكل بالشمال مكروه لكن بعد سماعي عن حجتك وكيفية أن الشيطان بيأكل مع الإنسان إذا أكل بيده اليسري بصراحة أدركت خطأي:9:

بس ليه الشيطان بياكل بس لما البني أدم ياكل بالشمال:?:
يعيني اليد اليسري مثلا بتثيره أو حاجة:what:

طيب سؤال كمان
لو أنا قاعد في مطعم وقعدت أكل بإيدي الشمال مش المفروض إني أدفع نص الحساب فقط لأن الشيطان كل النص التاني وبالذات لو أنا في دولة إسلامية

طيب سؤال كمان
لو أنا قاعد أكل يإيديه الإتنين يعني مثلا ساندتش في إيدي اليمين وبطاطس محمرة في إيدي الشمال الشيطان مفروض ياكل ولا لأ ولو كل- ياكل معايا من الساندوتش ولا ياكل بس بطاطس محمرة ـ- ده في كمان مشكلة هنا هو الشيطان بيحب الكاتشب ولا لأ يا أستاذ ويصا:what:


طب سؤال أخر
لو أنا حبيت أجوع دين أمه كل ماعلي عمله هو الأكل بيدي اليمني فقط ـصح:?:

طب سؤال كمان

لو الشيطان شبعان لو كلت بإيدي الشمال ياكل برضه ولا لأ - يعني الموضوع إختياري بالنسبة له ولا غصب عنه لازم ياكل
أصل بصراحة لو الموضوع إجباري يبقي حاجة تطهق
تخيل نفسك يا أستاذ ويصاأنك الشيطان- لامؤاخذة يعني -ولازم تروح تاكل مع كل واحد بياكل بإيده الشمال مش هاتخلص في سنتك وبعدين أفرض الأكل معجبكش تعمل إيه:what:

طب سؤال أخير وأرجو إني لم أطل عليك لكن فعلا ياأخي عبد الرحمن إجاباتك المنطقية بتقربني كل يوم من الإسلام العظيم

هل لو ذهبت لإستخراج بطاقة تموين من الممكن أن أضيف الشيطان للبطاقة علي أساس إنه بياكل معاي:?:ا

أخر سؤال والنبي:loveya:

لو أنا قاعد أكل وغلطت وكلت بإيدي الشمال يفضل بقي الشيطان ياكل لغاية الأخر حتي لو رجعت أكل بإيدي اليمين ولا يبطل أكل لما أغير

أخيك في الله نيوترال