فكرة هذا الموضوع تراودني من فترة , وكنت أفكر أن أكتب عن تجربتي الذاتية فيها , وفكرت أن يكون الموضوع عامًا ويطرح كل منا تجربته أو معاناته في هذا الأمر .
أنا من زماااااااااااااااان ومن صغري مش مقتنع بموضوع الدين من أساسه ـ وإن كانت تنتابني من حين لآخر وحتى وقت قريب لوثات دينية استسلامًا وهروبًا من التفكير إلى أن هداني الله على يد كوكبة من أعضاء النادي هنا ـ وكنت كتير بكلم أصحابي في الحكاية دي وكانوا بيفاجئوا من جرأتي وكنت أفضل أناقشهم في بديهيات تدل على كدب الأديان وطبعًا محدش كان بيعرف يرد بس كانوا بيخافوا من الموضوع نفسه , ودا طبعًا مع أصحاب كنت أثق فيهم وفي إنهم من جواهم مش فارق معاهم الموضوع , ولكن طبعًا مع غيرهم كنت بظهر إني مؤمن بالدين وبقول عبارات دينية عادي ـ ولغاية الآن بعمل كده ـ لأن الموضوع مش هزار وممكن أي واحد ابن هبلة لو عرف إني رافض الدين ممكن يقتلني أو يسيحلي ويضيع مستقبلي أو يأثر على حياتي , فكنت ومازلت ماشي جنب الحيط أحسن , تطبيقًا لقول محمد بن عبدالله : ( إلا من أكره وقلبه مطمئن ) ....
هههههههه
مفارقة غريبة .. نفس العبارات اللي كان محمد بيستخدمها لخداع عقول الآخرين أصبحت بتنطبق على كثير من اللادينيين , المشكلة إني وجدت نفسي في كثير من الأحيان ملزم بتطبيق بعض شعائر الإسلام كالصلاة ـ وأحيانًا بالمسجد :roll: ـ وصلاة الجمعة المملة اللي بكون قاعد فيها ملزم بإظهار الهدوء والإنصات للخطيب ابن المرة المتناكة اللي قاعد يشخ في عقول الناس ـ آسف على الألفاظ ولكن للأسف لا توجد ألفاظ غيرها تعبر بدقة إلا هي ـ وكذلك صيام رمضان اللي بيدمر قدرتي على العمل وبضطر كتير إني أفطر في الخباثة ( من غير ما حد يشوفني حتى أقرب الأقربين لأن الموضوع بتاع رمضان الناس مش بتعتبره عبادة وخلاص لا كمان بيعتبروه دناوة :frown: ) , والغريب إني كمان رحت العمرة كذا مرة مجبر لما كنت بالسعودية مرة من جروب أصحاب ومرة عشان مراتي كانت عايزة تعمل عمرة وأنا لبيت رغبتها ولبست الملابس إياها ولفيت حول الكعبة وبين الصفا والمروة وشربت مياه زمزم المباركة ..
أوعدكم إني هحكي تجربتي بتفصيل أكتر قريبًا بس السؤال : هو مفيش جمعية أو أي جهة في العالم حتى لو الرفق بالحيوان ممكن تساعد الواحد في الخلاص من القهر دا والمساعدة في يكون الإنسان حرًا في اختيار عقيدته في الحياة بصرف النظر عن الدين الذي ورثه ؟
آآآآآآآآآآآآآآآآآآآآآآآآآآآآآآآآآآآآآآآآآآآه من القهر ..