رائف (f)
نيوترال(f)
بيوتفل مايند(f)

صباح الخير

عندما يعلن المسيحي الحاده يختلف الامر عن المسلم وبالذات في مصر او اي مكان اغلبيته مسلمين
:what: وطبعا مش محتاج الموضوع ليه
اول حاجه المسيحيه لا يوجد فيها حد الرده ثانيا المسلمين مؤمنين ان المسيحيه باطله يعني مسيحي الحد يبقي خرج من ظلمه إلي ظلمه اشد ومثواه جهنم وبئس المصير

اول امس كنا قاعدين بنحكي في موضوع غزه مع مجموعه من الاقارب كنت اول مرة اشوفهم بحياتي وفيهم الجامعي والامي والازهري والكلام جاب بعضه لحد ما وصلنا لمولاة الكفار والنصاري وطبعا تطور الموضوع من فرعيات لأساسيات وحسيت اني لو قلت لهم رأيي بصراحه ممكن يقيموا علي الحد واحنا قاعدين او يسلموني للشرطه ووجدت انه لا مفر من نطق الشهادتين مع انكار السنه كاملة وأن نأخذ من القرآن ما يوافق العصر فقط واستمر الكر والفر دون تسليم مني والحقيقه اني افحمتهم وعرضت عليهم افكاري بطريقه غير مباشره بأن شرحت لهم علي أي اساس يبني العلمانيين والملحدين فكرهم وبذلك نجحت في نقد الاديان وفكرة الله وكأني انقل لهم أراء الملحدين فقط لا غير ووضحت لهم انه لو عيل شيوعي جلس مع القرضاوي هيمسح بيه الارض ولا يملك القرضاوي من أدله سوي القرآن الذي لا يؤمن به الملحد وخرجت من المجلس وقد شوشت تفكيرهم وافقدتهم بعض الثقه العمياء التي بدأ الحوار بها
وانا مع بيوتفل مايند في نقده لرائف بأنه يجب ان يكون ايجابي اكثر من ذلك ولكن ربما لأن رائف متزوج ولديه اسره فهو هنا لا يغامر بمستقبله فقط ولكن يغامر بمستقبل ابنائه ايضا ولكن هذا لا يعني ان تؤدي الفرائض فعندما سألني القوم انت بتصلي اجبت لأ واضحه وقاطعه ولما سألوني عن السبب اجبت بأني مش فاضي وعندما قالوا انها امر إلهي وعباده قلت لهم انها فرضت علي عالم فاضيه لا شغله ولا مشغله ولو كانوا كتروا في الكلام كنت هسألهم وماذا يستفيد الله من صلاتنا :P

اما موضوع نشره دوريه فأنا بستغرب ازاي اللادينيين في مصر والعالم العربي لغاية دلوقتي مالهمش كتيب شهري او جريده اسبوعيه وانا فعلا محتار اتجوز ازاي ولو اتجوزت عادي واكتشفت زوجتي بعد كده امري حاكم انا ميتبلش في بقي فوله :mellow: تشردني وتسيح لي وتطردني من البيت وتاخد العيال مدي الحياه حتي ينشأوا نشأة اسلاميه صالحه :D: