انا يا جماعة الخير لا ادافع عن اسلامويين ولا بطيخ

ومحروق مهدي عاكف على نصر الله على نجاد في يوم واحد .... وقبليهم فقهاء السلطان اياهم... هذه نقطه

انا بهاجم من لا هم له الا هؤلاء -رغم ان تاثيرهم هامشي ولم يظهروا في الصوره الا لغياب الاخرين- انا بهاجم من لا يفعل سوى الاستهزاء بهذه الفرقه الهامشيه وفي النص ينال من الشعوب ويسخر ويحقر ويهاجم ويصنع اعداء وهميين ويحتقر مجتمعه ومقدساته وكان ذهاب الناس لاداء الصلاة هو ما اوقف الانتاج وكان ارتداء كام واحده للحجاب هو اللي خلى رغيف العيش اندر من الزئبق الاحمر

عمالين يحللوا في الدوله الاسلامية وديناميكيه الخلافة والتراث الاسلامي واخر حاجه ليها اي علاقة بدوله الخلافه كانت الدوله العثمانيه اللي اختفت من قرن!!! بالذمه ده كلام...مش فاهم انا بجد وياريت حد يفهمني

هل ناصر ومبارك والسادات كانوا خلفاء مثلا؟ الاسد ومن قبله كانوا امراء المؤمنيين؟ هل العراق كان دوله امويه وانا مش واخد بالي

بيشتكوا ان الثقافه السعوديه الوهابيه اخترقت مصر!! طيب وهو كان في ثقافه في مصر اصلا قبليها...مش بدل ما نلوم البترودولار نلوم اللي ساب البترودولار يخش في شعوب نسيت يعني ايه ثقافه ولا يعني ايه وطنيه....

من خمسين سنه الشعب كان بيشيل حكومه ويحط حكومه واعفن حلاق في الشارع كان يعرف في السياسه اجدع من اجدعها صحفي دلوقتي....هل ده كله ذنب البترودولار والامريكان والصهاينه.....هل ده كله ذنب الجوامع مثلا ...هل بنفتح القرآن بنلاقيه يقول اوعى حد يشتغل ولا حد يدرس ولا حد يفكر؟!

ايه الفرق بين الراجل بتاع رضاع الكبير وبين اللي ملوش هم غير انه يتريق على رضاع الكبير...الاتنين اهيف من بعض بس على الاقل الاولاني جاهل وعنده عذره...ايه عذر التاني المثقف المحترم المتعلم انه يسيب الحمار ويمسك في البردعه على راي اخينا

منظومه فاشله من اولها لاخرها .... بس اذا كانت الشعوب معذوره عشان جاهله فايه عذر اخوانا المثقفين انصار وفاء سلطان