محدودية العقل وعدم محدودية الله

•مقدمة :
منذ كنت طفلا وحتى وقت قريب كلما جال بخاطرى كيف يكون الله موجود فى كل مكان وزمان وقادر على كل شئ والكثير من قدراته الغير محدودة التى يتصف بها ( كسوبر اله ) وكان يصيبنى الصداع من شدة التفكير .

( كيفية استيعاب الله الغير محدود فى عقلك المحدود )
هذا المبدأ الذى سيطر على قرابة الثلاثة وعشرون عاما لدرجة ان اعتقادى اصبح هو ان عقلى محدود وليس من حقى حتى التفكير ,
والمصيبة المهولة انى وجدت الايه التى تدعم هذا الاعتقاد بداخلى وهى ( توكل على الرب بكل قلبك وعلى فهمك لا تعتمد . ) تخيلوا اية فى الكتاب المقدس تلغى تفكيرى وتجعلنى كالبهيم ممنوع من التفكير يعنى عقلى ( زينة فى الفترينة ) وكانت القصص السائدة فى الكنيسة فى ذلك الوقت والتى كان المعلمين يخدرون عقلنا بها تجعلنا نيام اكثر ومن هذه القصص على سبيل المثال ( كان فى راهب كان نفسه يستوعب فكرة عدم محدودية الله وازاى هو موجود فى كل مكان وكل الافشخانات اللى بنسمعها عنه ومكنش قادر يصدق , وبعدين حلم وهو نايم انه جالس عى الشاطئ بيحفر حفرة صغيرة , وعايز يحط كل ماء البحر جواها وطبعا معرفش قام جاء له هاتف الهى ( على الموبيل او الايميل تقريبا ...... هاهاهاهاهاها ) قاله زى ما أنت متقدرش تحط كل ماء البحر داخل الحفرة الصغيرة نفس الشئ تماما بالنسبة لله متقدرتش تستوعب قدراته الغير محدودة فى عقلك المحدود ) وطبعا انا كنت أول مسمع الهبل ده على طول اصدق وادروش والغى تفكيرى وامشى زى ما قلبى بيقول وأجرى على الكنيسة أدروش مع المدروشين , ( وعلى رأى الصديق نيوترال : مش معقول انا الحمار الوحيد اللى مش فاهم أكيد انا غلط ) وبعدين حديثا لما بدأت أفكر بعقلى قولت لنفسى لو انا كنت ماشى فى الشارع وقدامى حفرة كبيرة لو وقعت فيها أموت وبداخلى صراع العقل والقلب ,
العقل : لو وقعت فى الحفرة هتموت
القلب : لو وقعت فى الحفرة فيها خير وربنا هيحميك
ياترى اعمل ايه ؟؟؟؟؟؟
وهنا فهمت حل المعضلة العويصة اللى كانت بتنغص على تفكيرى وتفكير الكثير منكم لا يوجد من يدعى الله , وحتى لو كان موجود فليس له كل القدرات الخيالية التى ننسبها له والدليل على ذلك احد الامثلة البسيطة :
لو أمامك عملية حسابية زى دى :
( 2546 + 14568 × 547896 – 3265874 ÷ 12354 + 78945 ÷ 2546 – 1254879 × 1254795 + 4576954 × 147568 – 654896 × 745841 )
تقدر تحسب بالعملية دى بعقلك وتدينى اجابة بسرعة ؟
طبعا لا وهتكون أجابتك ان عقلك المحدود ميقدرش يستوعب العملية دى .
لكن لازم تفهم انك عشان تعرف اجابة العملية محتاج حاجتين
الة حاسبة او ماشابة والوقت اللازم لاتمام العملية
ومثال أخر : كان يعتقد قديما ان النيازك والشهب التى تسقط من السماء انها ملائكة تسقط الى الجحيم وهذا هو العقل المحدود , ولكن مع تطور العلم بمرور الوقت وأخترع المناظير الفلكية الحديثة اكتشفت الحقيقة وفى هذا المثل طبقنا نفس البدأ ( الوقت والوسيلة )
ومثال أخر : الامراض قبل اكتشافها كانت مسألة خارج حدود العقل فمثلا المصاب بالسكتة القلبية قبل تشخيص ذلك المرض كان خارج حدود العقل البشرى وكانت الوفاة تنسب لله كقضاء وقدر بان العمر انتهى ثم مع تقدم العلم تم تشخيص المرض وايجاد علاج له لدرجة ان العلم قد استبدل القلب البشرى بمضخة صناعية تؤدى نفس الغرض ونس الفكرة على جميع الامراض السابة والحالية والتى لم يكتشف علاجها بعد كل ما نحتاجة ( الوقت والوسيلة ) .
ونفس الفكرة تنطبق على اى مسألة انت شايف ان عقلك محدود تجاهها محتاج حاجتين الوقت والوسيلة اللازمة .

أرجو ان يكون الموضوع قد نال رضاكم ....
وبأنتظار ردودكم .....
وشكرا .....
تحياتى