طيب أنا مرة قاعد مع واحد صاحبى عندى فى البيت فى يوم أجازة وطبعا أنا قاعد واخد راحتى وحاطط 3 سجاير فى بقى وفى إيدي 12 قزازة بيرة وهو قصادى شغال ومش عاتق نفسه وفجأة جرس الباب دق طلعت بنته جايه تسأله على حاجة وهى بنت صغيرة عندها 7 سنين فأنا قلت له دى بنتك وهممت بفتح الباب وده لقيته أصيب بالذعر وبيقولى أستنى متفتحش الباب ولقيته بدأ يخبى قزايز البيرة تحت الكنبة ورمى طفايات السجاير فى الزبالة وراح جارى على الحمام وقافل على نفسه وأنا واقف مذهول ممايحدث أمامى! يابنى بقولك بنتك مش أمك! وده قاعد فى الحمام مش عايز يطلع رحت فاتح الباب للبنت راحت دخلت وسألت على أبوها قلتلها الفاتورة فى الحمام وطالع فقعدت تستناه وشوية لقيته خارج من الحمام زى مايكون واخد دش وخارج من قزازة بارفان والبعيد لم يترك شئ فى الحمام به إشتباه ولو بسيط أن يكون معطر إلا وأستخدمه وغالبا كل الصابونة علشان ريحة بقه وبعد إنصراف البنت قلتله إيه الفيلم الهابط اللى أنت عملته ده! لقيته بيقولى أصل أنا وعدتها إنى مش هشرب ولا أدخن بعد كده ومش عايز منظرى يبقى وحش قدامها!!! مما يعنى أنها هى من تقوم بتربيته وليس العكس.