إنو فعلاً شوفو المدرّب الكبير شو بيعمل حتّى بالفرق الصغيرة .. وهاد دليل إنو كرة القدم مانا مجرّد مهارات فرديّة ..
إنو روسيا بقيادة "هيدينك" تأهلت عن مجموعتا حالياً وممكن تحقق مفاجآت أمام "هولندا" رغم إنو أصغر فريق بالبطولة ومن أقل الفرق خبرة .. ورغم إنو روسيا بحياتا ما أتأهلّت لأدوار نهائيّة من بعد انهيار الاتحاد السوفييتي ..
هالمدرّب نفسو .. هوّ يلّي أقصى إيطاليا من كأس العالم 2002 لمّا كان مدرّب "لكوريا الجنوبيّة" .. وحسب ما بذكر وصّلو وقتا للمربّع الذهبي وأظن أخد المركز التالت أو الرابع .. (تخيّلو شو عمل بمنتخب متل كوريا الجنوبيّة !!) ..
وهالمدرّب نفسو .. هوّ يلي وصّل أستراليا لدور الـ16 بكأس العالم 2006 .. وما قدرت إيطاليا تخسّر أستراليا إلا لما طلعت روحا للحظات الأخيرة وبضربة جزاء قد تكون غير مستحقّة !! (وقتا كمان كان في طرد للاعب إيطالي غير مستحق) .. مع العلم إنّو هالمباراة كانت فعلاً أصعب مباراة لإيطاليا بالبطولة .. كان ملامح التفوّق الأسترالي مرعب .. وكانت الأوضاع أريح بكتير أمام ألمانيا وفرنسا بالنهائي ..

هالمدرّب نفسو .. قاد أحد الأندية الهولنديّة لإحراز الدوري لست مرّات .. !!

لذلك ما بستبعد يعمل مفاجأة من العيار الثقيل أمام "هولندي" .. ولولا إنّو هوّ "هولندي" وعبواجه منتخب بلادو .. كنت قلت أكيد رح يعمل مفاجأة !!

خوليو