فش غلك براحتك بس على الاقل قول كلام مفهوم
Array
اما الحظ : فهي ترجع في المقام الاول الى اراحة اغلب لاعبي هولندا في اخر مواجهة لهم بالمجموعات وبالتالي خرجوا عن جو البطوله[/quote]

يا عالم يا هو!!! حد يترجم

1- ايه علاقة الحظ بالنقطه دي ... افهم انك تقول انها غلطه لكن حظ!!! هل هولندا ريحت اللعيبه بالحظ!! يمكن فان باستن بيختار التشكيله بالقرعه والقرعه طلعت كلها احتياطي فالراجل مقدرش واضطر اسفا انه يلعب بالاحتياطي

2- بعد نكتة الحظ نخش في نكته الحجه العبقريه .... بقى عشان ريح كام لعيب الفرقه خسرت...يعني اراحة اللاعبين اللي هي اصلا ميزه وميزه قويه جدا خصوصا مع طول المباراه النهارده ودخولها في الوقت الضائع .. بقول الميزه دي بقت هي سبب الخسارة!!

يا عالم يا هو!! وبتتكلم على الغباء؟! عيب والله عيب تقترب من مواضيع الغباء والذكاء وما شابه ميصحش

بالنسبه لاشراك بيرسي فبيرسي لعب شوط كامل وشوطين اضافيين وكان عنده فرصه كامله
بالنسبه لليونان فاليونان قدمت في 2004 اداء دفاعي منظم فقط لكن ممل جدا وكان تفوقها التكتيكي بفضل اوتوريهاجل هو المحرك الرئيسي وراء ما حدث لكن كلنا شتمنا في ادائهم وكلنا كنا قارفانين من فوز بالزق زي بتاع اليونان
كذلك كوريا الجنوبيه واستراليا مع هدنيك ... تفوق تكتيكي ونظام صارم لكن فن وابداع مفيش

ده كله كوم ... والدرس الروسي النهارده كوم تاني.... واحد من اجمل المباريات في تاريخ الكوره ... مهارات عبقريه وتحركات ممتازه وجمل روعه واداء هجومي كاسح ... شوط وهات وخد وانفرادات وعرضيات .... كل ما يمكن عمله ... وكل الفرقه كانت بتشارك ... حتى المساك بتاع نيستلروي اطلق قذائف مروعه على فاندرسار

وعلى الجانب الاخر التزام دفاعي رائع ... فان نستلروي اختفى مع الرقابة وتحركات الاجناب اجبرت اجناب هولندا على الالتزام الدفاعي والضغط في الوسط ابطل تحركات شنايدر و الالتزام الدفاعي قتل تماما امكانية بناء الهجمه المرتده الهولنديه العبقريه

هولندا ملعبتش وحش ... هولندا اصلا مجالهاش فرصه انها تلعب خالص

هو ده الواقع .... وهو ده اللي بيقوله الكل سواء هواه او نقاد ... كلام القهاوي بتاع محترفي البلاي ستيشن ياريت منسمعوش هنا بعد اذنك يعني ... مش ناقصه مصدقنا لقينا ملتقى لناس بتفهم

اريفوار سنيور وخليك على قدك تكسب وعلى راي المثل العبقري ... كل برغوت على قد دمه