Arrayعلى أن أحذر القاريء لهذا الموضوع، قبل أن يقرأ ما سوف يأتي من مداخلات، بأن ما أطرحه هنا ليس "ثوابت" بمعنى أن من يريد "المناطحة" فسيكون من الأفضل له أن يبحث عن موضوع غير هذا، ومن يعتبر أن "تغيير الرأي أو الفكر" خطيئة فيمكنه أن يعد هذا الموضوع من "كبائر الذنوب". لأنني قد أغير قناعتي بشأن أي جزئية محددة في أي وقت وربما جئت إلى هنا بعد عام من الآن لأكتب في المداخلة رقم 41 تسفيها تاماً لما كنت قد فكرت فيه قبل عام في مداخلتي رقم 20 ، وأطرح رؤية مختلفة تماماً عنها. هذا لن يمنعني من الحوار مع هذا.. ومحاولة الاحتجاج بما أراه حالياً "صحيحاً" في فكرة من الأفكار.
[/quote]

كامو يا عسل , بما انى واحد من مدمنين مواضيعك احب بس اتكلم فى حاجة , نشوف رأيك فيها ...

ليه دائما الناس او الاشخاص لم بيتعاملوا مع تطور الفكر على انه صعود هرم ؟ يعنى لم تكون صغير بتكون معرفتك محدودة , ولما بتتعلم حاجة جديدة تعتبر ما سبقه تسفيه ؟ او ان الواحد يبص لنفسه ويقول ( انا كنت مؤمن بالكلام ده , ايه الهبل ده ؟ )

شخصيا , بعتبر ان الفكر بما فيه انسيابى , مناسب او غير مناسب افضل من صح او خطا . ما فائدة طفل مسلم ان يعرف ان الخمرة مثلا حرام , وهو سنه 6 سنين ( لا يملك الموارد المادية على شرائها او امكان يرتادها للشربها ) . نفس المعرفة هتكون ليها لازمة فى سن لاحق ...( ده مثل شائع , ولو انى مش بحب اتكلم فى الاديان على اى حال ) .

انا - من وجهة نظرى - بعتبر ان الأفكار مقترنة جدا بالتطبيق , وفكر بدون تطبيق كبنزين لا يجد شئ يشعله . ان كل انسان بيحمل فى مراحله العمرية مجموعة من القيم والمبادئ والافكار , اللى تساعده على تجاوز المرحلة العمرية او تحقيق اهدافه . ( لو بصينا حتى على اغلبية الملحدين هتلقيهم أخدوا قرارتهم وهم فى عز شبابهم , ودى مرحلة عمرية من طبيعتها القوة وعنفوان الشباب , ومش عايز اى حاجة تعطله )

فمن وجهة نظرى ( ان كلمة سقراط , الشئ الذى اعرفه هو انى لا اعرف شئ ) ممكن توحى بأنه لا فائدة من القراءة والتعلم بشكل عمومى ؟, لانك مش هتفهم ... انا بعتقد ان الجملة دى قالها سقراط ربما فى سن الياس او قرب النهاية ! عندما احس ان المعرفة كبيرة جدا على شخص واحد ان يشملها بجميع ما فيها .. وعلى انى اجدها فكرة ساذجة جدا , لانك مش محتاج تعرف كل حاجة , اللى يسير حاجاتك , واللى يخليك تتطور او تبدع او حتى تفهم جزئية معينة .

دى وجهة نظرى , وهى اصلا انا استنجت منها موضوع الحلال والحرام , بس ده موضوع تانى

المهم , انك تبقى متألقا (f)