فستق العزيز , طبعا اعرف فضائح واسمع عن المصائب فى الوسط الفنى ... لكن هل ده شئ غريب ؟

تعالى نلقى نظرة على هوليود والعالم الغربى - لنسمع عن ملكة البوب الغنائية " مادونا " جوزها بيطلقها وبيقول انها انسانة لا تحتمل ان تنام معاها ليوم واحد , وانت ماشى عدى على باريس هيلتون و بريتنى سبيرز - ولا تنسى اوين ويسلون اللى يحاول ينتحر ! أى مجال فى الحياة حتى الدين نفسه فيه فضائح ونصائب ما بعدها نصائب ... النهاردة بس ماسكين امام مسجد فى البوسنة بتهمة الاعتداء على فتيات قاصرات !

لكن تيجى للعالم العربى - ولان الاسم مرتبط فيه بحجم المبيعات بتجد فيه التناقضات فى المواقف والاعمال . سيدة بتحصل لها نصيبة بسبب ترصد الجماعات الدينية لها , فتضطر الى حملة علاقات عامة - جزء منها فى السعودية والجزء الاخر فى لبسها . وبعدين المتناقضات دى الشعب المصرى بيعشها يوميا وكون الست دى او الرجل او المغنى ده بيعيش فى البلد دى وأكل عيشه تقريبا فيها , بيكون الحل انه يلعب على الوتر اللى المصريين كلها بيعرفوا يغنوا عليه ... الدين والتقرب من الله !

أنا لا أدين فيفى عبده , ولا دينا ولا محمد الصغير ولا حتى الفيشاوى .. الصح ان ندين :

1 - تدخلنا الشخصى فى الأمور الشخصية لشخصيات عامة

2 - الربط بين التدين عند الناس والاحترام



* انا لا ادافع عن دينا و غير دينا , لكنها بالنسبة لى ( فنانة استعراضية او راقصة بتهز وسطها , والناس بتحب تتفرج عليها وبتروح تتدخل افلامها ) كل ده فى اى بلد محترمة شئ طبيعى ومعقول , حتى وان فتحت بقها فى قضايا مصيرية - فالشئ اللى يؤخذ عليها هو اللى بتقوله. ولا أنسى ان " مارلين مونور " كانت تجادل كنيدى فى قضايا السياسة والاقتصاد .


اتمنى ان يتوقف شعبى الغبى عن حشر انفه فى كل شئ :2talk:

فستق (f)