Arrayخيرات بلادك"، هذه، سنعود إليها فيما بعد.. وكي يفهمها الزميل الإيراني[/quote]

أه منك ياعفريت! أنت الوحيد اللى هرشتنى فى هذا المنتدى.
مادام الأمر كده أنا سأنهار وأعترف بكل شئ;

أنا مرة كنت فى الغردقة ونزلت أعوم فى البحر الأحمر والجلالة خدتنى وفضلت أعوم أعوم حاكم أنا سبيح وأعجبك , المهم مطولش عليك بعد ماعديت مضيق باب المندب رحت قعدت شوية مع مجموعة قراصنة أصدقائى فى الصومال وبعد ماخزنت معاهم شوية قات كملت عوم ودخلت على بحر العرب وشوية ورحت كاسر شمال عند إشارة المرور اللى عند مضيق هرمز ورحت داخل الخليج الفارسى -وليس العربى- وقعدت أبلبط فيه شوية وكان وقتها خامئنى بيصيف هو والجيرل فريند بتاعته فقابلته عند جزيرة طنب الصغرى فحب يوجب معايا وكده وقالى أتفضل أشرب حاجة فمرضتش أكسفه بس قلت له نروح نقعد فى طنب الكبرى علشان براح وناخد راحتنا فى الكلام وبالفعل رحنا قعدنا على قهوة الصعايدة فى طنب الكبرى والكلام جر بعضه ولقيته بيفاتحنى فى مسألة تجنيدى فى إطلاعات جمهورى إسلامى وبص ليه والدمعة هتفر من عينه وقال لى, إيران محتاجاك يانيوترال.. ترارا, ترارا وأنا قلبى علق فصعب عليه وبصراحة أنا ساعتها كنت مزنوق فى قرشين وعليه أقساط فقلت وماله أشتغل معاهم بارت تايم وبالفعل تلقيت تدريب مخابراتى مكثف بإيران على أعمال التجسس والتخريب والتطبير والمتعة والتفجير عن بعد وعن قرب والإرهاب الدولى وتهييج الجماهير وربنا فتح عليه وكونت نفسى وبنت بيت بالمسلح والطوب الأحمر فى بلدنا 3 أوض وحمام أفرنجى ومطبخ وبيتى كامل من مجاميعه وعندى كافة الأجهزة الكهربائية ومش مخلى جماعتى محتاجة حاجة حاكم الراجل مننا ميعيبوش غير جيبه ومشارك فى ميكروباس خط سمنود ميت غمر وعندى عقبال أمالتك سهام فى دبلون تجارة وشلبى متخلف عقليا وميتخيرش عن سعادتك وناوى بإذن الله أشغله معايا فى إطلاعات جمهورى إسلامى فى البوفيه يعمل شاى وقهوة.