والله أنا أبقولك اللي أعرفه

الحكاية حسب مافهمت تسمى الأزمة المالية العالمية أو ( أزمة الرهن العقاري )

اللي حصل هو كالتالي:

البنوك كان عندها سيولة ضخمة وتريد استثمار هذه السيولة ورفع أرباحها...صار لازم تبحث عن زبائن غير الزبائن المعتادين.

قامت وخفضت اشتراطها على المقترضين أو ألغتها تقريباً

قام كل من هب ودب يقترض وبدون ضمانات كافية

كان غالبية المقترضين لغرض شراء منزل

زاد الطلب على المنازل

طارت أسعار المنازل بشكل خيالي أكثر من الضعف يعني البيت أبو نصف مليون صار بمليون ومائتين تقريباً ( طبعاً ماهو في يوم وليلة )


الناس ( اللي هم كل من هب ودب ) ماقدرت تسدد اللي اقترضته.. قامت البنوك وصادرت البيوت

والبنك وش بيسوي بالبيت؟؟ ... راح يبيعه لعشان يسترد فلوسه

صار في عرض خيالي لايقارن بالطلب

طاحت أسعار البيوت في الأرض وأبو نص مليون ( واللي دفع فيه البنك مليون ومائتين ) صار 250 ألف تقريباً.

1- طارت فلوس البنوك ( يعني ماعاد في قروض ) <<<<<<< يمحق الله الربا

2- طارت بيوت الأمريكان ( يعني الامريكان حيشدو الحزام ) <<<<<<< يمحق الله الربا


بناءاً على هذا استنتجت بقية الشركات ان الطلب على جميع السلع سينخفض وقامت لك شركات السيارات والمواد الغذائية والبناء طبعاً ( لان المعروض من البيوت كافي لعقد قدام ) خفضت انتاجها

ولما تخفض انتاجها وش يصير؟

تطرد عمال

ولما تطرد عمال وش يصير؟

يقل الطلب

ولما يقل الطلب وش يصير؟

تقلل الشركات الانتاج

ولما تقلل الشركات الانتاج وش يصير؟

تطرد عمال

وماراح تنتهي الدورة الى ان تلاقي الناس ميته في الشوارع من الجوع:lol22:


ولعشان أزيدك غم!! ... الفلوس اللي في البنوك الامريكية تعني فلوس العالم كله

يعني اللي طار ماهو شويه!!


يارجال كبر راسك:lol2: في الاخير الرزق مكتوب...الله يرفع عنا وعن خلقه:thumbup:.


وتوته توته ماخلصت الحتوته .... باقي لي مشاركتين في الموضوع ان شاء الله


تحياتي،،