فى البداية انا اعتبر هذا المنتدى كأسرتى وكل منه اخواتى - نظراً لانه يكاد يكون المنتدى الوحيد اللى بجد بتقول اللى انت عايز تقوله , ونظراً لانى ارتبطت عاطفيا بهذا المنتدى وكونت فيه صداقات ومعارف , وقابلت ناس - اكاد ادعى انهم انضف عقول قابلتها فى حياتى القصيرة . بل يمكن انى اعتبر ان " نادى الفكر " كان ولايزال هو اهم تجربة عربية على الانترنت بمجموعه ! لم تسمع عن شباب من نفس سنك بيتحولوا الى التفكير العقلانى ونبذ الاصولية والأسلمة اللى موجودة فى المجتمع بسبب هذا الموقع او ارتباطهم المعنوى بشخص ..



لما تشوف حالنا العربى وما وصل عليه من تقييد للحرية , وثقافة اللى يفتح بقه ينضرب بالشبشب , لو بتعانى زى ما انا بعانى من عدم القدرة على المجاهرة بفكرك حتى لا تسجن او تعزل اجتماعيا , لو انت ماشى مع صحابك وبتضطر كل مرة تخترع حجة انك لا تتدخل الجامع تصلى .. تعرف بجد قيمة نادى الفكر عندىوعندك ! لو تشوف الناس اللى كانت سلفية تنقلب على فكرها وتصبح ناس اكثر سلاماً وفائدة للمجتمع , تعرف بجد اهمية شعاع نادى الفكر على النت العربى اللى كاد يكون " جنس وهبل ودين " , لو عشت طول حياتك تلقن اشياء منافية للعقل , وعندما جاءت الى هنا وواحد ضرب بالشاكوش على دماغك وقالك افهم يا بهيم , انت عشت حياتك كلها بهيم تررد ما تسمع وتحرم من الكلام ولا تعبر عن رأيك ... أتاح لك الفرصة ان تقول ما تفكر حتى تفهم ما تقول , تقدر بجد تقدر قيمة نادى الفكر العربى !

لكن ما يحدث الان هو وجود اعضاء تسعى الى خرب شعاع النور الوحيد , ناس ربما تعانى من امراض - ممكن نتعاطف معهم لو صرحونا بيها او حتى نكون ليهم اصدقاء يواسوهم فى وقت الشدة ! من الناس دى ما هو معروف عند الجميع , لكن شخص واحد - أرى ان بقاء عضويته فى النادى تعنى تتدمير لذلك المكان الجميل , خصوصا انه يشتم ويسب بأقذر الالفاظ فضلا عن تعليقاته المستفزة للجميع والغارقة فى التفاهة والعبط " واللى بتكاد تكون سمة عامة عنده " . انا معنديش مانع ان يكتب هذا الشخص ما يريد , لكن ان يتعرض الى الناس ويشخص ويشتم هيتسبب فى خسارة النادى لاعضاء ( وعلى رأى الواد بليلة : خسارة عضو واحد خسارة كبيرة للمنتدى ) فهل من اجل كل هؤلاء الناس اللى لو دخل واحد منهم على موضوع لبسام ووجد سب وشتم ولعن , هل هيستمر فى المشاركة ؟ )

اصوات مثل هذه لا تشجع على كتبة شئ او انتاج شئ - صحيح انى ولا كثير من الناس هنا مجالهم الكتابة , لكن يمكن احنا بنكتب كطريقة للتواصل مع مجتمعنا ومحيطنا الانسانى , وطريقة لرد جميل الوطن والنادى اللى علمنى شخصيا فى بدايتى .

انظروا ماذا كتب :

Array
تذكرت نبيل شرف الدين عبر كلام أحمد منصور ..... كذلك بهاء :roll: كخريج جامعة فاشل :97_old:....على فكرة كلام أحمد ينطبق على سوريا تماما ....
[/quote]

هل رمى الناس بالتهم جزفاً اصبح شيمة النادى اليومين دول ؟ ماذا لو وجد شخص هذه المدخلة لو بيبحث عن كلمة نبيل شرف الدين - وهو رجل محترم يدافع عن قضاياه اللى مؤمن بيها ,ياترى هيكون ايه رأيه فى النادى ؟ وخصوصا لو تابع مدخلات المحترم الخورى وسقط النادى من نظره , هو احنا هنفضل ماشيين وراء بسلامته عشان لا يشتم مالك الحزين او كل واحدة يرميها بلسانه اللى بينقط سكر !

لم اعد افهم ما يحدث الان فالرجل تقريبا معزول اجتماعيا فى النادى , وفى تصنيف اجتماعى للجماعات بيعتبر " بسام الخورى " والزميلة " نسمة عطرة " اعضاء منبوذة , لانهم بكل بساطة لا يتفاعلوا بصدق مع الجماعات المنتمية اليها . فتجد ان صفاتهم مشتركة فى ضحالة التفكير والاعتماد على القص واللزق , بل وايضا فى تطنيشش النقد واغراق المنتدى بأخبار لا قيمة لها ومن صحف صفراء كمان ! لكن ان يتحول الفعل الشخصى الى أذى جماعى , وتهديد لسلامة القارب الصغير اللى بنشم عليه نسيم الحرية .

فمن اغلى عليكم ايه الاعضاء - خسارة عضو يأبى ان يعترف بمشاكله النفسية ويبحث عن علاج حقيقى لها ! ام خسارة شباب صغير ضائع على الانترنت وتتلقفه مواقع السلفيين ليصبح مشروع مجاهد فى سبيل الله او بيخدم فى الكنيسة ؟ من اهم عند الجميع , بسام الخورى ام قنابل مؤقوتة ساعد النادى على تفكيك الكثير منهم ؟

وكلمة اخيرة : يا بسام الشتيمة لا بتهزنى ولا بتلمسنى اصلا , وصدقنى لا شئ شخصى بينى وبينك - لكن ان يوصل بيك الحال انك تسب وتشم وتلعن ومحدش عارف يوقفك , فده معناه يا زميل انك وصلت اخر الخط , و استوب على كده That's the end my friend