(06-01-2009, 12:29 AM)قطقط كتب:  مداخلتك حلوة يافارس
أول مرة اعرف إن حكاية أبو زيد فيها فن حلو ، للأسف مافيش وقت بسبب الإنشغال فى مشكلة إبادة الأمة القبطية التى إقتربت أن تكتمل فصولها

شكرا يا قطقط

علي فكرة , فيه وقت كتير فالمسأله مزاج شخصي يعني مثلا إذا كنت انت حابب تعرف السيره الهلاليه , تقدر تروح لأي بتاع شرايط كاسيت في العتبه أو أي منطقه شعبيه ( يعني ابعد عن محلات الخنافس والدي جي ) وانت هتلاقي السيره الهلاليه متوفره لعدد كبير من الرواه وإنت كنت أفضل ان تسمعها بصوت علي جرمون والشريط مش هيزيد بأي حال من الأحوال عن خمسة جنيه .

ودي الأجزاء الأربعه الأولي من السيرة الهلاليه , وهي حوالي عشرين جزء بصوت الشاعر علي جرمون

http://www.4shared.com/file/58125813/22b...____1.html

http://www.4shared.com/file/58126533/aed...d=a0b7bb6b

http://www.4shared.com/file/58127205/755...d=a0b7bb6b

http://www.4shared.com/file/58124970/549...d=a0b7bb6b


وده الجزء الأول من ياسين وزبيده

http://www.4shared.com/file/93080744/296...nline.html

ودي قصة ابوزيد الهلالي وحمضل العقيلي

http://www.4shared.com/file/94790217/2e1..._____.html

مالكش حجه بعد كده يا قطقط , وبالمره تاخد جرعة حماسه لعلها تغير حالك

أما عن ولعي انا بالسيرة الهلاليه , فيعود ذلك الي أبي , حيث بدأت أتفتح علي الدنيا في منتصف الثمانينات وهي فتره لو تعلمون فقيره جدا في الأغنيه العربيه وخاصة بعد رحيل العمالقه أو أعتزالهم " أم كلثوم , فريد الأطرش , عبدالحليم حافظ , فايزه أحمد , شاديه وغيرهم وخبا نجم ورده الصاعد بعد سجن بليغ حمدي ولم يبقي علي الساحه سوي , سميره سعيد بألحان حلمي بكر الرتيبه والممله وهاني شاكر ومحمد ثروت وغربان الملاهي الليليه مثل حمدي باتشان وعدويه ومجدي طلعت و وحيد العمده , وكانت المرحله بكاملها عنوان للأسفاف , ومن اشهر اغانيها ,
أيه الأساتوك ده اللي ماشي يتوك ده
والتربي خد عربون ولا جاش
وأديني بنطة لحام كوز المحبة أتخرم
الهسا حسا بسا والشيكابوله
كتاب حياتي يا عين

وحتي في السينما , كانت معظمها افلام استهبال ومخدرات ومحاولات استنساخ فاشله لـ فان دام

المهم , لم يكن في بيتنا من شرائط كاسيت غير السيره الهلاليه , وقصائد مديح لـ ياسين التهامي وخضر التوني , إضافه لشرايط القرآن بأصوات المنشاوي وعبدالباسط وأبو العنين شعيشع والطبلاوي , وأم كلثوم وفريد الأطرش ووردة , ولم أكن افهم ما تقوله أم كلثوم وخاصة القصائد كما كنت أمل بسرعه من الأعاده وكذلك لم أكن أفهم شيئ من مواويل المديح والذكر للتهامي وغيره , وأحببت فريد لأن الحانه خفيفه وجميله وكذلك ورده التي كان يحبها أبي بسبب أمكانيتها وكان يقول انه لو دخل الجنه فهيطلب من الله طلب واحد بس , انه يزوجه من ورده , ( انا برضه كذلك بس مش ورده , لكن اليسا ) وكلما كنت اطلب من ابي شرايط لعبدالحليم او نجاة او شاديه كان يقولي خسارة فيهم الفلوس , مش لأنهم وحشين ولكن لأن أغانيهم بتيجي في الراديو بأستمرار فلا داعي لأنفاق المال في أغاني بنسمعها علي الراديو .

---

شكرا يا بني آدم

الزميل إبراهيم

لا أعتقد أن هناك شيئ سيئ بيننا , وحتي في عز حملة الأستهزاء التي أقيمت علي شرفك , وكان برضه مش عاجبني أسلوبك إلا أني التزمت الصمت التام , ولم أشترك في شيئ مما دار وقتها , فلماذا تريد ان تضيفني إلي قائمة خصومك , وكأني بك تبحث عن المشاكل , أو تريد أثبات وتثبيت أنك مضطهد , أنا كتبت ردي بعفويه وتعليق احمد طارق ونيوترال كان علي ما كتبت , وليس تلهفا علي موضوعك العبقري الذي هو في الأصل تساؤل , فرجاء في المرة القادمه اصطاد نيوترال في شارع فاضي ولا تلوث مار برئ بغبار شجاركم .