التنظير او تجميع وتنميق الكلام على بعضه , او حتى ان نتكلم على ما يجب ان يكون وما هو كائن هو تتضيع للوقتى الثمين . فعلى عكس ما يعتقد البعض هنا انا مش فاضى ويادوبك مهتم انى اتابع الحوارات وأعطى رأى لا لشئ ولكن " مسالة ضمير " .

لو عايزننا نعيش فى لغة الكتب والتنظير وأدعاء الحكمة , فميش مشكلة " هيبقى عندنا شيخ وقسيس وفيلسوف " ثلاثة لا قيمة لهم , طالما ان لغتهم ابتعدت عن ما يفكر فيه رجل الشارع الحقيقى فى مصر ؟ ورجل الشارع يا سادة يا بتوع العلمانية والليبرالية البحتة مش مهتمين اصلا يقراوا لحد , ومش مهتمين بدين حد , ومش عايزين يهتموا , ولو اهتموا فمش عايزين يفهموا ... هما بكل بساطة عايزين " حياة افضل " ليهم ولأولادهم وللجميع .

وعلى هذا فكيف يستقيم محاربتنا للأصولية الأسلامية المتمثلة فى ابن الباز والتيار الوهبى المصرى الاصيل , ولا نقف نفس الموقف من مسيحين هدفهم الاول هو التبشير بالرب يسوع ولا يقولوا اصولية عن اصولية هؤلاء .. أتعجب حقيقة من موقف بعض الزملاء هنا من حساسيتهم المفرطة ضد كل ما هو اسلامى - وهو خطأ بين - ولا يكون لهم نفس الحساسية من كل ما هو مسيحى ..

كلمة " التبشير " وسلاح التبشير واسلحة الدعوة الى الله بجميع أنواعها هى اخطر شئ على مجتمع بدائى لازال محاولات لازالت اميته ؟ دعونا نتخيل ان صيحنا الصبح لقينا مصر كلها ملحدين , ايه اللى هيتغير ولا حاجة ؟ طيب بقوا كلهم مسيحين , ولا حاجة يمكن الجوامع هتبقى كنايس , طيب ماذا لو بقوا كلهم مؤمنين بدولة تجمع الجميع ؟

اتذكر قصة كنت قريتها عن داعى اسلامى حاول ان يتكلم مع سيدة انجليزية عن الاسلام , ولما الست زهقت منه قالته : لو عايزة اعرف عن الاسلام , هروح اقرأ عن الاسلام ..

كم واحد فى مصر قادر على اعطاء هذا الجواب ؟