ماشاء الله عليكم تحبوا تخدموا المرة الجاية بحتفظ ليكم بعنوان الايميل ,المتحدثة كانت تكتب بلغة أنجليزية بلكنة أمريكية زى الصاروخ,انا قلت مراتى عاملة فى مقلب وعاوزة تمسكنى متلبس وتطلب الطلاق وبعده حقها فى العربية المعفنة اللى عندى واطنان الكتب التى تغرق ارضية مكتبى الاعفن ,لكنها اقسمت بالغالى والرخيص(اللى هو انا) ان لاعلاقة لها بالموضوع,لأنى مستاهلش مقلب زى ده وأيش تاخد الريح من البلاط على حد قولها,ثم قلت ربما مخابرات العدو الصهيونى تحاول الايقاع بى واذلالى بسبب مواقفى المناهضة للصهيونية العالمية لكنى أسترجعت وقلت موش ممكن انا مهما كان حتة صعلوك على النت لا أكثر ولا أقل ثم ذهبت ظنونى الى الأخوة فى حركة حماس بسبب مواقفى المؤيدة لابوفادى وبعدين قلت على أيه يعنى هو أنا ابو الهول ولا ابو جهاد ثم ذهبت ظنونى للأخوة فى الجزائر الشقيقة بسبب مواقفى المستهجنة لتصرفات مناصرى الخضرا فى الخرطوم وبعدين قلت وهاجاى ايه فى نيترال او وضاح او فارس ,وأخيرا قلت اكيد بنت صايعة على النت بتلم قرشين من الدعاية لموقع بورنو وهذا اقرب للمنطق وأستغفر الله لى ولكم ..