حبيب قلبى قطقط

ورحمة خالى حسن انا ما شفت بنى ادم طيب وجميل زيك.

جرى ايه يا ابو القطاقط ما تسيبك من حكاية ولاد السلطان وولاد الجارية دى... ده احنا الاثنين بنشرب من نيل مصر واحنا الاثنين سنصاب بفشل كلوى بفعل تلوث المياه.. يا قطقط احنا الاثنين لو دخلنا قسم شرطه ها ننضرب على قفانا من نفس المخبر اللى ممكن يكون مسلم او مسيحى ولكن مصرى.. وبعد ذلك لو جمعتنا الظروف بنفس المخبر اللى ضربنا على قفانا فى موقف اخر فى الحياة بعيدا عن عمله سنجد انه مثلنا عنده اولاد مش عارف يصرف عليهم ويخليهم بنى ادمين زى ولاد الباشا الضابط.

يا قطقط لو حصل حريقة فى بيتك وكنت انا جارك فسأبذل حياتى لانقاذ بيتك واولادك وانت ستفعل نفس الشئ لو حصل حريقة فى بيتى.

اقتباس:جمال عبد الناصر لم يكسب جنيهاً واحداً من الحياة المدنية ، وبالتالى فهو غير مؤهل لإدارة الحياة المدنية الإنتاجية التى لايعرف عنها شىء ، فهو يستطيع أن يعلمنا الحرب لأنه رجل حربى ولكنه لايستطيع تعليمنا الإنتاج لأنه لم يمارسه ولايعرف عنه شىء

يا قطقط جمال عبد الناصر لا عرف يعلمنا حرب ولا انتاج ، جمال عبد الناصر عرف يعلمنا نضحك على روحنا ونقول اننا احسن ناس واجدع ناس والحقيقة غير كده، او ممكن يكون عندما بدء بحكمنا كنا احسن ناس فى المنطقة لكن كان فعل ماضى ما تسيبه فى حاله.

جمال عبد الناصر هو اللى سمح بوضع بطارية صواريخ فوق مدرسة بحر البقر ولما اسرائيل ضربت بطارية الصوريخ وبالتالى المدرسة خرجنا نولول للعالم اجمع ، وحسن نصر الله بعشرة الاف مقاتل وصواريخ مولد سيدى الدسوقى طلع دين ام اسرائيل.

ولكن حتى لا اكون ظالما لعبد الناصر ، فالرجل مثله مثل اى ديكتاتور له مزايا وله عيوب ولكن عيوبه اكبر من مزاياه لأنه كان لا يملك رؤية طويلة المدى ولكن رؤيته لسبعة وستين متر قدام. عبد الناصر لم يسعى لتأسيس دولة بقدر ما سعى لتأسيس بؤرة صراع ومركز مد ثورى لمجده الشخصى وهو يظنها دولة والدولة ليست صهر وتطويع ارادة ومصير الجماهير فى اتجاه اصبع الحاكم اينما اشار.

وانا لسه ما قلتش باقى اللى عايز اقوله يا قطقط وانتظرنى فيما يتعلق بالفتح العربى لمصر وضع فى اعتبارك شئ واحد وهو :

والله العظيم انا بحبك .. فما الذى يجعلك تقتنع فعلا اننى احبك؟