عزيزى فارس

سؤالك صحيح وحسب معلوماتى انه يباع فى هولندا بكمية معينة بدون مانع قانونى حتى انه يباع فى السجائر جاهز ولا لف ولا ورق بفره ووجع دماغ.

لو شاهدت فيلم ثرثرة فوق النيل ستجد عماد حمدى يجرى حوار منطقى مع نفسه ويتسائل لماذا الحكومة تمنع الحشيش وتسمح بالخمر ماهو ده حرام وده حرام .. ده بيسطل والخمر بتسكر .. ولا علشان المشرع كان من الطبقة الراقية وما بيشربش الحشيش الذى يشربه عامة المواطنين وكان بيشرب الخمر فسمح به.

طيب دلوقتى صفوة المجتمع بيشرب الحشيش ، إيه رأيك لو نعمل جروب على الفيس بوك نطالب فيه بعودة تراث الاجداد وأهو برضه ارحم من البانجو.

اما عن الحيتان فحدث ولا حرج ، وقد سمعتها من شقيق احد اشهر تجار المخدرات فى الثمانينات انه قرر شقيقه الاعتزال عن تجارة المخدرات ، فتم سحبه الى قسم الشرطة التابع له وكل علقة موت هناك وتم انذاره بأن لا داعى ان يوزه الشيطان ويفكر التفكير ده تانى. وكانت قرصة ودن جابت نتيجتها لعدة سنوات لحد لما البوليس ضربه بالنار اثناء ضبطه ومات غير مأسوفا عليه.