سبقتنى يا احمد
كنت لسه هحط نفس الفيديو

من شويه جابوا واحد من الدكاتره اللى عملوا التشريح و التقرير التانى
قعد يحلف ايمانات انهم ما كتبوش غير الحق و انهم مفيش اى حد يقدر ياثر عليهم و و و
رغم ان د. ايمن فودة واجهه بتفاصيل كتيرة عن الطريقة اللى كان لازم يتعمل بيها التشريح
لكن الدكتور الفاضل اللى كان من ضمن المجموعه اللى كتبت التقرير التانى فضّل انه يرد بطريقه تانيه
و هى بالشخصنة و قله الادب و التجريح فى د. فودة
و الاخير رفض حتى التعليق على كلامه و كل اللى قاله فى النهايه لا تعليق و شكراً

حالياً خوف الحكومة واضح بشكل لا يوصف
مشاركات كتير بتحاول تخوف الناس او تشكك فى كل شىء او تقلل من مصداقيه الادمنز اللى فى الصفحة الخاصة بخالد الله يرحمه على الفايس بوك
و دا بصراحه مفرحنى
عرفنا نهزهم من قبل حتى وقفه بكره
و لسه يا حكومة
الفساد بتاعك لازم يكون له نهاية ان شاء الله